ဖေဖော်ဝါရီ-၁၊၂၀၂၆။သတိုး/People’s Spring
ရန်ကုန်မြို့ပြည်သူတွေက တော်လှန်ရေးအင်အားစုတွေနဲ့အတူ စစ်အာဏာရှင်ကို တော်လှန်နေဆဲဖြစ်ကြောင်း အာဏာသိမ်း ၅နှစ်ပြည့်မှာ လူထုလှုပ်ရှားမှုပြုခဲ့ပါတယ်။
“ရန်ကုန်ဟာ တော်လှန်ဆဲ ပုန်ကန်ဆဲ” ဆိုတဲ့စကားကို ရန်ကုန်မြို့ပေါ်ကနေရာတော်တော်များများမှာ သပိတ်ရဲဘော်တွေနဲ့ ပြည်သူတွေက ပြောဆိုပြီး လှုပ်ရှားမှုမှာပါဝင်ခဲ့ကြတာပါ။
“လူထု၏ ဘုံရည်မှန်းချက်ဖြစ်သော စစ်အာဏာရှင်စနစ် အဆုံးသတ်ရေး နှင့် တရားမျှတမှုပြန်လည်ရရှိရေး၊ ဖက်ဒရယ်ဒီမိုကရေစီစနစ်ပေါ်ထွန်းရေးအတွက် ဆက်လက်တိုက်ပွဲဝင်နေမည်ဖြစ်ကြောင်း ယခုရန်ကုန်လူထုလှုပ်ရှားဖြင့် သက်သေထူလိုက်သည်။” လို့ ရန်ကုန်တော်လှန်ညီနောင်လေးဖွဲ့ (Yangon 4Brothers) က သတင်းထုတ်ပြန်ထားပါတယ်။
Public Service Announcement
ဒီလှုပ်ရှားမှုကို ရန်ကုန်တော်လှန်ညီနောင် လေးဖွဲ့နဲ့အတူ စမ်းချောင်းပင်မသပိတ်စစ်ကြောင်း ၊Yangon Drone ၊ MLA ၊ CTUM နဲ့ တော်လှန်ပြည်သူတွေပါဝင်ခဲ့ကြတာပါ။
