ဝိုင်းမော်မှာတိုက်ပွဲပြင်းထန်နေပြီး စစ်တပ်ကမပခ ထဲကနေ လက်နက်ကြီး‌တွေ ပစ်နေ

​ဖေ​ဖော်ဝါရီ-၂၊၂၀၂၆။ဇော်ရမ်း/People’s Spring

ဝိုင်း‌မော်မြို့နယ်ထဲမှာဒီနေ့မနက် ၆နာရီခန့်ကစပြီး KIA၊KPDF ပူး‌ပေါင်းတပ်နဲ့ အာဏာသိမ်းစစ်တပ်တို့ကြားတိုက်ပွဲအပြင်းအထန်ဖြစ်နေပါတယ်။

လက်နက်ကြီးအပြန်အလှန်ပစ်ခတ်သံတွေကိုဖေဖော်ဝါရီ ၂ရက်မနက်အ​စောပိုင်းမှစပြီးမြစ်ကြီးနားမြို့ထဲက‌နေ ကြားနေရတာဖြစ်ပါတယ်။မြစ်
ကြီးနားမြို့အခြေစိုက် မြောက်ပိုင်းတိုင်းစစ်ဌာနချုပ်(မပခ)ထဲကနေပါစစ်တပ်ကလက်နက်ကြီး‌တွေ ပစ်ခတ်နေတယ်လို့​ဒေသခံအချို့က​ပြောပါတယ်။

“တော်တော်ကို ပြင်းပြင်းထန်ထန်ဖြစ်နေတာပါ။ အသံတွေ ဆူညံနေတာ။ ဝိုင်းမော်ဘက်ခြမ်းမှာ တော်တော် ပွဲကြမ်းနေတယ်”လို့ မြစ်ကြီးနားမြို့ခံတဦးကပြောပါတယ်။

Public Service Announcement

ဝိုင်း‌မော်မြို့ဟာ မြစ်ကြီးနားမြို့ နဲ့ ဧရာဝတီမြစ်ပဲခြားပြီး အရှေ့ဘက်ကမ်းမှာ ရှိပါတယ်။ကချင်လွတ်လပ်ရေးတပ်မတော် KIAနဲ့ KPDFတွေ ထိန်းချုပ်ထားတဲ့ လမြန်ကျေးရွာကို စစ်တပ်က ပြန်လည်တိုက်ခိုက်ဖို့ကြိုးပမ်းနေပြီး တိုက်ပွဲတွေ မကြာခဏဖြစ်နေပါတယ်။ဇန်နဝါရီလ၂၀ ရက်ကလည်းလမြန်ရွာမှာ တိုက်ပွဲဖြစ်ခဲ့ပြီး စစ်​ကောင်စီက မြောက်ပိုင်းတိုင်းစစ်ဌာနချုပ်ထဲက နေလက်နက်ကြီး‌တွေ ပစ်ခတ်ခဲ့ပါတယ်။

လမြန်ကျေးရွာမှာ၂၀၂၅ဩဂုတ်လကစပြီး တိုက်ပွဲပြင်းထန်ခဲ့ပြီးစစ်တပ်ကလေကြောင်းကနေ ဗုံးကြဲလို့ အရပ်သားထိခိုက်သေဆုံးမှုတွေရှိခဲ့ပါတယ်။

KIA ဦး​ဆောင်တဲ့ မဟာမိတ်တပ်​တွေက ကန်ပိုက်တီမြို့ကို ၂၀၂၄ နိုဝင်ဘာလမှာ အပြီးသတ်သိမ်းပိုက်ထိန်းချုပ်ပြီး စစ်တပ်မဟာမိတ် ပြည်သူ့
စစ်​တွေထိန်းချုပ်ခဲ့တဲ့ ကချင်အထူး​ဒေသ(၁)တစ်ခုလံးကို သိမ်းပိုက်နိုင်ခဲ့ပါတယ် ။မြေရှားထွက်တဲ့ အဲဒီ​ဒေသကို စစ်တပ်က ပြန်သိမ်းပိုင်ထိန်းချုပ်နိုင်ဖို့ ၂၀၂၅ ခုနှစ်မှာ စစ်တပ်နဲ့ ပြည်သူ့စစ်အဖွဲ့​တွေက ဝိုင်း​မော်က​နေ စစ်​ကြောင်းထိုးဖို့ကြိုးစားခဲ့​ပေမယ့်လမြန်ရွာကို​တောင် မ​ကျော်နိုင်ပဲ ပြန်တက်လိုက်၊ပြန်ဆုတ်လိုက်အကြိမ်ကြိမ်ဖြစ်​နေတာပါ။

တိုက်ပွဲတွေ အပြင်းထန်ဆုံးဖြစ်ခဲ့တဲ့ ဩဂုတ်လ နှောင်းပိုင်းမှာ လမြန်ရွာအနီးရှိ နမ့်ဝါရွာကို စစ်တပ်က ဂျက်ဖိုက်တာနဲ့ ဗုံးကြဲလို့ စစ်ဘေးရှောင်မိသား
စုဝင် ငါးဦး ဒဏ်ရာရခဲ့ပြီး အသက် ၇ နှစ်အရွယ် ကလေးငယ်တစ်ဦး သေဆုံးခဲ့ပါတယ်။နိုဝင်ဘာလမှာလည်း ဝိုင်းမော်မြို့ပေါ်ကိုစစ်တပ်က ဒရုန်းနဲ့ ဗုံးကြဲလို့ အရပ်သားတစ်ဦးသေဆုံးခဲ့ပါတယ်။

ကချင်ပြည်နယ်မှာယခုရက်ပိုင်းအတွင်း ဗန်းမော်၊ ဖားကန့် နဲ့ တနိုင်းမြို့နယ်မှာလည်း တိုက်ပွဲတွေဖြစ်နေပါတယ်။