နမခ အနီးစစ်တပ်စစ်​ကြောင်းကို ​တော်လှန်​ရေးအဖွဲ့​တွေတိုက်ခိုက်

ဖေဖော်ဝါရီ- ၈၊ ၂၀၂၆။မိုမို/People’s Spring

မုံရွာမြို့နယ်အခြေစိုက် အနောက်မြောက်တိုင်းစစ်ဌာနချုပ် (နမခ) နဲ့ တစ်မိုင်ကျော်သာဝေးတဲ့ တိုက်ပွဲမှာ စစ်တပ်ရဲ့ ဗိုလ်အဆင့်ရှိသူတစ်ဦးအပါ အဝင် ၁၀ ဦးထက်မနည်း ထိခိုက်သေဆုံးပြီး ​သေနတ် နှစ်လက်သိမ်းဆည်းရရှိတယ်လို့ Black Falcon တပ်ဖွဲ့က ဒီကနေ့ ထုတ်ပြန်ပါတယ်။

​ဖေ​ဖော်ဝါရီ ၅ ရက်က နမခ အနီး မင်းတဲရွာ ​​ဘုန်းကြီး​ကျောင်းထဲမှာအင်အား၂၅ ဦးနဲ့ အထိုင်ချ တပ်စွဲထားတဲ့ ကင်းစခန်းကနေ ထွက်လာ​​တဲ့ ကားတစ်စီး နဲ့ ဆိုင်ကယ်တွေကို ကြားဖြတ်တိုက်ခိုက်ခဲ့တာလို့သိရပါတယ်။

မင်းတဲ နဲ့ သ​ပြေ​တော ​ဖောက်လမ်း​ပေါ် နမခ နဲ့ ( ၁ ) မိုင်​ကျော်သာ​​ဝေးတဲ့ ​နေရာမှာ ​စောင့်ဆိုင်းတိုက် ခိုက်ခဲ့မှုက ​​နှစ်ပွင့် ဗိုလ်တစ်ဦးနဲ့ ရှေ့​ပြေးမောင်းနှင်လာတဲ့ ဆိုင်ကယ်ပေါ်က စစ်သားနှစ်ဦး နေရာမှာပဲ သေဆုံးတယ်လို့ ထုတ်ပြန်ချက်က​​ဖော်ပြပါတယ်။

Public Service Announcement

ဒါ့အပြင် တိုက်ခိုက်မှုကနေ ထော်လာဂျီယာဥ်ပေါ်ပါတဲ့ စစ်အုပ်စုထဲက လေးဦး ထပ်မံသေဆုံးပြီး ၁၀​ ဦး​ ကျော်ထိခိုက် ဒဏ်ရာရကာ MA-1 ​သေနတ် နှစ်လက်သိမ်းဆည်းရရှိခဲ့တယ်လို့ သိရပါတယ်။

တိုက်ပွဲအတွင်း နမခ နဲ့ ကျောက်စစ်ပုံ အ​​မြှောက်တပ်ရင်းက လက်နက်ကြီးပစ်ကူတွေနဲ့ နမခ ကနေ အင်အား ၂၀၀ ပါတဲ့စစ်ကြောင်း ၊ တင့်ကား တစ် စီးအပါအဝင် ပွုင့် 5 ​ပါ သံပြားကာ ကား သုံးစီးနဲ့ စစ်ကူပေးခဲ့တယ်လို့လည်း ဖော်ပြပါတယ်။

သေဆုံးသူတွေရဲ့ အလောင်းတွေနဲ့ ဒဏ်ရာရခဲ့သူတွေကို နမခ စစ်​ဆေးရုံကိုပို့​ဆောင်ပြီးဆေးရုံအ​ရောက်ထပ်မံသေဆုံးသူတွေရှိတယ်လို့လည်း ဆိုပါတယ်။

နမခ တပ်တွင်းထဲကိုစစ်ကိုင်းမြို့ က တပ်မ (၃၃) နဲ့ လုံခြုံ​ရေးတိုးမြင့်ထားပြီး တိုက်ခိုက်မှုဖြစ်ပွားရာ​အနီးက ​ကျေးရွာနှစ်ရွာကိုလည်းစစ်တပ်ကအင် အားအများအပြားနဲ့ ဝင်ရောက်နေတယ်လို့ သိရပါတယ်။

​အဲဒီကျေးရွာတွေက ဒေသခံတွေကို တစ်အိမ်တစ်​ယောက်ခေါ်ယူ စစ်​ဆေး​ရိုက်နှိက်​​​နေ​​တာ၊ ကျေးရွာထဲ က​နေ ပြင်ပကို အထွက်မခံနဲ့ ကျေးရွာထဲလူဝင်မခံတာတွေ ရှိတယ်လို့လည်း Black Falcon တပ်ဖွဲ့က ပြောပါတယ်။

နမခ အနီးစစ်တပ်စစ်ကြောင်းကို Black Falcon တပ်ဖွဲ့ နဲ့အတူ ပြည်သူ့လွှတ်​မြှောက်​ရေးတပ်မ​တော် PLA ၊ မုံရွာခရိုင်အမှတ် (၂၄) တပ်ရင်း တပ်ခွဲ (၃) ၊ ဗမာလွတ်မြောက်ရေးဒီမိုကရက်တစ်တပ်ဦး (BLDF) – SRA တပ်ပေါင်းစုအဖွဲ့၀င် ၊ တိုက်နယ် ၅ ပလဖ ၊ က​နောင်မင်း သားကြီး တပ်ဖွဲ့ ၊ ​​သွေး​​သောက်ညီကို တပ်ဖွဲ့ ၊Three Star တပ်ဖွဲ့ နဲ့ နယ်​မြေခံ အ​မေ့သားတပ်ဖွဲ့တို့ရဲ့ ပူးပေါင်းတိုက်ခိုက်မှုလို့ သိရပါတယ်။

တိုက်ပွဲအတွင်း ရဲဘော်တစ်ဦးကျဆုံးပြီး တစ်ဦး ဒဏ်ရာရရှိခဲ့တယ်လို့ ထုတ်ပြန်ချက်မှာ ဖော်ပြပါတယ်။

“ စစ်တပ်စစ်ကြောင်းက တိုက်ခံရပြီး နမခထဲပြန်ဝင်သွားတယ်” လို့ BLDF ရဲဘော်တစ်ဦးက လူထုနွေဦးကို ပြောပါတယ်။

စစ်တပ်က မုံရွာမြို့နယ်ထဲက အဓိကလမ်းပိုင်းတွေမှာ ပြီးခဲ့တဲ့နှစ်ကတည်းက စစ်ကြောင်းထိုးအထိုင်ချ တပ်စွဲခဲ့တာအပြင် မုံရွာမြို့နယ်အနီးက ချောင်းဦးမြို့နယ်ကိုလည်း စစ်ကြောင်းထိုးအင်အားဖြည့်တာ တွေလုပ်နေပါတယ်။

ရုပ်သံ-Black Falcon