Connect with us

Hi, what are you looking for?

သတင်း

နမခစစ်ကြောင်း ရွှေဘိုနဲ့ ဝက်လက်မှာ တိုက်ခိုက်ခံရပြီး အထိနာ

အနောက်မြောက်ပိုင်းစစ်ဌာနချုပ်(နမခ)ကနေ စစ်ကိုင်းတိုင်းက မြို့နယ်အချို့မှာ ထိုးစစ်ဆင်နေတဲ့ စစ်တပ်စစ်ကြောင်းက အရာရှိတချို့ ဒရုန်းနဲ့တိုက်ခိုက်ခံရပြီး ဆေးရုံတင်ထားရကာ သေဆုံးသူတွေလည်းရှိတယ်လို့ လူထုနွေဦးရဲ့ နမခတပ်တွင်းသတင်းရင်းမြစ်က ပြောပါတယ်။

ဓာတ်ပုံ - စစ်ကိုင်းတိုင်းအတွင်း စစ်တပ်ယာဉ်တန်းကို တော်လှန်ရေးတပ်ဖွဲ့တွေက ကြားဖြတ်တိုက်ခိုက်ပြီးနောက် တွေ့ရစဉ် ။ ပုံအဟောင်း အသုံးပြုထားပါသည်

မတ်-၂၂၊ ၂၀၂၆။မိုမို/People’s Spring

အနောက်မြောက်ပိုင်းစစ်ဌာနချုပ်(နမခ)ကနေ စစ်ကိုင်းတိုင်းက မြို့နယ်အချို့မှာ ထိုးစစ်ဆင်နေတဲ့ စစ်တပ်စစ်ကြောင်းက အရာရှိတချို့ ဒရုန်းနဲ့တိုက်ခိုက်ခံရပြီး ဆေးရုံတင်ထားရကာ သေဆုံးသူတွေလည်းရှိတယ်လို့ လူထုနွေဦးရဲ့ နမခတပ်တွင်းသတင်းရင်းမြစ်က ပြောပါတယ်။

နမခဌာနချုပ်က တပ်တွေဟာ စစ်ကိုင်း၊ ရွှေဘိုနဲ့ ဝက်လက်မြို့နယ်တွေမှာ စစ်ကြောင်းထိုးနေတာလို့ ဆိုပါတယ်။

“ဝက်လက်မှာ သေတာထိတာများတယ်။ပြီးတော့ ရွှေဘို မခေါက်မှာဆိုရင် ဒရုန်းနဲ့ထိတာတင် အယောက် ၃၀လောက်ရှိတယ်”လို့ အထက်ပါသတင်းရင်းမြစ်က ပြောပါတယ်။

Public Service Announcement

Public Service Announcement

နမခစစ်ကြောင်းကို ဦးဆောင်နေတဲ့ ဗိုလ်မှူး ရဲမင်းပိုင်ဟာလည်း ဒရုန်းဗုံးထိမှန်လို့ မန္တလေးနန်းတွင်းဆေးရုံကို ပို့ ကုသနေရတယ်လို့ ဆိုပါတယ်။

အလားတူပဲ ဗိုလ်ကြီးအဆင့် စစ်တပ်အရာရှိနှစ်ဦးလည်း ဦးခေါင်းထိမှန်တာတွေ ရှိတယ်လို့လည်း သတင်းရင်းမြစ်က ပြောပါတယ်။

ဝက်လက်မြို့နယ်အရှေ့ခြမ်းကို စစ်တပ်က စစ်ကြောင်းထိုးတာတွေနဲ့ လေကြောင်းတိုက်ခိုက်မှုတွေ နေ့စဥ် ရှိနေပါတယ်။

“တိုက်ပွဲတွေကတော့ ရှိတယ်။ဒရုန်းနဲ့ ချသလို မြေ ပြင် ထိတွေ့မှုလည်း ရှိတယ်။နယ်မြေအခြေအနေ အရ မထုတ်ပြန်သေးတာ”လို့ ဝက်လက်မြို့နယ် ကာကွယ်ရေးတပ်ဖွဲ့ဝင်တစ်ဦးက ပြောပါတယ်။

ဧရာဝတီမြစ်အရှေ့ခြမ်းက စဥ့်ကူးမြို့ကို စစ်တပ်က ပြန်ထိန်းချုပ်ပြီးနောက် မြစ်အနောက်ဘက်က တော်လှန်ရေးအင် အားစုတွေအားကောင်းတဲ့ ရွှေဘိုနဲ့ ဝက်လက်မြို့နယ်ကိုပါ ထိန်းချုပ်ဖို့ စစ်တပ်က ကြိုးပမ်းနေတာ ဖြစ်ပါတယ်။

ဆက်စပ်သတင်းများ

သတင်း

စစ်ကိုင်းတိုင်း၊ ရွှေဘိုခရိုင်မှာ အယ်နီညိုကြောင့် ရာသီဥ​​တု အပြောင်းအလဲ မြန်ဆန်နေတာကြောင့် စစ်ရှောင်ပြည်သူအချို့ ကျန်းမာရေးထိခိုက်မှုတွေရှိနေကြောင်း ဒေသခံတွေက ပြောပါတယ်။

ဆောင်းပါး

ဂေဇက်ရ ဘုရားပွဲတော်တွေအကြောင်း ပြောကြပြီဆိုရင် အညာမြေ စစ်ကိုင်းတိုင်းက ရွေဘိုမြို့ထောင့်စေတီပွဲက ချန်ထားလို့ မရပါဘူး။ နှစ်စဥ် တော်သလင်းလပြည့်ကျော် ၇ ရက်နေ့ကနေ သီတင်းကျွတ်လဆန်း ၁ ရက်နေ့အထိ ၁၀ ရက်တိုင်တိုင် ကျင်းပလေ့ရှိတယ်။ ၁ဝ ရက်ဆိုပေမယ့် ပွဲတော်မစခင်ကတည်းက ဆိုင်ခန်းတွေ ရောက်နေခင်းနေကြပြီမို့ လချီကျင်းပတဲ့ပွဲတော်ဆိုလည်း...

သတင်း

အာဏာသိမ်းစစ်တပ် ဗုံးပတ်ကြဲနေတဲ့ စစ်ကိုင်းတိုင်း၊ ရွှေဘိုမြို့မှာ မနေ့ညက အင်အားအနည်းငယ်ရှိတဲ့ မြေငလျင်တစ်ခု လှုပ်ခတ်သွားခဲ့ပါတယ်။

သတင်း

စစ်ကိုင်းတိုင်း ရွှေဘိုနဲ့ ဆားလင်းကြီးမြို့နယ်တို့မှာ တော်လှန်သပိတ်အင်အားစုတွေ၊ ဒေသခံပြည်သူတွေက မြန်မာနိုင်ငံရဲ့ ကုလသမဂ္ဂဆိုင်ရာ အမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကုလသမဂ္ဂမှာ ဆက်လက်တာဝန်ထမ်းဆောင်နိုင်ရေးအတွက် လှုပ်ရှားမှုတွေကို ဒီကနေ့ (အောက်တိုဘာ ၁၂) ပြုလုပ်ခဲ့ပါတယ်။

Facebook