ဖေဖော်ဝါရီ-၈၊၂၀၂၆၊ရှိန်း/ People’s Spring
မန္တလေးတိုင်း၊နွားထိုးကြီးမြို့မြောက်ဘက်မှာစစ်တပ်က စစ်ကြောင်းတွေ ဆက်တိုက်ထိုးပြီး ရွာလုံးကျွတ်မီးရှို့ ဖမ်းဆီးခံရတဲ့အမျိုးသမီးငယ်တွေကို အဓမ္မပြုကျင့်နေတယ်လို့ ဒေသခံ တွေက ပြောပါတယ်။
နွားထိုးကြီးမြို့နယ်က နွားထိုးကြီး- မြင်းခြံလမ်းပိုင်းကို စစ်တပ်က ပြန်လည်ရယူသွားပြီးတဲ့ နောက် ဒီဇင်ဘာလကုန်လောက်ကစတင်ကာ စစ်တပ်က စစ်ကြောင်းတွေထိုးတာလို့သိရပါတယ်။
ယခုရက်ပိုင်းအတွင်း နွားထိုးကြီးမြို့ရဲ့ မြောက်ဘက်က ကျေးရွာတွေကို ဆက်တိုက်စစ် ကြောင်းထိုးမီးရှို့ နေတာလို့ ဒေသခံ တွေက ပြောပါတယ်။
Public Service Announcement
ဖေဖော်ဝါရီလ၆ရက်က မြဝတီကျေးရွာကို စစ်တပ်က ဝင်ရောက်မီးရှို့ခဲ့ပြီး ၇ရက်နေ့မှာ ကျွန်းဒေါင့်နဲ့ ဝက်လူးကျေးရွာတို့ကို ထပ်မံမီးရှို့သွားတယ်လို့ သိရပါတယ်။
“မြောက်ခြမ်းမှာ PDFတပ်ရင်းမှူး တယောက်နေတယ်ဆိုပြီး စစ်ကြောင်းထိုးဆက်တိုက်မီးရှို့ နေတာ။စစ်ရှောင် ကအရမ်းကိုများတယ်။မိန်းမပျို လေး တွေ မပြေးနိုင်လို့ မိလို့ မတရားပြုကျင့်ခံရတာ တွေလည်းရှိတယ်”လို့ ဒေသခံတဦး ကပြောပါတယ်။
လက်ရှိအဲဒီမြောက်ခြမ်းက မြဝတီ၊ဆေးခင်းကြီး၊ရွာသာအေး၊ဇီ၊ကျွန်းထောင့် ၊ဝက်လူး၊အောင် မြေစံ၊ပဲချက်၊မကျီးကုန်း၊အောင်ချမ်းသာစတဲ့ ကျေးရွာတွေက ပြည်သူတွေ ဘေးလွတ်ရာတိမ်းရှောင်နေရတယ်လို့ သိရပါတယ်။
ဖေဖော်ဝါရီ ၇ရက် ညပိုင်းကလည်း နွားထိုးကြီး မြို့နယ်အနောက်တောင်ခြမ်းက ကျေးရွာကို စစ်တပ်က Paramoter (စက်တပ် လေထီး)နဲ့ သုံးကြိမ်ဗုံးကြဲခဲ့တာမို့ နေအိမ်တလုံးမီး လောင်ပျက်စီးခဲ့တယ်လို့ သိရပါတယ်။
(မန္တလေးတိုင်း နွားထိုးကြီးမြို့နယ် ကျွန်းဒေါင့်ရွာဘုန်းကြီးကျောင်းကို ၂၀၁၅ ဧပြီ ၁၄ရက်က စစ်တပ်ဗုံးကြဲတိုက်ခိုက်ပြီးနောက် တွေ့ရသည့် ပျက်စီးမှုများ။ ဓာတ်ပုံ – နွားထိုးကြီး Journal)
