ဖေဖော်ဝါရီ – ၉ ၊၂၀၂၆ ၊ ဆိုင်းမင်း/People’s Spring
မန္တလေးတိုင်း၊ ညောင်ဦးမြို့နယ် ၊ ငါ့သရောက်နယ်မြေရဲစခန်းကနေ စျေးထွက်ဝယ်တဲ့ စစ်ကောင်စီတပ်ဖွဲ့ဝင် နှစ်ဦး ကို ရဲစခန်း အနီးမှာတင် မနေ့ (ဖေဖော်ဝါရီ ၈ရက်) နေ့လယ်ပိုင်းက စောင့်ကြိုပစ်ခတ်ခဲ့တယ်လို့ ဒေသတွင်းတော်လှန်ရေးအဖွဲ့ ဖြစ်တဲ့ 21 BAGAN-People Defense Force အဖွဲ့ကသိရပါတယ်။
ပစ်ခတ်တိုက်ခိုက်မှုမှာ တစ်ဦးက နေရာတင်သေဆုံးပြီး ကျန်တစ်ဦးကတော့ ဒဏ်ရာရသွားတယ်လို့ 21 BAGAN-People Defense Force အဖွဲ့ရဲ့ ပြန်ကြားရေးတာဝန်ခံကဆိုပါတယ်။
ငါ့သရောက်နယ်မြေရဲစခန်းရှေ့မှာတင် ပစ်ခတ်တိုက်ခိုက်ခဲ့တာကြောင့် လက်နက်တွေကိုမကောက်ယူနိုင်ခဲ့ဘူးလို့သိရပါတယ်။
Public Service Announcement
သေဆုံးသွားသူနဲ့ ဒဏ်ရာရသွားတဲ့စစ်ကောင်စီတပ်ဖွဲ့ဝင် တို့ကို ရဲစခန်းထဲဆွဲခေါ်ယူသွားကြတယ်လို့ 21 BAGAN-People Defense Force အဖွဲ့က အသိပေးပါတယ်။
အခုလိုပစ်ခတ်မှုဖြစ်တဲ့ င့ါသရောက်မြို့ဟာ ညောင်ဦးမြို့နယ်ထဲမှာပါဝင်ပေမယ့် ပုဂံမြို့နဲ့ တော့ ၁၂ မိုင်ခန့်ဝေးပါတယ်။
ပစ်ခတ်မှုပြီးနောက်စစ်ကောင်စီတပ်ကရဲစခန်းအနီးစစ်ဆေးမှုတွေပြုလုပ်ခဲ့ပြီးဒေသခံတွေအနေဖြင့်ငါ့သရောက်မြို့အတွင်းကစစ်ကောင်စီတပ် တပ်စွဲရာတွေကို ဝေးဝေးကရှောင်ဖို့ အတွက် အသိပေးထားပါတယ်။
