ဖေဖော်ဝါရီ-၁၀၊၂၀၂၆။ဟာနာဆန်/People’s Spring
မကွေးတိုင်း၊ပခုက္ကူခရိုင်၊ပေါက်မြို့နယ်မှာစစ်တပ်က ဒီကနေ့မနက်မှာလေကြောင်းကနေဗုံးကြဲတိုက်ခိုက်လို့ ပြည်သူ ၁၀ဦးထက်မနည်း သေဆုံးကြောင်း အညာမြေအရပ်ဖက်လူမှုအဖွဲ့အစည်း-မြိုင်ကပြောပါတယ်။
လေကြောင်းတိုက်ခိုက်မှုကြောင့် ထိခိုက်ပျက်စီးမှုများအား တွေ့ရစဥ်။ ဓါတ်ပုံ – ကိုလရောင် လေကြောင်းတိုက်ခိုက်မှုကြောင့် ထိခိုက်ပျက်စီးမှုများအား တွေ့ရစဥ်။ ဓါတ်ပုံ – ကိုလရောင် လေကြောင်းတိုက်ခိုက်မှုကြောင့် ထိခိုက်ပျက်စီးမှုများအား တွေ့ရစဥ်။ ဓါတ်ပုံ – ကိုလရောင် လေကြောင်းတိုက်ခိုက်မှုကြောင့် ထိခိုက်ပျက်စီးမှုများအား တွေ့ရစဥ်။ ဓါတ်ပုံ – ကိုလရောင်
ဖေဖော်ဝါရီ ၁ဝ ရက်၊မနက်၁၀နာရီဝန်းကျင်ကနေစပြီးပေါက်မြို့နယ်တောင်ပိုင်းကကျေးရွာတစ်ရွာကိုစစ်တပ်ကလေကြောင်းတိုက်ခိုက်ခဲ့တာလို့ အညာမြေအရပ်ဖက်လူမှုအဖွဲ့အစည်း-မြိုင်က ပြောပါတယ်။
“အတည်ပြုလို့ရတာတော့ Dead Body (ရုပ်အလောင်း) ၁၀ ဦးကောက်ရပြီလို့သိရတယ်။နောက်ထပ်လည်းအဆက်အသွယ်မရတဲ့သူလေးတွေရှိသေးတယ်လို့ သိရတယ်။အဲဒါတော့သေသလား၊ တခြားကိုရောက်သွားတာလား အတည်ပြုလို့မရသေးဘူး။”လို့ အညာမြေအရပ်ဖက်လူမှုအဖွဲ့အစည်း-မြိုင်ရဲ့ တာဝန်ရှိသူ ဆရာထွေးက ပြောပါတယ်။
Public Service Announcement
စစ်တပ်ဟာ ၁ နာရီအတွင်းမှာကပစ(၂၂)ကနေတက်လာတဲ့ ပါရာမော်တာနဲ့တစ်ကြိမ်တိုက်ခိုက်ပြီးနောက် မကွေးလေတပ်က တက်လာတဲ့ ဂျက်ဖိုက်တာ ၃စီးနဲ့ ၅ ကြိမ်ထက်မနည်းလေကြောင်းပစ်ခတ်တိုက်ခိုက်သွားတာဖြစ်ကြောင်းအညာမြေအရပ်ဖက်လူမှုအဖွဲ့အစည်း-မြိုင်က ပြောပါတယ်။
“တိုက်ခိုက်ခံရတဲ့ရွာမှာ ဘုရားပွဲရှိနေချိန်မှာတိုက်ခိုက်ခံရတာလို့သိရပါတယ်။”လို့ အထက်ပါအဖွဲ့ကတာဝန်ရှိသူကပြောပါတယ်။
ဒါပေမယ့် ထိခိုက်သေဆုံးမှုအရေအတွက်ကိုတော့ အတည်ပြုလို့မရသေးပါဘူး။ပြည်သူတွေအနေနဲ့ လူစုလူဝေးမလုပ်ဖို့၊အလှူအတန်းနဲ့ မင်္ဂလာဆောင်တွေ၊ ချစ်ကြည်ရေးဘောလုံးပွဲတွေပြုလုပ်တာနဲ့ သွားလာတာတွေရှောင်ကျဥ်ဖို့ အညာမြေအရပ်ဖက်လူမှုအဖွဲ့အစည်း-မြိုင်က သတိပေးပါတယ်။
အလားတူ ပေါက်နဲ့ နယ်မြေချင်းဆက်နေတဲ့ မြိုင်မြို့နယ်မှာလည်း မနေ့ညကနဲ့ ဒီမနက်လေကြောင်းတိုက်ခိုက်မှုတွေရှိနေပြီးပြည်သူထိခိုက်မှုတွေ၊အိုးအိမ်ပျက်စီးတာတွေ ရှိနေပါတယ်။
လက်တလောပေါက်မြို့နယ်တောင်ပိုင်းမှာစစ်တပ်နဲ့တော်လှန်ရေးတပ်တွေကြားတိုက်ပွဲတွေပြင်းထန်နေပါတယ်။
