စစ်ကောင်စီတပ်ဖွဲ့ဝင် ၁၀၀ နီးပါးသေဆုံး၊ စစ်သုံ့ပန်း၁၀၀ကျော် ဖမ်းမိဟု အမှတ်(၁)စစ်ဒေသ ထုတ်ပြန်
ဖေဖော်ဝါရီ-၁၁၊၂၀၂၆။အိမ်သွင်/People’s Spring
စစ်ကိုင်းတိုင်း၊ ကန့်ဘလူခရိုင်အတွင်းမှာ ပြည်သူ့ကာကွယ်ရေးတပ်မတော်(PDF)၊ ပကဖနဲ့ အာရက္ခတပ်တော်(AA)တို့ရဲ့ ပူးပေါင်းစစ်ဆင်ရေးမှာ စစ်တပ်ရဲ့ စခန်းလေးခုနဲ့ စစ်ကြောင်းတစ်ကြောင်းကို တိုက်ခိုက်သိမ်းပိုက်ခဲ့ပြီး စစ်တပ် ၁၀၀ နီးပါးသေဆုံးကာ သုံ့ပန်း ၁၀၀ကျော် ဖမ်းမိတယ်လို့ အမှတ်(၁)စစ်ဒေသက ထုတ်ပြန်ပါတယ်။
ကန့်ဘလူခရိုင်က စစ်တပ်စခန်း ၄ခုနဲ့ စစ်ကြောင်း တိုက်ခိုက်သိမ်းပိုက်အပြီး သိမ်းရသော လက်နက်ခဲယမ်းတွေ။ ဓာတ်ပုံ – အမှတ် (၁) စစ်ဒေသ ကန့်ဘလူခရိုင်က စစ်တပ်စခန်း ၄ခုနဲ့ စစ်ကြောင်း တိုက်ခိုက်သိမ်းပိုက်အပြီး သိမ်းရသော လက်နက်ခဲယမ်းတွေ။ ဓာတ်ပုံ – အမှတ် (၁) စစ်ဒေသ ကန့်ဘလူခရိုင်က စစ်တပ်စခန်း ၄ခုနဲ့ စစ်ကြောင်း တိုက်ခိုက်သိမ်းပိုက်အပြီး သိမ်းရသော လက်နက်ခဲယမ်းတွေ။ ဓာတ်ပုံ – အမှတ် (၁) စစ်ဒေသ
၂၀၂၅ ဒီဇင်ဘာကနေ လက်ရှိ ဖေဖော်ဝါရီလဆန်းအတွင်းဖော်ဆောင်ခဲ့ကြတဲ့ စစ်ဆင်ရေးကို ဒီနေ့ ဖေဖော်ဝါရီ ၁၁ရက်မှာ ထုတ်ပြန်လာတာဖြစ်ပါတယ်။
Public Service Announcement
PDF၊ ပကဖနဲ့ အာရက္ခတပ်တော်(AA) ပူးပေါင်းတပ်တွေဟာ ကန့်ဘလူမြို့နယ်က ကိုးတောင်ဘို့(ပျူစောထီး)ရွာစခန်း၊ ရွှေဘို-မြစ်ကြီးနားလမ်းပေါ်က ပေကြီး(ပျူစောထီး)ရွာစခန်း၊ ငှက်ပျောတိုင်း(ပျူစောထီး)စခန်း၊ ကျွန်းလှမြို့နယ်က အင်တိုင်း(ပျူစောထီး)ရွာစခန်းနဲ့ကောလင်းမြို့ကနေ ထွက်လာတဲ့ စစ်ကြောင်းကို တိုက်ခိုက်ခဲ့တာလို့ ထုတ်ပြန်ပါတယ်။။
တိုက်ပွဲတွေအတွင်း စစ်ကောင်စီတပ်ဖွဲ့ဝင် ၉၆ဦး သေဆုံးပြီး ၃၈ဦးဒဏ်ရာရသလို ၁၀၁ဦး ဖမ်းမိခဲ့တယ်လို့ ဆိုပါတယ်။လက်နက်မျိုးစုံ (၁၈၇)လက်၊ ကျည်မျိုးစုံ (၂၄၆၅၂) တောင့်၊ ဗုံးသီးမျိုးစုံ (၅၃၀) လုံးအပြင် စစ်သုံးပစ္စည်းတွေလည်း သိမ်းဆည်းခဲ့တယ်လို့ ထုတ်ပြန်ထားပါတယ်။
အဲဒီစစ်ဆင်ရေးတွေမှာ AAနဲ့အတူ ကန့်ဘလူမြို့နယ်ပြည်သူ့ကာကွယ်ရေးတပ်မတော် (PDF)၊အထူးလှုပ်ရှားတပ်မ၊ ကန့်ဘလူခရိုင် ဒရုန်းအဖွဲ့၊ ကန့်ဘလူခရိုင် ကျေးရွာ ပြည်သူ့ကာကွယ်ရေးတပ်ဖွဲ့ (ပကဖ)၊ ကန့်ဘလူမြို့နယ်နှင့် ခင်ဦးမြို့နယ် ပြည်သူ့ကာကွယ်ရေးအဖွဲ့ (ပကဖ)၊ စစ်ကိုင်းတိုင်း ပြည်သူ့ကာကွယ်ရေးတပ်ဖွဲ့ (ပကဖ)၊ ကျွန်းလှမြို့နယ်၊တန့်ဆည်မြို့နယ် ပကဖ၊ ကန့်ဘလူခရိုင်အမှတ် (၁) စစ်ဒေသ ဒရုန်းတပ်ဖွဲ့၊ ခရိုင်လက်နက်ကြီးတပ်ဖွဲ့ တို့က ပူးပေါင်းတိုက်ခိုက်ခဲ့ကြပါ။
တိုက်ပွဲတွေအတွင်း စစ်ကောင်စီက Jet Fighter၊ Y-12 နဲ့ (၃၇)ကြိမ် ဗုံးကြဲခဲ့ပြီး Gyrocopter နဲ့(၄) ကြိမ်၊ ကာမီကာဇီ ဒရုန်းနဲ့(၄) ကြိမ် တိုက်ခိုက်ခဲ့တာလို့ ထုတ်ပြန်ထားပါတယ်။ ပေကြီးရွာစခန်းနဲ့ ငှက်ပျောတိုင်းရွာစခန်းကို တိုက်ခိုက်သိမ်းပိုက်ပြီးနောက် ပြန်လည်ဆုတ်ခွာခဲ့ပြီး အင်တိုင်းရွာစခန်းနဲ့ ကိုးတောင်ဘို့ရွာစခန်းကို ဆက်လက် ထိမ်းသိမ်းထားတယ်လို့ အမှတ် (၁) စစ်ဒေသက ထုတ်ပြန်ထားပါတယ်။
