စစ်အာဏာရှင်ဆန့်ကျင်ရေးနဲ့ နိုင်ငံ့ခေါင်းဆောင်တွေအပါအဝင် နိုင်ကျဥ်းတွေ လွှတ်ပေးရေး စစ်ကိုင်းနဲ့ တနင်္သာရီမှာ ဆန္ဒပြ

ဖေဖော်ဝါရီ-၁၁၊၂၀၂၆။ သုည/People’s Spring

စစ်ကိုင်းနဲ့ တနင်္သာရီတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်အာဏာရှင်ဆန့်ကျင်ရေးနဲ့ နိုင်ငံ့ခေါင်းဆောင်တွေ အပါအဝင် နိုင်ငံရေးအကျဥ်းသားတွေ လွှတ်ပေးရေး လှုပ်ရှားမှုတွေ ဒီကနေ့ (ဖေဖော်ဝါရီ ၁၁)မှာ ပြုလုပ်ခဲ့ပါတယ်။

စစ်ကိုင်းတိုင်း၊ အရာတော်မြို့နယ်မှာ အညာပစ်တိုင်းထောင်လေးများလူထုသပိတ်ကော်မတီမှ ဒေသခံပြည်သူတွေကို နိုင်ငံရေးတရားဟောပြောပွဲနဲ့ တော်လှန်ရုပ်ရှင်တွေကို ပြသခဲ့ပြီး စစ်အာဏာရှင်စနစ် အမြစ်ပြည်အထိ ဆန့်ကျင်တော်လှန်ကြဖို့ တိုက်တွန်းနှိုးဆော်ခဲ့ပါတယ်။

ယင်းမာပင်မြို့နယ်မြောက်ခြမ်းမှာလည်း နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းမှ “စုစည်းပါဝင် တော်လှန်ရေးအရှိန်တင်” စာသားကိုင်ဆောင်ကာ ဖမ်းဆီးထားသောနိုင်ငံ့ခေါင်းဆောင်တွေနဲ့ နိုင်ငံရေးအကျဉ်းသားတွေ အားလုံးချက်ချင်းလွှတ် ကြွေးကြော်သံတွေနဲ့ ချီတက်ဆန္ဒပြခဲ့ပါတယ်။

Public Service Announcement

တနင်္သာရီတိုင်း၊ ထားဝယ်ခရိုင် လောင်းလုံးမြို့နယ်အတွင်း ဒီမိုကရေစီအရေးလှုပ်ရှားမှုသပိတ်ကော်မတီ (DDMSC)ကဦးဆောင်ပြီး စစ်အာဏာရှင်စနစ်ဆန့်ကျင်ရေး ညသပိတ် လှုပ်ရှားမှု ပြုလုပ်ခဲ့ပါတယ်။

သပိတ်ဦးဆောင်သူတွေက “စစ်အာဏာရှင်စနစ်အောက်မှာ ငါတို့ဘယ်တော့မှ မငြိမ်သက်သွားဘူး” ဆိုတဲ့ စာသားနဲ့ မီးတုတ်တွေ ကိုင်ဆောင်ပြီး ချီတက်ဆန္ဒပြခဲ့ပါတယ်။

ဒါ့အပြင် “စစ်အာဏာရှင်စနစ် ကျဆုံးရေး”၊ “စစ်ကောင်စီရဲ့အတုအယောင်ရွေးကောက်ပွဲ ဆန့်ကျင်ရေး” ၊ “ဖက်ဒရယ်ဒီမိုကရေစီစနစ် တည်ဆောက်​​ရေး” စတဲ့ ကြွေးကြော်သံတွေ ဟစ်ကြွေးခဲ့ပါတယ်။