ဖေဖော်ဝါရီ -၂၀၊ ၂၀၂၆။ မိုမို/Peoples Spring
စစ်ကိုင်းတိုင်း၊ ယင်းမာပင်မြို့နယ်၊ဘန့်ဘွေးကျေးရွာကထွက်လာတဲ့ စစ်ကောင်စီတပ် စစ်ကြောင်း တိုက်ခိုက်ရာ သုံးဦးသေဆုံးပြီး လက်နက်တစ်လက် သိမ်းရတယ်လို့ ယင်းမာပင်မြို့နယ်ပကဖ လက်ရုံးတပ် ULF စစ်ကြောင်း တာဝန်ရှိသူက လူထုနွေဦးကို ပြောပါတယ်။
စစ်ကောင်စီတပ်ကို တိုက်ခိုက်ဖို့အတွက် ၂ရက် ကြာစောင့်ဆိုင်းခဲ့ပြီး အခု ဖေဖော်ဝါရီ ၁၅ရက် မနက် ၃နာရီခွဲကနေ ၄နာရီဝန်းကျင်အထိ တိုက်ပွဲ ဖြစ်ခဲ့တယ်လို့ ဆိုပါတယ်။
“အလောင်း၊လက်နက်ရတယ်။သုံးဦးသေပါတယ် ဒဏ်ရာရများပါတယ်”လို့ ULF စစ်ကြောင်း တာဝန်ရှိသူက စစ်ကောင်စီတပ်သားတွေ သေဆုံးမှုအပေါ် ပြောပါတယ်။
Public Service Announcement
စစ်တပ်က ဘန့်ဘွေးကျေးရွာစခန်းကနေ လက်နက်ကြီးပစ်ကူပေးကြောင့် တိုက်ပွဲဖြစ်ပွားချိန်မှာ အခင်းဖြစ်ပွားရာနေရာကို မရှင်းလင်းနိုင်ခဲ့တာကြောင့် ပြန်ဆုတ်ခဲ့ရတယ်လို့လည်း အသိပေးပါတယ်။
ဒါ့အပြင် ခရီးသွားပြည်သူကားတွေ တားဆီးပြီး ဖမ်းစီးငွေညှစ်တာတွေ အနီးအနား ကျေးရွာတွေကို လှည့်လည်ရိက္ခာယူတာတွေ နေ့စဥ်ပြုလုပ်လာတာကြောင့် ULF စစ်ကြောင်း ၊ကနီမြို့နယ် ပကဖ လက်ရုံးတပ် ၊ ကနီ 9+ စစ်ကြောင်း ၊YMB Column (ယင်းမာပင်မြို့နယ် စစ်ကြောင်း)တို့ကပူးပေါင်းတိုက်ခိုက်ခဲ့တာလို့ သိရပါတယ်။
ပျူစောထီးတွေများတဲ့ ဘန့်ဘွေးကျေးရွာမှာ စစ်တပ်က ၂၀၂၂ကတည်းက တပ်စွဲခဲ့တာဖြစ်ပါတယ်။ အနောက်မြောက်ပိုင်းစစ်ဌာနချုပ် (နမခ)ကတပ်တချို့ အခြေစိုက်ပြီး အင်အား ၆၀ ထက် မနည်းရှိတယ်လို့ သိရပါတယ်။
