ဖေဖော်ဝါရီ – ၂၀ ၊၂၀၂၆ ၊ဆိုင်းမင်း/People’s Spring
မန္တလေးမြို့မှာအာဏာသိမ်းစစ်ကောင်စီရဲ့ပြည်ထဲရေးဝန်ကြီးဌာန လက် အောက်ခံရဲတပ်ဖွဲ့ရဲ့မိသားစုဝင်တွေဟာဝန်ထမ်းလိုင်းခန်းတွေကို စွန့်ခွာပြီးလူနေရပ်ကွက်တွေမှာဌားရမ်းနေထိုင်လာကြတယ််လို့ ရဲအသိုင်းအဝိုင်းကနေသိရပါတယ်။
ရဲစခန်းဝင်းထဲမှာရဲတပ်ဖွဲ့ဝင်တွေအတွက်ပေးထားတဲ့လိုင်းခန်းတွေမှာ မနေကြဘဲ ရဲစခန်းအနီးကရပ်ကွက်တွေမှာ ဌားရမ်းနေထိုင်လာကြတာလို့ အိမ်ခြံမြေဌားရမ်းတာဝန်ဆောင်မှုပေးနေသူတစ်ဦးက လည်းပြောပါတယ်။
“ရပ်ကွက်ထဲလာငှားရင် ရဲမိသားစုတွေ၊တချို့ဆို သိတောင်မသိလိုက်ရဘူး ရဲဆိုတာကို၊နေတာကြာလာမှ သိကြရတာ”လို့ မဟာအောင်မြေမြို့နယ်ရှိ အိမ်ခြံမြေအကျိုးတော်ဆောင်တစ်ဦးကပြောပါတယ်။
Public Service Announcement
အခုလိုလိုင်းခန်းကိုစွန့်ခွာပြီးဌားရမ်းနေထိုင်မှုတွေဟာမန္တလေးမှာ ရဲစခန်းတွေ တိုက်ခိုက်ခံရပြီးနောက်ပိုင်းမှာ အတွေ့ များလာတာလို့ သိရပါတယ်။
တဖက်မှာလည်း ရဲစခန်းဝန်းထဲက လိုင်းခန်းမှာ နေထိုင်သူနည်းပါးလာချိန်မှာကျန်ရှိနေဆဲတပ်ဖွဲ့ဝင်မိသားစုဝင်အချို့ကို ကင်းစောင့်ခိုင်းတာမျိုးရှိတယ်လို့ ရဲမိသားစုနဲ့ နီးစပ်သူတစ်ဦးက ပြောပါတယ်။
“အခုက ဝန်ထမ်းမဟုတ်လည်း မိန်းမသားကအစ ကင်းစောင့်ခိုင်းတယ် ”လို့ အဲဒီ ရဲမိသားစုနဲ့ နီးစပ်သူကိုဆိုပါတယ်။
မန္တလေးမြို့ပေါ်မှာရဲစခန်းတွေ ၊လုံခြုံရေးဂိတ်တွေ ၊စစ်ကောင်စီတပ် စစ်ဆေးရေးဂိတ်တွေ ပစ်မှတ်ထားတိုက်ခိုက်ခံရမှုကြဲသွားပေမယ့်ရဲတပ်ဖွဲ့ မိသားစုတွေက ပြင်ပမှာသာ ငှားရမ်းနေထိုင်နေကြဆဲပါ။
ပြီးခဲ့တဲ့ဇန်နဝါရီလကုန်ပိုင်းကတော့အာဏာသိမ်းစစ်ကောင်စီခေါင်း ဆောင်မန္တလေးနန်းတွင်းရှိအလယ်ပိုင်းတိုင်းစစ်ဌာနချုပ်ဆီရောက်နေချိန် ရှော့တိုက်ဒုံးနဲ့ပစ်ခတ်ခဲ့တယ်လို့ သတင်းထွက်ခဲ့ပေမယ့် စစ်ကောင်စီဘက်က ငြင်းဆိုခဲ့ပါတယ်။
မန္တလေးမြို့ကိုတော့ စစ်ကောင်စီတပ်က အပြည့်အဝထိန်းချုပ်ထားပြီး မြို့ရဲ့ မြောက်ဘက်ခြမ်းက မတ္တရာ နဲ့ စဉ့်ကူးမြို့တွေကိုလည်း ပြန်လည်သိမ်းယူထားပါတယ်။
