ဖေဖော်ဝါရီ-၂၄၊၂၀၂၆။အိမ်သွင်/People’s Spring
ပုဏ္ဏားကျွန်းမြို့နယ်၊ယိုးငူရွာကဈေးကိုစစ်တပ်ကလေကြောင်းကနေ ဗုံးကြဲလို့ ကလေးငယ်တွေ၊ ဈေးရောင်းဈေးဝယ်နေသူတွေအပါအဝင်ပြည်သူ ၁၇ဦးသေဆုံးခဲ့ပြီး ၁၄ ဦး ဒဏ်ရာရခဲ့တယ်လို့ အာရက္ခတပ်တော်(AA) ကတရာဝင် သတင်းထုတ်ပြန်ပါတယ်ယိုးငူကျေးရွာဈေးကိုဖေဖော်ဝါရီလ ၂၄ ရက် မွန်းလွဲ ၂ နာရီ ၇မိနစ်မှာစစ်တပ်က ဂျက်ဖိုက်တာနဲ့ ဗုံးကြဲချသွားတာပါ။
သေဆုံးသူတွေဟာ ဈေးရောင်း၊ ဈေးဝယ်နေကြတဲ့ အပြစ်မဲ့ အရပ်သား ပြည်သူတွေနဲ့ ကလေးငယ်တွေဖြစ်တယ်လို့ AAက ထုတ်ပြန်ထားပါတယ်။လူနေအိမ်၊ ဈေးဆိုင်ခန်းအချို့လည်း မီးလောင် ပျက်စီးသွားပြီး လေကြောင်းကနေဗုံးကြဲတိုက်ခိုက်မှုနဲ့ပတ်သက်လို့ အသေးစိတ်ကိုထပ်မံထုတ်ပြန်မယ်လို့ AAက အသိပေးထားပါတယ်။
အာဏာသိမ်းစစ်တပ်ဟာ ကလေးငယ်တွေကိုပါ ပစ်မှတ်ထားပြီးအဆင်ခြင်မဲ့ဗုံးကြဲနေတာလို့ ဒေသခံတွေကပြောပါတယ်။ ပြီးခဲ့တဲ့ ၂၀၂၅ ဒီဇင်ဘာလ ၁၀ရက်၊ ကမ္ဘာ့လူ့အခွင့်အရေးနေ့ကလည်း မြောက်ဦးမြို့ဆေးရုံကိုဗုံးကြဲလို့ ကလေးငယ်နဲ့ ကိုယ်ဝန်ဆောင်တွေအပါအဝင်၃၆ဦး သေဆုံးပြီး ၇၀ ကျော် ဒဏ်ရာရခဲ့ပါတယ်။
Public Service Announcement
ဇန်နဝါရီလ ၂၀ ရက်နေ့ ညကလည်း ပုဏ္ဏားကျွန်းမြို့နယ်နဲ့ကျောက်တော်မြို့နယ်အစပ် ချောင်းတူကျေးရွာကို လေကြောင်းကနေဗုံးကြဲခဲ့လို့ စစ်ကောင်စီတပ်ဖွဲ့ဝင် သုံ့ပန်းနဲ့သုံ့ပန်းမိသားစုဝင် ၂၁ ဦးသေဆုံးခဲ့ပြီး ၃၀ ဦး ဒဏ်ရာအပြင်းအထန်ရရှိခဲ့ပါတယ်။
