သမ္မတ ဦးဝင်းမြင့်ကို အာဏာသိမ်းခေါင်းဆောင်ပြန်လွှတ်ပေး

ဧပြီ – ၁၇ ၊၂၀၂၆

ရွေးကောက်ခံအရပ်သားအစိုးရကို ဖြုတ်ချအာဏာသိမ်းချိန်ကတည်းက မတရားဖမ်းဆီးထားတဲ့ သမ္မတ ဦးဝင်းမြင့်ကို အာဏာသိမ်းခေါင်းဆောင်က ဒီနေ့ မြန်မာနှစ်ဆန်းတစ်ရက်မှာ လွှတ်ပေး လိုက်တယ်လို့ စစ်တပ်အတွက် ဝါဒဖြန့်ပေးနေတဲ့သတင်းမီဒီယာအချို့က ဖော်ပြလာပါတယ်။

သမ္မတ ဦးဝင်းမြင့်ကို အာဏာသိမ်းတဲ့ ၂၀၂၁ ခုနှစ် ၊ဖေဖော်ဝါရီလ ၁ ရက်မနက်အစောပိုင်းမှာကတည်းက ဖမ်းဆီးခဲ့တာပါ။

အဲဒီနောက် အဂတိမှု ၊ သဘာဝဘေးအမှု ၊ နိုင်ငံဆူပူအောင်လှုံ့ဆော်မှု စွပ်စွဲချက်တွေနဲ့ ပုဒ်မတွေတပ်ပြီး အမှု ၈ မှု အတွက် ထောင်ဒဏ် ၁၄ နှစ်ချကာ တောင်ငူထောင်မှာ အကျဉ်းချခဲ့ပါတယ်။

Public Service Announcement

အဲဒီထောင်ဒဏ်တွေထဲက လေးနှစ်ကို ပြီးခဲ့တဲ့ ၂၀၂၃ ခုနှစ် သြဂုတ်လအတွင်း စစ်ကောင်စီက လျော့ပေါ့ပါတယ်။

အခုတော့ ကျန်ရှိတဲ့ ထောင်ဒဏ်တွေကနေ လွှတ်ပေးလိုက်တာလို့ စစ်တပ်ဝါဒဖြန့် တယ်လီဂရမ်ချန်နယ်တွေက ဖြန့်ဝေလာပါတယ်။

အာဏာသိမ်းစစ်တပ်က ဒီ​နေ့ခင်းမှာသတင်းထုတ်ပြန်တာမှာ နောက်တစ်ကြိမ် ပြစ်မှုထပ်မံကျူးလွန်ပါက ပြစ်မှုလက်ကျန်​တွေကိုပါ ပြန်လည်ကျခံရမယ်ဆိုတဲ့အချက်ကိုထည့်သွင်းထားပါတယ်။ စစ်တပ်ကအာဏာသိမ်းပြီး​နောက်ပိုင်း ပြစ်ဒဏ်ကျူးလွန် မကျူးလွန်ဆိုတာဟာ သူတို့စိတ်တိုင်း
ကျ ဆုံးဖြတ်​နေတာဖြစ်ပါတယ်။

အာဏာသိမ်းစစ်ကောင်စီဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုလည်း ပုဒ်မမျိုးစုံတပ်ကာ ထောင်ဒဏ် ၃၅ နှစ်ချထားပေမယ့် ဘယ်နေရာမှာ ချုပ်နှောင်ထားတယ်ဆိုတာ လူသိရှင်ကြား ထုတ်ပြန်တာမတွေ့ရပါဘူး။