မေ-၂၊၂၀၂၆။တေဇ/People’s Spring
ဧရာဝတီတိုင်း၊ ဝါးခယ်မမြို့က ကောင်းထက်စက်သုံးဆီဆိုင် မီးလောင်မှုဖြစ်ပြီး တစ်ဆိုင်လုံးမီးလောင်သွားတယ်လို့ ဒေသခံတွေက ပြောပါတယ်။
“ကောင်းထက်ဆီဆိုင် ဝါးခယ်မမြို့ မီးလောင်ပြီး မီးငြိမ်းသွားပါပြီ။တစ်ဆိုင်လုံးလောင် ဘယ်အိမ်ကိုမျှ မီးကူးစက်လောင်ခြင်းမရှိခဲ့ပါ”လို့ ဒေသခံတစ်ဦးက ပြောပါတယ်။
မေလ ၂ ရက် နံနက် ၉ နာရီကျော်မှာ မီးစတင်လောင်ခဲ့တာဖြစ်ပြီး ၁နာရီကျော်ကြာမီးငြှိမ်းသတ်ခဲ့ရတယ်လို့ ဒေသခံ လူမှူကူညီရေးအသင်းတွေက အသိပေးထားပါတယ်။
Public Service Announcement
စက်သုံးဆီဆိုင်မီးလောင်မှုဖြစ်တာကြောင့် မီးလောင်အားကောင်းခဲ့ပြီး ပေါက်ကွဲသံတွေလည်းကြားရတယ်လို့ ဒေသခံတွေက ပြောပါတယ်။
မီးလောင်မှုမှာ မီးသတ်တပ်ဖွဲ့နဲ့အတူ ပြည်သူတွေလည်း ပါဝင်ကူညီခဲ့ပြီး ဒဏ်ရာရရှိသူမရှိဘူးလို့ လူမှုကူညီရေးအဖွဲ့ဝင်တစ်ဦးက ပြောပါတယ်။
မြန်မာနိုင်ငံမီးသတ်တပ်ဖွဲ့ရဲ့ ဖေ့စ်ဘွတ်ခ်မှာတော့ မီးလောင်မှုကိုသွားရောက်ကူညီခဲ့တဲ့ အကြောင်းအရာကို ဖော်ပြထားပြီး မီးလောင်မှုအကြောင်းနဲ့ ဆုံးရှုံးမှုတန်ဖိုးတွေထုတ်ပြန်ထားတာမတွေ့ရပါဘူး။
ဧရာဝတီတိုင်းအတွင်းမှာ ဒီလပိုင်းအတွင်းမီးလောင်မှုတွေဆက်တိုက်ဖြစ်နေပြီး ပြီးခဲ့တဲ့လအတွင်းက ဓနဖြူမြို့နယ်က မြို့မဈေးမှာ မီးလောင်မှုဖြစ်ခဲ့ပါတယ်။
ဓာတ်ပုံ – Myanmar Fire Services Department
