Connect with us

Hi, what are you looking for?

သတင်း

မုံရွာမှာ စစ်တပ်က နေအိမ်ပေါ်အထိတက်ပြီး ပေါ်တာဆွဲနေ

စစ်ကိုင်းတိုင်း၊ မုံရွာမြို့မှာ စစ်တပ်က နေအိမ်ပေါ်အထိတက်ပြီး ဖမ်းဆီးပေါ်တာဆွဲလာလို့ ဒေသခံတွေ စိုးရိမ်နေရကြောင်း သတင်းရရှိပါတယ်။

(ပြီးခဲ့သည့်ဖေဖော်ဝါရီလအတွင်းက မုံရွာမြို့ပေါ်တွင် ဖြတ်သန်းလာသော စစ်ကားတစ်စီးပေါ်၌ ပေါ်တာဆွဲလာသည့်လူငယ်များအား တွေ့ရစဥ်။ ဓါတ်ပုံ-Monywa Revolution)

မေ-ရက်၊ ၂၀၂၆။ဟာနာဆန်/People’s Spring

စစ်ကိုင်းတိုင်း၊ မုံရွာမြို့မှာ စစ်တပ်က နေအိမ်ပေါ်အထိတက်ပြီး ဖမ်းဆီးပေါ်တာဆွဲလာလို့ ဒေသခံတွေ စိုးရိမ်နေရကြောင်း သတင်းရရှိပါတယ်။

မုံရွာမြို့မှာ ဒီကနေ့ (မေလ ၃ရက်)မှာ စက်မှုဇုန်နဲ့ရပ်ကွက်အချို့မှာ စစ်တပ်က ပေါ်တာဆွဲ ဖမ်းဆီးမှုတွေ ခပ်စိပ်စိပ်ပြုလုပ်နေပြီး နေအိမ်ပေါ်အထိ တက်ရောက်ဖမ်းဆီးနေကြောင်း ဒေသခံတွေက ပြောပါတယ်။

အဆိုပါဖမ်းဆီးမှုများကြောင့် မုံရွာမြို့ ရုပ်စုံကျောင်းလမ်းမှာ ပြည်သူ ၃ဦး၊ ဘုရားငါးဆူကျောင်းလမ်းမှာ ပြည်သူ ၃ ဦး၊ ညောင်တပင် ကြက်သွန်ဈေးလမ်းမှာ ပြည်သူ ၄ဦးထက်မနည်းနဲ့ စက်မှုဇုံ ပင်မနှပ်ဆေးတိုက်အနီးမှာလည်း အများအပြား ပေါ်တာဆွဲခံရကြောင်း၊ ဒါ့အပြင် မုံရွာတောင်ကူးတို့ကုန်းရပ်ကွက်မှာလည်း နေအိမ်ပေါ်ထိတက်ဆွဲလို့ လူငယ်တစ်ဦး ပါသွားကြောင်း မုံရွာရပ်ကွက် ကင်းထောက်တွေက ပြောပါတယ်။

Public Service Announcement

Public Service Announcement

“အရင်က အိမ်ပေါ်ထိ မဆွဲဖူးဘူး။ ကြားလည်းမကြားဖူးဘူး။ လမ်းမှာဆွဲတာပဲရှိတာ။ လမ်းမကြီးတွေပေါ်လည်းသိပ်ဆွဲသံမကြားဘူး။ ရပ်ကွက်လမ်းကြားတွေထဲပဲဆွဲတာများတာပါ။ အခုဆို

အိမ်ထဲကအပြင်ကို သိပ်မထွက်ရဲဘူး”လို့ မုံရွာမြို့ခံ လူငယ်တစ်ဦးက ပြောပါတယ်။

အခုလို ရပ်ကွက်လမ်းကြားတွေအတွင်းနဲ့ နေအိမ်တွေအထိ ဝင်ရောက်ဖမ်းဆီးမှုတွေ ရှိလာတာကြောင့် ဒေသခံပြည်သူတွေဟာ စိုးရိမ်ထိတ်လန့်မှုတွေ မြင့်တက်နေပြီး အပြင်ထွက်ဖို့ ခက်ခဲနေကြောင်း သိရပါတယ်။

စစ်တပ်ဟာ ပြီးခဲ့တဲ့ ဧပြီလကုန်ပိုင်းမှာ စစ်မှုထမ်းအပတ်စဥ် (၂၄)ကို စတင်နေပြီဖြစ်ပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

သတင်း

စစ်တပ်ရဲ့ စစ်မှုထမ်းအပတ်စဉ်သစ်စတင်ချိန် တိုင်း ရန်ကုန်မြို့မှာ ပေါ်တာဆွဲဖမ်းဆီးတဲ့ ဖြစ်စဉ်တွေ ခပ်စိတ်စိတ်ဖြစ်လေ့ရှိပြီး အခုလထဲမှာတော့ လမ်းမပေါ်တွေမှာ ဖမ်းဆီးတာတွေ လုပ်လာတာကြောင့် သတိထားကြဖို့ မြေပြင်သတင်းတွေဖော်ပြပေးနေတဲ့ Rangoon Scout Network-RSN က အသိပေးပါတယ်။

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။

Facebook