'/%3E%3C/svg%3E){kind=small}
မေ-၄၊၂၀၂၆။ရှိန်း/People’s Spring
ရှမ်းပြည်နယ် နဲ့ ကချင်ပြည်နယ်အစပ် KIA သိမ်းပိုက်ထိန်းချုပ်ထားတဲ့မဘိမ်းမြို့နယ်အတွင်းတိုက်ပွဲ တွေဖြစ်လာနိုင်တာကြောင့်တပါတ်အတွင်း ဒေသခံပြည်သူတွေရှောင်တိမ်းကြဖို့ကချင်လွတ်လပ်ရေးတပ်မတော်( KIA)က သတိပေးထားတယ်လို့ ဒေသခံတွေကပြောပါတယ်။
မိုးမိတ်မြို့ကိုစစ်တပ်က တြိဂံဒေသတိုင်းစစ်ဌာနချုပ်ဘတ်တံဆိပ်ပါစစ်သားတွေလိုက်လာတဲ့ စစ်ကား၂၃စီးအင်အားပို့ပြီးတဲ့နောက် နယ်မြေချင်းဆက်စပ်နေပြီး KIA နဲ့ မဟာမိတ်တွေ သိမ်းပိုက်ထားတဲ့ မဘိမ်းမြို့နယ်မှာတိုက်ပွဲဖြစ်မယ့်သတင်း တွေ ဒေသခံတွေကြားကျယ်ကျယ်ပြန့်ပြန့်ထွက် နေခဲ့တာပါ။
“တကယ်က သင်္ကြန်တွင်းမှာကတည်းက စစ်တပ်က စစ်ကြောင်းထိုးမယ့်သတင်းတွေလွင့်နေတယ်။အဲဒီနောက် အင်အားပို့တာ တွေရှိတယ်။ဒီရက်ပိုင်းမှာ အဲဒီအင်အားတွေထဲကနေ ၅၀ လောက်ရွာတွေဘက်အင်အားလှည့်ပြတာ မျိုးလည်းရှိတယ်။စစ်တပ်က အင်အားပြတာလည်း ခပ်စိတ်စိတ်ဖြစ်လာတယ်”လို့ ဒေသခံ တဦးက ပြောပါတယ်။
Public Service Announcement
KIA ဦးဆောင်တဲ့ပူးပေါင်းတပ်တွေက ၂၀၂၄ ဇန်နဝါရီလမှ မလိမ်းမြို့ကိုသိမ်းပိုက်ခဲ့စဥ်။ ဓါတ်ပုံ-CJ KIA ဦးဆောင်တဲ့ပူးပေါင်းတပ်တွေက ၂၀၂၄ ဇန်နဝါရီလမှ မလိမ်းမြို့ကိုသိမ်းပိုက်ခဲ့စဥ်။ ဓါတ်ပုံ-CJ KIA ဦးဆောင်တဲ့ပူးပေါင်းတပ်တွေက ၂၀၂၄ ဇန်နဝါရီလမှ မလိမ်းမြို့ကိုသိမ်းပိုက်ခဲ့စဥ်။ ဓါတ်ပုံ-CJ KIA ဦးဆောင်တဲ့ပူးပေါင်းတပ်တွေက ၂၀၂၄ ဇန်နဝါရီလမှ မလိမ်းမြို့ကိုသိမ်းပိုက်ခဲ့စဥ်။ ဓါတ်ပုံ-CJ
စစ်တပ်ဝါဒဖြန့်တယ်ဘီဂရမ်ချန်နယ်လ်တွေမှာလည်း မဘိမ်းမြို့နယ်တကျောကို အာဏာသိမ်းစစ်တပ်ကတန်ပြန်ထိုးစစ်ဆင်မယ်လို့သတင်း တွေလွှင့်နေတာ တပတ်ခန့်ရှိပါပြီ။
ကချင်စစ်ရေးသတင်းရင်းမြစ်တဦးကလည်း စစ်တပ်ကထိုးစစ်ဆင်လာနိုင်လို့ ဒေသခံတွေကို တိမ်းရှောင်ခိုင်းတာဖြစ်တယ်လို့မေလ ၄ရက် နေ့လည်ပိုင်းမှာ ပြောပါတယ်။ လက်ရှိအချိန်ထိ စစ်ရေးထူးခြားမှုတွေ မရှိသေးပေမယ့် တိုက်ပွဲတွေ ပြင်းထန်လာမယ့်အခြေအနေရှိတယ်လို့ သူကဆက်ပြောပါတယ်။
စစ်တပ်က မိုးမိတ်မှာစစ်အင်အား ၂၀၀၀ ကျော်ဖြည့်တင်းထားပြီး မဘိမ်းကို ပြန်သိမ်းနိုင်ဖို့ ကြိုးပမ်းလာနိုင်လို့ မကြာမီရက်ပိုင်းတွေမှာတိုက်ပွဲတွေ ဖြစ်လာနိုင်တယ်လို့လည်း ကချင်စစ်ရေးသတင်းရင်းမြစ်က ပြောပါတယ်။
လက်ရှိ ကချင်လွတ်လပ်ရေးတပ်မတော်(KIA)သိမ်းပိုက်ထိန်းချုပ်ထားတဲ့နယ်မြေတွေကို စစ်တပ်ကစစ်ကြောင်းထိုးဖို့စီစဥ်နေပြီး မဘိမ်း အပြင်ဗန်းမော်၊ရွှေကူမြို့နယ်တွေမှာ စစ်တပ်က စစ်ကြောင်း တွေထိုး နေတာပါ။
မဘိမ်းမြို့ကိုKIAနဲ့ တော်လှန်ရေးပူး ပေါင်းတပ် တွေက ၂၀၂၄ခုနှစ် ၊ဇန်နဝါရီကအပြီးသတ်သိမ်းပိုက်ထိန်းချုပ်ခဲ့တာပါ။မိုးမောက်မြို့ကိုတော့ TNLA ဦးဆောင်တဲ့ ပူးပေါင်းတပ်တွေက ၁၀၂၇ စစ်ဆင်ရေးဒုတိယပိုင်း ၂၀၂၅ ခုနှစ်မှာသိမ်းပိုက်ခဲ့တာပါ ။ဒါပေမယ့် တရုတ်အစိုးရ ကြားဝင်မှုနဲ့ စစ်တပ်နဲ့ TNLA တို့အပစ်ရပ်ပြီး TNLA ကာမိုးမိတ်နဲ့ မိုးကုတ်ကိုာစစ်တပ်ဆီ ကျည် ၁ ချက်မဖောက်ပဲ ၂၀၂၅ နိုင်ဝင်ဘာလမှာ ပြန်လွှဲပေးခဲ့တာပါ။
