မေ ၄၊၂၀၂၆။ထားမြတ်/People’s Spring
အမျိုးသားညီညွတ်ရေးအစိုးရ(NUG)ပြည်ထောင်စုဝန်ကြီးချုပ် မန်းဝင်းခိုင်သန်းနဲ့ အဖွဲ့ ဟာ ပဲခူးတိုင်းစစ်ဌာနသို့သွားရောက်ပြီး နယ်မြေအခြေအနေ ကွင်းဆင်းစစ်ဆေးခဲ့ကြောင်း NUG က မေလ ၄ရက်ညပိုင်းမှာ သတင်းထုတ်ပြန်ပါတယ်။
ဝန်ကြီးချုပ်နဲ့ အဖွဲ့ မြေပြင်သွားရောက်မှု မှတ်တမ်းဓာတ်ပုံတွေ ပါ ဖော်ပြထားပြီး ခရီးစဉ်မှာ လူထုနဲ့ တွေ့ဆုံတာ PDF ရဲဘော်တွေနဲ့တွေ့ဆုံတာ ပြုလုပ်ခဲ့တယ်လို့ အသိပေးထားပါတယ်။
ခရီးစဉ်သွားရောက်တဲ့နေ့ရက် အချိန်နဲ့ နေရာ အသေးစိတ် အချက်အလက်တွေ ထုတ်ပြန်ချက်မှာ ဖော်ပြမထားပေမယ့်ဝန်ကြီးချုပ်နဲ့အတူ ပြည်ထဲရေးဝန်ကြီး ဦးလွင်ကိုလတ်၊ကာကွယ်ရေးဒုဝန်ကြီး နိုင်ကောင်းရွက်၊ ဦးမင်းကိုနိုင် တို့ ပါဝင်ခဲ့တယ်လို့ ဖော်ပြထားပါတယ်။
Public Service Announcement
ခရီးစဉ်အတွင်း အမှတ်(၂)စစ်ဆင်ရေးမှူး ရဲဘော်တင်ဦးနဲ့ တိုင်းစစ်ဌာနတာဝန်ရှိသူများကစစ်တောင်းမြစ်ဝှမ်းစစ်ဆင်ရေးအခြေအနေများရှင်းလင်းတင်ပြခဲ့ကြပြီး ပဲခူးတိုင်းစစ်ဌာနအတွင်လှည့်လည်ကြည့်ရှုခဲ့ကြကြောင်းထုတ်ပြန်ပါတယ်။
ဝန်ကြီးချုပ် မန်းဝင်းခိုင်သန်းနဲ့ အဖွဲ့ ပဲခူးတိုင်းစစ်ဒေသကိုသွားရောက်တဲ့ ရုပ်သံဟာ မနေ့က မေလ ၃ရက်ကတည်းက လူမှုကွန်ရက်မှာ ဖော်ပြမှုတွေရှိပါတယ်။ ဝန်ကြီးချုပ်နဲ့ ဦးမင်းကိုနိုင်တို့ ပါဝင်တဲ့အဖွဲ့ဟာ ပဲခူးတိုင်း မြို့ပေါ်ရပ်ကွက်တနေရာကို သက်တောင့်သက်သာ လမ်းလျှောက်နေတဲ့ မှတ်တမ်းဖြစ်ပြီး တဦးနဲ့တဦးစနောက်နေကြတာလည်း ရုပ်သံမှာ တွေ့ရပါတယ်။
ဝန်ကြီးချုပ် မန်းဝင်းခိုင်သန်းဟာ အရင်ကလည်း ရှေ့တန်းစစ်မြေပြင်တွေသွားရောက်ကာ PDF ရဲဘော်တွေနဲ့ တွေ့ဆုံတာ၊ လက်နက်တပ်ဆင်တဲ့အခမ်းအနားတွေ တက်ရောက်ခဲ့တာတွေလည်း ပြုလုပ်ခဲ့ပါတယ်။
