မေ – ၂၆ ၊၂၀၂၆ /People’s Spring
အာဏာသိမ်းစစ်တပ်ရဲ့အုပ်ချုပ်မှုအောက်မှာရှိတဲ့မန္တလေးမြို့မှာလူငယ်လူရွယ်တွေစစ်မှုထမ်းဖို့ ပေါ်တာဆွဲခံရတာလက်ရှိမေလအတွင်း ခပ်စိပ်စိပ်ပြန်ဖြစ်လာပါတယ်။
ပေါ်တာဆွဲမှုတွေဟာချမ်းမြေသာစံ၊အောင်မြေသာစံ၊အမရပူရမြို့နယ်တွေမှာဖြစ်ပွားခဲ့တာလို့မြို့ခံ အချို့ဆီကသိရပါတယ်။
မေလ ၄ ရက်ကညပိုင်းကချမ်းမြသာစည်မြို့နယ်၊ထွန်တုံးရပ်ကွက်မှာ အသက်၂၀အရွယ်အမျိုးသားလူငယ်နှစ်ဦး၊မေ ၁၄ ရက်မှာအမရပူရမြို့ နယ်၊တောင်မြို့၊ညောင်ပင်ရပ်မှာလူငယ်လေးဦး၊မေလ ၁၅ ရက်မှာတော့ အောင်မြေသာစံမြို့နယ်၊ညောင်ကွဲအုပ်စု ၊အောင်ပြည်သာရပ်ကွက်က အသက် ၂၅ နှစ်အရွယ် လူငယ်တစ်ဦး ၊ မေလ ၁၆ရက်မှာအောင်မြေသာစံမြို့နယ်၊ အနှိပ်တော်ရပ်ကွက်ကအသက် ၃၀ အရွယ်လူငယ်တစ်ဦးတို့ ပေါ်တာဆွဲခံရတာပါ။
Public Service Announcement
မေလ ဒုတိယပတ်အတွင်းကလည်း မဟာအောင်မြေမြို့နယ် မှာ အသက် ၁၉ နှစ်အရွယ်လူငယ်တစ်ဦး ပေါ်တာဆွဲခံရတယ်လို့ မဟာအောင်မြေနယ်ခံအမျိုးသမီးက ပြောပါတယ်။
“ကျမတို့ ရပ်ကွက်က ကလေးတစ်ယောက်လည်း အလုပ်ကပြန်လာတုန်း ဖမ်းခံရတာ ၊အခုသတင်းမရဘူးဖြစ်နေတယ် “ လို့ အဲဒီအမျိုးသမီးက ဆိုပါတယ်။
မန္တလေးမှာပေါ်တာဆွဲခံရသူအချို့ကိုဆိုရင် စစ်တပ်လက်ဝေခံပျုစောထီးတွေကငွေကျပ်ရာဂဏန်းနဲ့ မိသားစုကိုပြန်ရွေးခိုင်းတဲ့ပြန်ပေးဆွဲတဲ့ပုံစံမျိုးလည်း ဖြစ်နေတယ်လို့ မြို့ခံတွေဆီကသိရပါတယ်။
ပြီးခဲ့တဲ့ရက်ပိုင်းကဆိုရင်မန္တလေးပျုစောထီးခေါင်းဆောင်ပိုင်းတစ်ဦးဖြစ်သူပေါက်ကိုယ်တော်ကမန္တလေးမှာပြုလုပ်တဲ့ဇာတ်ပွဲတွေမှာ အရွယ် ကောင်းလူငယ်လူရွယ်တွေကို ပေါ်တာဆွဲပေးရမလားဆိုပြီးသူ့ရဲ့ တယ်လီဂရမ်ချန်နယ်ကနေ ထုတ်ပြောခဲ့တာရှိပါတယ်။
