ဇွန်-၁၁၊၂၀၂၆။သတိုး/People’s Spring
ရန်ကုန်-ပဲခူးလမ်းပိုင်းမှာ ကုန်တင်ယာဉ် ၂စီး ယာဉ်တိုက်မှုဖြစ်ပြီး အမျိုးသား ၂ဦး သေဆုံးခဲ့တယ်လို့ မီးသတ်တပ်ဖွဲ့က အသိပေးထားပါတယ်။
ဒီနေ့(ဇွန်၁၁) မနက် ၇နာရီခွဲ လောက်မှာ ပဲခူးမြို့နယ် ဆယ်မိုင်ဂုံးအကျော်မှာ (၂၂)ဘီးယာဉ်ကို အချိုရည်တင်လာတဲ့ Canter(၆)ဘီး ကုန်တင်ယာဉ်က နောက်ကဝင်တိုက်ခဲ့တာလို့ ထုတ်ပြန်ချက်မှာ ဖော်ပြထားပါတယ်။
နောက်ကဝင်တိုက်ခဲ့တဲ့ Canter ကားခေါင်းခန်း ချိုင့်ဝင်သွားပြီး ကားရှေ့ခန်းမှာ ညပ်နေတဲ့သူတွေကို မီးသတ်တပ်ဖွဲ့ နဲ့ ပရဟိတအဖွဲ့ဝင်တွေက ကူညီကယ်ဆယ်ရေးပြုလုပ်ပေးနေရတာကို ထုတ်ပြန်ထားတဲ့ ဓာတ်ပုံတွေမှာတွေ့ရပါတယ်။ ဒါပေမယ့် Canter ကားပေါ်က အမျိုးသား ၂ဦး သေဆုံးသွားပြီး မေတ္တာရွှေစင်ပရဟိတအသင်းက ပဲခူးဆေးရုံကိုပို့ဆောင်ပေးခဲ့ပါတယ်။
Public Service Announcement
“ခေါင်းတိုပြားကားတွေကနဲနဲနင်းတာနဲ့တစ်အားပြေးတယ်။ထိလိုက်ရင်ရှေ့ခန်းကရှင်တာနဲတယ်။သတိထားကြပါ။မိသားစုကိုယ်စီနဲ့ရှိကြတာပါ။” လို့ ဒီဖြစ်စဉ်အပေါ် ဖေ့စ်ဘွတ်ခ်အသုံးပြုသူတစ်ဦးကမှတ်ချက်ရေးသားထားပါတယ်။
