ဇွန် -၁၂၊၂၀၂၆။ဒလပန်း/People’s Spring
ပဲခူးတိုင်းအနောက်ခြမ်း၊ သာယာဝတီခရိုင်၊ အုတ်ဖိုမြို့နယ်က ကျေးရွာတွေကို စစ်တပ်က မီးရှို့ဖျက်ဆီးခဲ့ရာ နေအိမ် ၂၀၀ နီးပါး မီးလောင်ပျက်စီးခဲ့တယ်လို့ ဒေသခံတွေဆီက ပြောပါတယ်။
စစ်တပ်ဟာ ဇွန်လ ၁ ရက်ကစပြီး ၉ ရက်အထိ အုတ်ဖိုမြို့နယ်က ချောင်းခွ၊ ဇီးတော ၊ ကျွန်းလှကုန်းနဲ့ ထန်းပင်ကုန်း ကျေးရွာက နေအိမ်တွေကို မီးရှို့ဖျက်ဆီးခဲ့တာလည်းဖြစ်ပါတယ်။
(အုတ်ဖိုနယ်မှာ စစ်တပ် မီးရှို့ဖျက်ဆီးမှုကြောင့် ပျက်စီးခဲ့ရတဲ့ နေအိမ်များ။ ဓာတ်ပုံ – ပေးပို့) (အုတ်ဖိုနယ်မှာ စစ်တပ် မီးရှို့ဖျက်ဆီးမှုကြောင့် ပျက်စီးခဲ့ရတဲ့ နေအိမ်များ။ ဓာတ်ပုံ – ပေးပို့) (အုတ်ဖိုနယ်မှာ စစ်တပ် မီးရှို့ဖျက်ဆီးမှုကြောင့် ပျက်စီးခဲ့ရတဲ့ နေအိမ်များ။ ဓာတ်ပုံ – ပေးပို့) (အုတ်ဖိုနယ်မှာ စစ်တပ် မီးရှို့ဖျက်ဆီးမှုကြောင့် ပျက်စီးခဲ့ရတဲ့ နေအိမ်များ။ ဓာတ်ပုံ – ပေးပို့) (အုတ်ဖိုနယ်မှာ စစ်တပ် မီးရှို့ဖျက်ဆီးမှုကြောင့် ပျက်စီးခဲ့ရတဲ့ နေအိမ်များ။ ဓာတ်ပုံ – ပေးပို့) (အုတ်ဖိုနယ်မှာ စစ်တပ် မီးရှို့ဖျက်ဆီးမှုကြောင့် ပျက်စီးခဲ့ရတဲ့ နေအိမ်များ။ ဓာတ်ပုံ – ပေးပို့) (အုတ်ဖိုနယ်မှာ စစ်တပ် မီးရှို့ဖျက်ဆီးမှုကြောင့် ပျက်စီးခဲ့ရတဲ့ နေအိမ်များ။ ဓာတ်ပုံ – ပေးပို့)
“ ဇွန်၁ရက်၂ရက်၃ရက်နေ့မှာ ချောင်းခွရွာ ဇီးတောရွာ ဇွန် ၆ရက်ကနေ ၉ရက်ထိ ထန်းပင်ကုန်းရွာ ၊ကျွန်းလှကုန်းရွာတွေကို မီးရှို့တာပါ “လို့ ဒေသခံတစ်ဦးက ပြောပါတယ်။
Public Service Announcement
ပြီးခဲ့တဲ့ မေလကုန်ပိုင်းကစပြီး စစ်တပ်ဟာ အုတ်ဖိုမြို့နယ်အတွင်း စစ်ကြောင်းထိုးဝင်ရောက်ခဲ့တာလည်းဖြစ်ပါတယ်။
စစ်ကြောင်းထိုးဝင်ရောက်လာတဲ့ စစ်တပ်နဲ့ တော်လှန်ရေးတပ်တွေကြား တိုက်ပွဲဖြစ်ပွါးခဲ့တာတွေလည်းရှိခဲ့ပါတယ်။
အုတ်ဖိုမြို့နယ်အတွင်း စစ်ကြောင်းထိုးနေတဲ့ စစ်တပ်ဟာ နေအိမ်တွေမီးရှို့တာ၊ ကျေးရွာအတွင်း ဒရုန်း၊လေယာဉ်၊လက်နက်ကြီးတွေနဲ့ ပစ်ခတ်တာတွေကိုလည်း လုပ်ဆောင်ခဲ့တယ်လို့ ဒေသခံတွေက ပြောပါတယ်။
ဒါအပြင် ပြည်သူတွေကို ဖမ်းဆီးသတ်ဖြတ်တာတွေလည်း လုပ်ဆောင်ခဲ့တယ်လို့လည်း ဆိုပါတယ်။
“ အသတ်ခံရသူ ၇ယောက်ရှိပြီး လေယာဉ်ကြောင့်ဒဏ်ရာရသူ တစ်ယောက်၊ သေဆုံးသူတစ်ယောက်ပါ “ လို့ ဒေသခံတစ်ဦးက ပြောပါတယ်။
စစ်တပ်ရဲ့ လုပ်ရပ်တွေကြောင့် အုတ်ဖိုမြို့နယ်အတွင်း ကျေးရွာ ၂၀ ကျော်က လူဦးရေတစ်သောင်းနီးပါးဟာ ဘေးလွတ်ရာကို ထွက်ပြေးတိမ်းရှောင်နေကြရပါတယ်။
ထွက်ပြေးတိမ်းရှောင်နေကြရတဲ့ စစ်ရှောင်ပြည်သူတွေအတွက် အမိုးအကာ၊ စားနပ်ရိက္ခာနဲ့ ဆေးဝါးတွေ လိုအပ်နေတယ်လို့ ကူညီသူတွေဆီက သိရပါတယ်။
