ဇွန် – ၂၄ ၊၂၀၂၆ /People’s Spring
မန္တလေး၊အမရပူရမြို့နယ်၊ ယဉ်တော်စံရွာရှိအခြေခံပညာမူလွန်ကျောင်း ရှေ့မှာမနေ့( ဇွန်လ ၂၃ ရက်)ကကျောင်းသားအချင်းချင်းစကားများရန်ဖြစ်ရာကဓားထိုးမှုဖြစ်ပြီး ကျောင်းသားတစ်ဦးသေဆုံးသွားတယ်လို့ လူမူကူညီရေးလုပ်ကိုင်သူအချို့ဆီကသိရပါတယ်။
မနေ့ နေ့လယ် ၁၂ နာရီဝန်းကျင်မှာဖြစ်ပွားတဲ့အဲဒီမှုခင်းဖြစ်စဉ်မှာအသက် ၁၅ နှစ်အရွယ် Grade – 6 ကျောင်းသားဓားနဲ့ထိုးခံရပြီး သေဆုံးခဲ့ရတာပါ။
လည်ပင်းကိုဓားထိုးခံရတာဖြစ်ပြီးဓားနဲ့ထိုးသူကလည်းအသက် ၁၄ နှစ်အရွယ်မောင်မောင်တိုးဆိုသူ ကျောင်းသားဖြစ်တယ်လို့သိရပါတယ်။
Public Service Announcement
“ဆေးရုံပို့နေတဲ့အချိန်လမ်းမှာတင်ဆုံးသွားပါတယ်” လို့လူမူကူညီရေး လုပ်ကိုင်သူတစ်ဦးကပြောပါတယ်။
ဓားနဲ့ ထိုးတဲ့ဆယ်ကျော်သက်အရွယ်ကျောင်းသားဟာအမရပူရမြို့နယ်၊ ယဉ်တော်စံကျေးရွာမှာနေထိုင်သူဖြစ်ပြီး အာဏာသိမ်းစစ်တပ်ရဲ့ ပြည်ထဲ ရေးဝန်ကြီးဌာနလက်အောက်ခံ ရဲတပ်ဖွဲ့ ကဖမ်းဆီးထားပါတယ်။
