ဇူလိုင်-၁၄၊ ၂၀၂၆။ ကတ်သရင်းနှင်း/People’s Spring
မန္တလေးတိုင်း၊ နွားထိုးကြီးမြို့က ဗိုလ်ချုပ်အောင်ဆန်းရုပ်တုကို အာဏာသိမ်းစစ်တပ်က ဖျက်ဆီးဖို့ ပြုလုပ်နေပြီး ဖျက်ဆီးသူတွေကို ခွင့်လွှတ်မှာ မဟုတ်ဘူးလို့ မြင်းခြံခရိုင်အမှတ်(၄-၁၀)တပ်ရင်းမှူးက သတိပေးထားပါတယ်။
“နွားထိုးကြီးမြို့က ဗိုလ်ချုပ်ရုပ်တုကို ဖျက်ဆီးဖို့ လုပ်နေကြပြီ။ ဖိအားပေးလို့ လုပ်ရတာတို့၊ မဖြစ်မနေလို့ပါတို့ ခွင့်လွှတ်မှာ မဟုတ်ပါဘူး”လို့ တပ်ရင်းမှူး ကိုစိုးအောင်က လူမှုကွန်ရက်ကတဆင့် သတိပေးထားပါတယ်။
ဗိုလ်ချုပ်အောင်ဆန်းရုပ်တုကို နွားထိုးကြီးမြို့ ၊အမှတ်(၅)ရပ်ကွက်၊ နန္ဒဝန်ပန်းခြံမှာ ၂၀၁၈ ခုနှစ်ကစိုက်ထူခဲ့တာလို့ သိရပါတယ်။
Public Service Announcement
နိုင်ငံအနှံ့က ဗိုလ်ချုပ်အောင်ဆန်းရဲ့ ရုပ်တုတွေကို အာဏာသိမ်းစစ်တပ်က လိုက်လံ ဖျက်ဆီးနေပြီး နွားထိုးကြီးမြို့ပေါ်က ဗိုလ်ချုပ်ရုပ်တုကိုလည်း ဖျက်ဆီးမယ့်သတင်းတွေထွက်ပေါ်နေတာလို့ ဒေသခံတွေက ပြောပါတယ်။
စစ်တပ်ဟာ အာဏာသိမ်းပြီးနောက်ပိုင်း လက်ရှိအချိန်အထိ ဗိုလ်ချုပ်ရုပ်တု ၁၅ခုထက်မနည်း ဖျက်ဆီးထားပြီး စစ်အုပ်စုရဲ့ ပြောရေးဆိုခွင့်ရှိသူ ဒေါက်တာခိုင်ခိုင်စိုးက မြို့နယ်ပါင်း ၁၀၀ကျော်က ဗိုလ်ချုပ်ရုပ်ထုတွေကို စိစစ်ထားကာ အချိုးအစားမမှန်တာကို တွေ့ရှိလို့ ဖျက်ချနေတာလို့ ပြောဆိုထားပါတယ်။
