ဇူလိုင်−၁၆၊၂၀၂၆။ကတ်သရင်းနှင်း/People’s Spring
စစ်တပ်က နိုင်ငံအနှံ့က ဗိုလ်ချုပ်အောင်ဆန်းရုပ်တုတွေကို လိုက်လံဖျက်ဆီးနေပြီး ခင်ဦးမြို့က ရုပ်တုကို စစ်တပ်က ဖျက်ဆီးခဲ့ရင် ချက်ချင်းတိုက်ပွဲဖြစ်သွားနိုင်တယ်လို့ တော်လှန်ရေးတပ်တွေက ပြောပါတယ်။
တော်လှန်ရေးစတင်ချိန်က ယခုအထိ စစ်တပ်က ခင်ဦးမြို့လယ်ခေါင် ဗိုလ်ချုပ်ရုပ်တု အနီးက မင်းသိုက်တိုက် (အိမ်နာမည်)မှာ တပ်စွဲထားတယ်လို့ သိရပါတယ်။
ဗိုလ်ချုပ်ရုပ်တုကို စစ်တပ်ရန်က ကာကွယ်ဖို့အတွက် မြို့ခံပြည်သူတွေအနေနဲ့ ည၇နာရီက နေ မနက် ၄နာရီအတွင်း မြို့တွင်းလမ်းတွေမှာသွားလာခြင်းမပြုကြဖို့ တော်လှန်ရေးတပ်တွေက ကြေညာထားတယ်လို့လည်း မြို့ခံတွေက ပြောပါတယ်။
Public Service Announcement
” ဗိုလ်ချုပ်ကြေးရုပ်ကို သူတို့(စကစ)ဖျက်ဆီးချိန် တွေက အဲ့လို ညအချိန်မ တော်တွေ ဖျက်တာ လေ။သူတို့ဘက်က ဖျက်ဆီးရင် တော့တိုက်ပွဲဖြစ်ဖို့ ၇၅% လောက်များတယ် “လို့ တော်လှန်ရေး တပ်ဖွဲ့ဝင်တစ်ဦးက ပြောပါတယ်။
စစ်တပ်က နိုင်ငံအနှံ့က ဗိုလ်ချုပ်ရုပ်တုတွေ ဆက်တိုက်ဖျက်ဆီးနေတာမို့ နွားထိုးကြီးမြို့က ဗိုလ်ချုပ်ရုပ်တုကို ဖျက်ဆီးရင်လည်း ခွင့်လွှတ်မှာ မဟုတ်ဘူးလို့ နယ်ခံ PDFတပ်ရင်းမှူး ကိုစိုးအောင်ကလည်း ဇူလိုင် ၁၃ ရက်မှာ သတိပေးထားပါတယ်။
စစ်တပ်က လက်ရှိအချိန်အထိ ဗိုလ်ချုပ်ရုပ်ထု ၁၅ ခုထပ်မနည်း ဖျက်ဆီးထားပြီး စစ်ကောင်စီရဲ့ပြောရေးဆိုခွင့်ရှိသူ ဒေါက်တာခိုင်ခိုင်စိုးက မြို့နယ်ပါင်း ၁၀၀ ကျော်က ဗိုလ်ချုပ်ရုပ်တုတွေကိုစိစစ်ထားပြီး အချိုးအစားမမှန်တာတွေ့ရှိလို့ ဖျက်ချနေတာလို့ အကြောင်းပြထားပါတယ်။
