ဇူလိုင် ၂၀၊ ၂၀၂၆ မေရီ/People’s Spring
မန္တလေးမြို့မှာ မြောင်းအဖုံးခိုးယူသူတွေ ဖမ်းမမိလို့ စစ်ကောင်စီလက်အောက်ခံ စည်ပင်သာယာရေးကော်မတီက ပြည်သူကို အကူအညီ ပြန်တောင်းနေရပါတယ်။
မန္တလေးမြို့ နေရာအချို့မှာ မြောင်းအဖုံးတွေ ခိုးယူခံနေရပြီး မြောင်းက အပေါက်ကြီးဖြစ်သွားတဲ့အတွက်အန္တရာယ်တော်တော်များနေလို့ မလုပ်သင့်ကြောင်း စစ်ကောင်စီလက်အောက်ခံ စည်ပင်က ၎င်းတို့ရဲ့ MCDC Facebook Page ကနေ ရေးသားပါတယ်။
“ပြည်သူများအနေဖြင့် မြို့တော်သန့်ရှင်းသာယာလှပရေးအတွက်ဝိုင်းဝန်းကူညီပေးဖို့လိုအပ်မှာဖြစ်သလိုခိုးယူနေတာသိရှိပါကလည်း စည်ပင်ကို သတင်းပေးပို့နိုင်ကြောင်း မေတ္တာရပ်ခံအပ်ပါတယ်။”လို့ မန်းစည်ပင်က ရေးသားပါတယ်။
Public Service Announcement
မန္တလေးမြို့မှာ စစ်တပ်က အာဏာသိမ်းပြီးနောက်ပိုင်း တရားဥပဒေစိုးမိုးမှု မရှိတော့ဘဲ ခိုးဆိုးလုနှိုက်တွေ အဆမတန် များပြားလာပြီးနောက် ယခုအခါ လမ်းဘေးမြောင်းဖုံးတွေပါ အခိုးခံနေရလို့ ခိုးယူသူတွေကို ဝိုင်းဝန်းဖမ်းဆီးပေးဖို့ စစ်ကောင်စီလက်အောက်ခံ မန်းစည်ပင်ကပါ အကူအညီပြန်တောင်းလာရတာ ဖြစ်ပါတယ်။
စစ်ကောင်စီလက်အောက်ခံ စည်ပင်အနေနဲ့ မြို့ပြသန့်ရှင်းသာယာလှပရေးနဲ့ လုံခြုံရေးကို တာဝန်ယူနိုင်ခြင်းမရှိဘဲ ယခုကဲ့သို့ ပြည်သူလူထုထံ အကူအညီတောင်းခံနေရတာဟာ စစ်ကောင်စီယန္တရားရဲ့ အုပ်ချုပ်ရေးပျက်ပြားနေမှုကို ပိုမိုထင်ရှားစေကြောင်း မြို့ခံတွေက ဝေဖန်နေပါတယ်။
ဒီကနေ့ ညနေပိုင်းကပဲ မန္တလေးမြို့၊ ချမ်းမြသာစည်မြို့နယ်၊ ၁၁၀ လမ်း၊ ၆၂ လမ်းနဲ့ ၆၃ လမ်းကြားက မီလျံနာရွှေဆိုင် ဓားပြတိုက်ခံရပြီး ရွှေပိဿာနဲ့ချီ ဆုံးရှုံးခဲ့ကာ ဓါးပြတွေကို ဖမ်းဆီးနိုင်ခြင်း မရှိသေးပါဘူး။
