စဉ့်ကူး၊ နွယ်ရုံရွာမှ ထမင်းဆိုင် ပစ်ခတ်ခံရပြီး စစ်တပ်က ဒေသခံ ၅ ဦးထက်မနည်းကိုဖမ်း

ဇူလိုင်-၂၈၊၂၀၂၆။ကတ်သရင်း/People’s Spring

မန္တလေးတိုင်း၊စဉ့်ကူးမြို့နယ်၊နွယ်ရုံကျေးရွာက ထမင်းဆိုင်ရှင်အပါအဝင်ဒေသခံ ၅ ဦး သေနတ်နဲ့ပစ်ခတ်ခံရလို့သေဆုံးသွားပြီး နောက် စစ်တပ်က ဒေသခံပြည်သူ တွေကိုဝင် ရောက်ဖမ်းဆီး​နေတာ​ကြောင့် ၅ဦးထပ်မနည်းဖမ်းဆီးခံခဲ့ရတယ်လို့ ဒေသခံ တွေက​ပြောပါတယ်။

ဇူလိုင်လ၂၆ ရက်နေ့၊ညပိုင်းက နွယ်ရုံ ကျေးရွာ၊ကောင်းဆက်သာ ထမင်းဆိုင်ပိုင်ရှင် ဦးမြင့် အောင်(၇၆)နှစ်ဟာတရွာထဲနေ ဦးနိုင်ဝင်း ကျော်(၃၂)နှစ်၊ဦးဇော် ဇော်(၃၃)နှစ်၊ဦးသက်မိုးဇော်(၃၅)နှစ်၊ဦးနိုင်ဦး(၅၆)နှစ်တို့ ဆိုင်အတွင်း ထိုင် နေစဉ် လက်နက်ကိုင် ဆောင်ထားသူ ၄ ဦးဟာ ဆိုင်ကယ် ၂စီး နဲ့ရောက်လာပြီး ပစ်ခတ်ခဲ့တာလို့ သိရပါတယ်။

“အုပ်ချုပ်ရေးမှူးရုံးရဲ့ကျောဘက်ကဆိုင်ကိုဝင်ပစ်သွားတာပါ။အပစ်ခံရတဲ့လူက အုပ်ကြီးရဲ့လူတွေလို့ကြားတယ်။ကျန်တဲ့သူတွေတော့ မသိဘူး။အခု ည၈နာရီ နောက်ပိုင်းမထွက်ရ လို့ပိတ်ထားတယ်”လို့ ဒေသခံတဦးက ပြောပါတယ်။

Public Service Announcement

ဒီဖြစ်စဉ်အပြီးဇူလိုင်လ၂၇ ရက်မှာ မန္တလေးမြို့ကနေ စစ်ကား၅ စီးထွက်လာပြီး ညပိုင်းမှာကျေးရွာအတွင်း ကပြည်သူတွေကိုလိုက် လံဖမ်းဆီးတာ တွေပြုလုပ်ခဲ့တယ်လို့ သိရပါတယ်။အနည်းဆုံးပြည်သူ ၅ ဦးထပ်မနည်းဖမ်းဆီးခံရပြီး ဖမ်းဆီးခံရသူ​တွေဟာဒေသခံ အမျိုးသားတွေ ဖြစ်တယ်လို့ သိရပါတယ်။

ပစ်ခတ်မှုကို မည်သည့်တပ်ဖွဲ့ကပြုလုပ်သည်ကို မသိရသလို TRIဗျူဟာကလည်း ၎င်းတို့တပ်ဖွဲ့ကပြုလုပ်ခြင်းမဟုတ်ဘဲ အမှုမှန်​ပေါ်​ပေါက်​ရေးဝိုင်းဝန်း​ဆောင်ရွက်​နေ​​ကြောင်း ဗျူဟာတာဝန်ရှိသူက လူမှုကွန်ယက်မှာ​ရေးသားထားပါတယ်။

စစ်တပ်ဝါဒဖြန့် လူမှုကွန်ယက်​တွေက အထက်ပါ ၅ ဦးကိုပစ်တာက PDF ​တွေဖြစ်ပြီး အပစ်ခံသူ​တွေက ​ထောက်ပို့​တွေဖြစ်ကာ၊​ထောက်ပို့​ငွေလိမ်သွားတဲ့အတွက် ပစ်ခတ်သတ်ဖြတ်တာဆိုပြီး သတင်းအမှားဖြန့်ချီ​နေကြတာကို​တွေ့ရပါတယ် ။

စဥ်ကူးမြို့နယ်ကို ပြည်သူ့ကာကွယ်​ရေးတပ်မ​တော်(မန္တ​လေး) နဲ့မဟာမိတ်​တွေက ၂၀၂၄ ဇူလိုင်လမှာ ရှမ်းမန်းစစ်ဆင်​ရေးနဲ့အတူ စစ်တပ်စခန်း​တွေကိုထိုးစစ်ဆင်သိမ်းပိုက်ထိန်းချုပ်ခဲ့ပါတယ် ။ဒါ​ပေမယ့် ၂၀၂၅ မှာစစ်တပ်က တန်ပြန်ထိုးစစ်ဆင်ပြီး ၂၀၂၅ ဒီဇင်ဘာ ၁၉ မှာပြန်လည်ထိမ်းချုပ်သွားပါတယ်။