ဩဂုတ်-၈၊၂၀၂၆။ကတ်သရင်း/ People’s Spring
စစ်ကိုင်းတိုင်း၊ တန့်ဆည်မြို့နယ်၊ရွှေလှန်ကျေးရွာမှာ ကလေးငယ် ၁ဦးနဲ့ အမျိုးသား ၁ဦး ရေစီးနဲ့ မျောပါပျောက်ဆုံးနေပြီး ဒီကနေ့အထိ ရှာမတွေ့သေးဘူးလို့ ဒေသခံတွေက ပြောပါတယ်။
တန့်ဆည်မြို့နယ်အတွင်း ကမူးဘောင်၂ခုကျိုးပြီး ကျေးရွာတွေအတွင်း ရေဝင်ရောက်ခဲ့ပြီးနောက်ဩဂုတ် ၇ရက် မနေ့က မနက်၇နာရီမှာ ရွှေလှံကျေးရွာက တဲအိမ်တချို့ပါ ရေဝင် ရောက်ခဲ့ပြီး အသက်(၅၀)ကျော် အရွယ်မျိုးသား ၁ဦးနဲ့ (၂)နှစ်အရွယ် ကလေးငယ် ၁ဦး ရေစီးနဲ့မျောပါခဲ့တာလို့ သိရပါတယ်။
“ရေဝင်တက်တဲ့ အရပ်ဒေသမဟုတ်တော့ အများစုကရေမကူးတက်ကြဘူး။ရေကအရမ်းတက် နေတာ ။ရေစီးလည်း ကြမ်းတယ်။အခုထိ လိုက်ရှာတာ ကလေးရော၊လူကြီးပါရှာမ တွေ့ဘူး”လို့ ဒေသခံတစ်ဦးက ပြောပါတယ်။
Public Service Announcement
သဖန်းဆိပ်ဆည်က ရေလွှတ်တာကြောင့် တန့်ဆည်မြို့နယ်အရှေ့ပိုင်းက ငတန်း၊အက်တော၊ညံသာ၊တုတ္တ၊ သောင်သုခ၊ဗျက်ကြီး၊တပ်သစ်၊ရွှေလှန် နဲ့ တန့်ဆည်မြို့နယ် မြောက်ခြမ်းက ကမ်းဖြူ၊ဝက်တိုး၊သာပေါင်းကြီးကျေးရွာတို့ ရေနစ်မြှုပ်နေတယ်လို့ သိရပါတယ်။
ဒီနေ့အထိ ဆည်တွေက ရေလွှတ်နေဆဲဖြစ်ပြီး တန့်ဆည်မြို့နယ်အတွင်း မူး ဘောင်နှစ်ခုနဲ့ တံတားနှစ်စင်းလည်းကျိုးသွားတယ်လို့ သိရပါတယ်။
