သြဂုတ် ၁၂၊ ၂၀၂၆။ ဇေအောင်/People’s Spring
မန္တလေးမြို့လယ်မှာ လက်ဖက်ရည်ဆိုင်ထိုင်နေတဲ့ ရပ်ကွက် အကွက်မှူးတစ်ဦး ဓားနဲ့ထိုးခံရတယ်လို့ ဒေသခံအချို့က ပြောပါတယ်။
မနေ့က သြဂုတ် ၁၁ ရက် ည ၇ နာရီခွဲခန့်က မန္တလေးမြို့၊ချမ်းအေးသာဇံမြို့နယ် ၈၂ လမ်း၊ ၂၇ လမ်းနဲ့ ၂၈ လမ်းကြားက လက်ဖက်ရည်ဆိုင်တစ်ဆိုင်မှာထိုင်နေတဲ့ အဆိုပါရပ်ကွက်က အကွက်မှူး နိုင်ဝင်းဆိုသူကို လူတစ်ဦးက ဓါးနဲ့ဝင်ထိုးသွားတာဖြစ်ကြောင်း မြို့ခံအချို့က ပြောပါတယ်။
“လက်ဖက်ရည်ဆိုင်ထဲအထိ ဝင်ထိုးသွားတာ။ ဝင်ထိုးတဲ့သူကတော့ ထွက်ပြေးသွားတယ်”လို့ ဒေသခံတစ်ဦးက ပြောပါတယ်။ဓါးနဲ့အထိုးခံရသူ အကွက်မှူးဟာ မန္တလေးဆေးရုံကြီးမှာ အရေးပေါ်ကုသမှူ ခံယူနေရတယ်လို့ သိရပါတယ်။
Public Service Announcement
ရပ်ကွက် အကွက်မှူး ဘာကြောင့် ဓါးနဲ့အထိုးခံရတယ်ဆိုတာတော့ မသိရသေးပါဘူး။
စစ်တပ်အာဏာသိမ်းပြီးနောက်ပိုင်း ရပ်ကွက်အုပ်ချုပ်ရေးမှူးနဲ့အဖွဲ့ဝင်တွေဟာ စစ်မှုထမ်းကြေး ကောက်ခံတာ၊ စစ်မှုထမ်းရှောင်သူတွေဆီကနေ လာဘ်ငွေရယူတာ၊ အိမ်ခြံမြေအရောင်းအဝယ်လုပ်သူတွေဆီကနေ ငွေရတာ၊ ဧည့်စာရင်းကြေးကောက်ခံတာ စတဲ့ လုပ်ငန်းတွေကနေ ငွေပြေးအများအပြား ရရှိနေပြီး စစ်အုပ်စုနဲ့ပေါင်းကာ ပေါ်တာဆွဲတဲ့အလုပ်တွေမှာပါ ပံ့ပိုးနေကြတယ်လို့ သိရပါတယ်။
