မိုးမိတ်မြို့နယ်၊ ရွှေတောရွာကို စစ်တပ်ဗုံးကြဲ ပြည်သူနှစ်ဦးဒဏ်ရာရ

ဩဂုတ်-၁၄၊၂၀၂၆။ကတ်သရင်း/People’s Spring

ရှမ်းပြည်နယ်မြောက်ပိုင်း၊မိုးမိတ်မြို့နယ်၊ရွှေတောကျေးရွာဘက်ကိုစစ်တပ်ကလေကြောင်းက​နေ ဗုံးကြဲခဲ့တာကြောင့် ပြည်သူနှစ်ဦးထိခိုက်ဒဏ်ရာရခဲ့တယ်လို့ ဒေသခံတွေကပြောပါတယ်။

ဩဂုတ်လ၁၄ရက်​ ​နေ့လယ် ၁၁နာရီ ၄၅မိနစ်မှာ တံတားဦး လေတပ်က ဂျက်ဖိုက်တာနဲ့ ဗုံးကြဲခဲ့တာဖြစ်ပါတယ်။

“တံတားထိပ်နားနဲ့ ရွှေလုပ်ကွက်ဘက်ကိုကြဲတာ။ထိတဲ့ပြည်သူတွေက ရွှေလုပ်ကွက်မှာအလုပ်လုပ်ကြတဲ့ ပြည်သူ တွေထိတာ”လို့ ဒေသခံတဦးက ပြောပါတယ်။

Public Service Announcement

ဗုံးကြဲတာ​ကြောင့် အမျိုးသားတဦးလက်ကို ကျည်စထိမှန်ခဲ့သလို အမျိုးသမီးတဦးလည်း ခြေသလုံးကို ကျည်စထိမှန်ခဲ့ဒဏ်ရာရခဲ့တာလို့သိရပါတယ် ။ဒါ​ပေမယ့် ဒဏ်ရာရသူ​တွေဟာအသက်အန္တရာယ်မစိုးရိမ်ရဘူးလို့ ​ဒေသခံအချို့က​ပြောပါတယ်။

“အဲဒီနေရာမှာ ပလောင်နဲ့ကချင်တပ်ရှိတာကို ကချင်တပ်ဘက်ကြဲသွားတယ်။မြေပြင်ကလည်းမိုးမိတ်ဘက်မှာစစ်ကြောင်းထိုးနေတာ ရှိတယ်”လို့ ဒေသခံတဦးက ပြောပါတယ်။

စစ်တပ်ကမိုးမိတ်မြို့နယ်မှာ နယ်​မြေစိုးမိုးမှုတိုးရ​အောင် စစ်ကြောင်းထိုးဖို့ကြိုးစားနေပြီး ညောင်နီရွာကိုလည်း၂ ရက်ဆက် လေကြောင်း၊လက်နက်ကြီးပစ်ကူသုံးပြီးစစ်​ကြောင်းထိုးတာ​ကြောင့် KIA ဦး​ဆောင်တဲ့မဟာမိတ်တပ်​တွေနဲ့တိုက်ပွဲဖြစ်ခဲ့ပါတယ်။တိုက်ပွဲမှာ စစ်တပ်ကအရာရှိ​တွေအပါအဝင် စစ်သား​​တွေ​သေဆုံးထိခိုက်မှု​တွေရှိခဲ့သလို​တော်လှန်​ရေးတပ်​တွေဘက်က ​SSPP တပ်ဖွဲ့ဝင် တဦးကျဆုံးခဲ့တယ်လို့ စစ်​ရေးသတင်းရင်းမြစ်အချို့က​ပြောပါတယ် ။

ဒါ့အပြင်MNDAAထိန်းချုပ်‌ထားတဲ့ ကွတ်ခိုင်မြို့နဲ့ KIAထိန်းချုပ်ထားတဲ့ နမ့်ဖက်ကာမြို့ကို သြဂုတ်လ၁၄ရက်ညပိုင်းမှာ စစ်တပ်ရဲ့ကင်း

ထောက်လေယာဉ်ပျံဝဲခဲ့ပါတယ်။ည ၇နာရီကျော်ခန့်ကစပြီး လေယာဉ်တစ်စီး ပတ်ပြီး ပျံနေတာဖြစ်ပါတယ်။