သြဂုတ် ၁၇၊၂၀၂၆။ ဟာနာဆန်/People’s Spring
စစ်ကိုင်းတိုင်း၊ ရေဦးမြို့အဝင်မှာ ဆိုင်ကယ်စီးလာသူ အမျိုူသား ၂ဦးကို အာဏာသိမ်းစစ်တပ်က သေနတ်နဲ့ပစ်ခတ်လို့ ၁ဦး သေဆုံးခဲ့ရကြောင်း ဒေသခံတွေက ပြောပါတယ်။
ဒီကနေ့ သြဂုတ် ၁၇ ရက် မနက် ၈ နာရီခန့်က ရေဦးမြို့နယ် ဆည်ကြီးကျေးရွာကနေ ရေဦးမြို့ဘက်သို့ ဆိုင်ကယ်နဲ့စီးနင်းလာတဲ့ အမျိုးသား ၂ ဦးကို အာဏာသိမ်းစစ်တပ်က သေနတ်နဲ့ပစ်ခတ်ရာ နောက်မှာလိုက်ပါလာတဲ့ သံသည်ကျေးရွာက အမျိုးသား ၁ဦး ထိမှန် သေဆုံးခဲ့ကြောင်း ဒေသခံတွေက ပြောပါတယ်။
“ရေဦးတောင်ဘက်အထွက် ကြာဖူးအဝိုင်းဂိတ်က ပစ်တာ”လို့ ဒေသခံတစ်ဦးက ပြောပါတယ်။ ရှေ့ကမောင်းနှင်လာတဲ့ အမျိုးသားရဲ့ အခြေအနေကတော့ မသိရသေးပါဘူး။
Public Service Announcement
ရေဥှီးမြို့နယ်ဟာ သဖန်းဆိပ်ဆည်ရေကြောင့် ရေကြီးတဲ့ဒဏ် ကြုံတွေ့ခဲ့ရတဲ့ဒေသတွေထဲမှာ ပါဝင်ခဲ့ပြီး လက်ရှိ ရေဘေးသင့်အိမ်ထောင်စု တစ်ထောင်ကျော်ရှိနေကာအကူအညီတွေ လိုအပ်နေဆဲဖြစ်ကြောင်း ရေဘေးကူညီနေသူအချို့က ပြောပါတယ်။
အာဏာသိမ်းစစ်တပ်ဟာ စစ်ကိုင်းတိုင်းက ရေကြီးနေတဲ့ ခင်ဦးမြို့နယ်အပါအဝင် ဒေသအချိူ့ကို လေကြောင်းတိုက်ခိုက်မှုတွေ ပြုလုပ်ခဲ့ပြီး ပြည်သူထိခိုက်မှုတွေ ရှိခဲ့ပါတယ်။
