နှစ်နိုင်ငံ ဆက်ဆံရေး တိုးတက်မှုတွေကို မင်းအောင်လှိုင်နဲ့ တွေ့ဆုံချိန်မှာ ပူတင်ချီးကျူး

အာဏာသိမ်း စစ်ခေါင်းဆောင် မင်းအောင်လှိုင်နဲ့ တွေ့ဆုံချိန်မှာ ရုရှား သမ္မတ ဗလာဒီမာ ပူတင်က ပြီးခဲ့တဲ့ နှစ်ပိုင်းတွေအတွင်း ရုရှား-မြန်မာ ဆက်ဆံရေး တိုးတက်လာတာကို ချီးကျူး ပြောဆိုသွားခဲ့ပါတယ်။

၁၉၄၈ ခုနှစ်ကတည်းက ဆိုဗီယက်-မြန်မာ ဆက်ဆံရေးအဖြစ် စတင်ခဲ့တဲ့ ရင်းနှီးခင်မင်မှုဟာ တဖြည်းဖြည်း ဆက်တိုက် တိုးတက်လာခဲ့ပြီး မကြာသေးခင် နှစ်ပိုင်းတွေမှာတော့ အထူးယုံကြည်ရတဲ့ အခြေအနေမျိုးထိ ရောက်လာတယ်လို့ ပူတင်က ပြောကြားခဲ့ပါတယ်။

ဩဂုတ် ၁၈ ရက်နေ့က ကရင်မလင် နန်းတော်မှာ မင်းအောင်လှိုင်ကို ဧည့်ခံတွေ့ဆုံတဲ့ အခါမှာ ပူတင်က ရုရှားနဲ့ မြန်မာတို့ဟာ နိုင်ငံတကာ အရေးကိစ္စတွေမှာလည်း တက်တက်ကြွကြွ ပူးပေါင်း ဆောင်ရွက်နေတယ်လို့ ပြောခဲ့ပါတယ်။ ဒါ့အပြင် နှစ်နိုင်ငံကြား စီးပွားရေးနဲ့ လုံခြုံရေးဆိုင်ရာ ပူးပေါင်း လုပ်ဆောင်ဖို့ အခွင့်အလမ်းတွေ ကျန်နေဆဲလို့လည်း ပူတင်က ဆိုပါတယ်။

၁၉၄၈ ခုနှစ်မှာ စတင်ခဲ့တဲ့ နှစ်နိုင်ငံကြား ဆက်ဆံရေးဟာ အချိန်နဲ့အမျှ တိုးတက်လာခဲ့ကြောင်း၊ မကြာသေးခင် နှစ်တွေမှာတော့ အထူးယုံကြည်ရတဲ့ အနေအထားမျိုးကိုတောင် ရောက်လာခဲ့ကြောင်း ပူတင်က မှတ်ချက်ပေးခဲ့ပါတယ်။ သူက အရှေ့တောင်အာရှ နိုင်ငံများ အစည်းအရုံး (အာဆီယံ) အဖွဲ့နဲ့ ရုရှားတို့ကြား ဆက်ဆံရေး ထူထောင်မှုမှာ ကူညီအားပေးခဲ့တဲ့အတွက်လည်း မင်းအောင်လှိုင်ကို ကျေးဇူးတင်စကား ပြောခဲ့ပါတယ်။ ဒါ့အပြင် မြန်မာအနေနဲ့ ရုရှားနဲ့ စီးပွားရေး ပူးပေါင်းဆောင်ရွက်မှု အသစ်တွေကို စဉ်းစားဖို့ ပူတင်က တိုက်တွန်းခဲ့ပါတယ်။ ပြီးတော့ မြန်မာနိုင်ငံမှာ လက်ရှိ ရေဘေးကြုံနေတဲ့ ပြည်သူတွေ ​သောင်းနဲ့ချီရေ​ဘေး

Public Service Announcement

သင့်အတွက် စာနာဝမ်းနည်းကြောင်း ပြောကြားသွားပါတယ်။

မင်းအောင်လှိုင်က မနှစ်က မြန်မာနိုင်ငံမှာ လှုပ်ခတ်ခဲ့တဲ့ ငလျင်ကြီးအပြီး ကယ်ဆယ်ရေး အဖွဲ့တွေ စေလွှတ်တာ အပါအဝင် အကူအညီတွေ ပေးခဲ့တဲ့ ရုရှားကို ကျေးဇူး

တင်ကြောင်း တုံ့ပြန်ခဲ့ပါတယ်။ဒါ​ပေမယ့် မင်း​အောင်လှိုင်က မြန်မာနိုင်ငံ​ရေ​ဘေးသင့်တာကို​ပြောတဲ့အခါ နိုင်ငံ​အောက်ပိုင်းဖြစ်တဲ့ ဧရာဝတီတိုင်းမှာ​ရေ​ဘေးသင့်တာကိုပဲ​ပြောပြီး ​ရေ​ဘေးဒဏ်ပိုဆိုးရွာစွာခံ​နေရတဲ့ စစ်ကိုင်းတိုင်းမှာ​ရေ​ဘေးအ​ကြောင်းကို​တော့ချန်လှပ်​ပြောခဲ့တာ​တွေ့ရပါတယ် ။ဒါအပြင် ပူတင်က မြန်မာနိုင်ငံ​ရေ​ဘေးဟာပြည်သူ ၆ သိန်းခန့်ကြုံ​နေရတာကို ​သောင်းနဲ့ချီကြုံ​နေရတယ်လို့သာ ​ပြောခဲ့တာဖြစ်ပါတယ်။

မြန်မာဟာ ရုရှားအတွက် ယုံကြည်ရတဲ့ အရှေ့တောင်အာရှ ဒေသတွင်း မိတ်ဆွေနိုင်ငံ ဖြစ်တယ်လို့ မင်းအောင်လှိုင်က ပြောခဲ့ပြီး ရုရှားနဲ့ ဆက်ဆံရေးကို ထပ်မံမြှင့်တင်ဖို့ အသင့်ရှိနေတယ်လို့လည်း ကမ်းလှမ်းခဲ့ပါတယ်။

မင်းအောင်လှိုင်နဲ့ ပူတင်တို့ဟာ စွမ်းအင်ကိစ္စ အပါအဝင် ကျယ်ပြန့်တဲ့ ကဏ္ဍပေါင်းစုံမှာ ဆွေးနွေးမှုတွေ လုပ်ဆောင်ခဲ့တယ်လို့လည်း ကရင်မလင်နန်းတော်က ထုတ်ပြန်ပါတယ်။

မင်းအောင်လှိုင်ဟာ အတုအယောင် ရွေးကောက်ပွဲ တစ်ခုကနေ သမ္မတ ရာထူးကို ရယူခဲ့တဲ့နောက် အိမ်နီးချင်း နိုင်ငံတချို့ဆီ သွားရောက်ပြီး တရားဝင် အသိအမှတ်ပြုမှု ရရှိဖို့ ကြိုးစားလာခဲ့ပါတယ်။ ရုရှားကတော့ အိမ်နီးချင်းနိုင်ငံ မဟုတ်ဘဲ မင်းအောင်လှိုင် သွားရောက်တဲ့ ပထမဆုံး နိုင်ငံခြား ခရီးစဉ် ဖြစ်လာခဲ့ပါတယ်။

ကိုးကား: Anadolu Agency