သြဂုတ် – ၂၁ ၊၂၀၂၆/People’s Spring
မြန်မာနိုင်ငံတောင်ပိုင်း တနင်္သာရီတိုင်း၊လောင်းလုံးမြို့နယ်ထဲမှာအခြေ စိုက်ထားတဲ့အာဏာသိမ်းစစ်တပ်ရဲ့လက်နက်ကြီးပစ်ခတ်မှုကြောင့်ပြီးခဲ့တဲ့ ရက်ပိုင်းကအရပ်သားသားအဖနှစ်ဦးသေဆုံးသွားတယ်လို့ ဒေသခံအချို့ဆီကသိရပါတယ်။
သြဂုတ်လ ၁၈ ရက် ၊မနက်ပိုင်း ၁၁ နာရီခန့်ကလောင်းလုံးမြို့နယ်အခြေ စိုက်အမှတ်( ၁၀၄) ခြေမြန်တပ်ရင်းက လောင်းလုံးမြို့ရဲ့မြောက်ဘက် မှာရှိတဲ့ကျောက်ဆင်ရွာဘက်ကိုလက်နက်ကြီးနဲ့ပစ်ခတ်တာလို့ ဒေသခံအချို့က ဆိုပါတယ်။
လက်နက်ကြီးနဲ့ပစ်ခတ်ခံရတဲ့ရွာတိုက်ပွဲမရှိဘူးလို့သိရပါတယ်။
Public Service Announcement
လက်နက်ကြီးကျည်ဟာရွာထဲက အိမ်ပေါ် တည့်တည့်ကျတာလို့ ဒေသခံက ပြောပါတယ်။
အဲဒီအိမ်က သေဆုံးသူသားအဖဟာအသက် ၅၀ အရွယ်နဲ့ ၃၅ နှစ်အရွယ်တွေဖြစ်ကြပါတယ်။ ဒါအပြင် ကလေးငယ်တစ်ဦးလည်းထိခိုက်ဒဏ်ရာရလို့ဆေးကုသနေရပါတယ်။
လောင်းလုံးမြို့ဟာ ထားဝယ်မြို့ရဲ့ အနောက်တောင်ဘက်မှာ တည်ရှိပြီး ထားဝယ်မြို့ပေါ်က ဆိုရင် ၁၈ မိုင်ခန့်ဝေးပါတယ်။
လောင်းလုံးမြို့နယ်အတွင်းမှာတော့ စစ်တပ်က စစ်ကြောင်းထိုးနေတာကြောင့်ဒေသခံတွေလည်းထွက်ပြေးရတဲ့ ရွာတွေလည်းရှိနေပါတယ်။
