ရခိုင်ပြည်နယ်မှာတစ်လ​ကျော်အတွင်းစစ်တပ်ဗုံးကြဲလို့ ပြည်သူ ၇၈ ဦး​သေ ၊ ၁၂၇ ဦးဒဏ်ရာရ

​အောက်တိုဘာ-၉၊၂၀၂၆။People’s Spring

အာဏာသိမ်းစစ်တပ်က စက်တင်ဘာ ၄ ရက်ကစပြီး ၄၉၂၆ စစ်ဆင်​ရေးဆိုပြီး ရခိုင်ပြည်နယ်မှာ အာရက္ခတပ်​တော်(AA)သိမ်းပိုက်ထားတဲ့ နယ်​မြေ​တွေကို တန်ပြန်ထိုးစစ်ဆင်ဖို့ကြိုးစား​ပေမယ့် စစ်တပ်စစ်​ကြောင်း​တွေလန်ကျပြီး အထိနာ​နေချိန်မှာ AA သိမ်းပိုက်ထားတဲ့​ဒေသ​တွေက ​​ဈေး​တွေ၊တံတား​တွေ၊စစ်​ရှောင်စခန်း​တွေ ၊​ဆေးခန်း​တွေ၊​နေအိမ်​တွေကိုပါ ပစ်မှတ်ထားပြီး​လေ​ကြောင်းက​နေ ဗုံးကြဲသတ်ဖြတ်ခဲ့ပါတယ် ။စက်တင်ဘာ ၄ ရက်​နေ့က​​နေ ​အောက်တိုဘာ ၈ ရက်​နေ့အထိစစ်တပ်က ​လေ​ကြောင်းက​နေ ဗုံးကြဲသတ်ဖြတ်မှု​ကြောင့် ရခိုင်ပြည်နယ်မှာပြည်သူအနည်းဆုံး ၇၈ ဦး​သေဆုံးပြီး ၁၂၇ ဦးထက်မနည်းဒဏ်ရာရခဲ့တယ်လို့ လူထုနွေဦးစု​ဆောင်းထားတဲ့အချက်အလက်​တွေအရ​တွေ့ရှိရပါတယ် ။

​သေဆုံးသူ​တွေမှာ အမျိုးသမီး ၂၂ ဦး ၊အမျိုးသား၄၇ ဦး ၊ကျားမ ခွဲခြားမရသူ ၉ ဦးပါဝင်ပါတယ် ။ ​​​မွေးဖို့ရက်ပိုင်းအလိုရင်​သွေးငယ်က​နေ က​လေးငယ်​တွေ၊သက်ကြီးရွယ်အို​တွေအထိ ​သေဆုံးသူ​တွေမှာပါဝင်ပါတယ်။စက်တင်ဘာ ၂၈ ရက်မှာကျောက်​တော်မြို့နယ်က အိန္ဒိယ​ဈေးနဲ့ ကစ္ဆပနဒီတံတားကို ဗုံးကြဲသတ်ဖြတ်မှုမှာ ပြည်သူ ၅၁ ဦး​သေဆုံးပြီး ၆၀ ခန့်ဒဏ်ရာရကာလူ​သေဆုံးဒဏ်ရာရမှုအများဆုံးဖြစ်ရပ်ဖြစ်ပါတယ်။ စစ်တပ်က အာရက္ခတပ်​တော်ကို၂၀၂၅ နှစ်ဆန်းပိုင်းကတည်းကတန်ပြန်ထိုးစစ်ဆင်ဖို့ အကြိမ်ကြိမ်ကြိုးပမ်းခဲ့​ပေမယ့်

အကြိမ်ကြိမ် စစ်ရှုံးခဲ့တာက​နေ စက်တင်ဘာ ၄ ရက်ကစတဲ့တန်ပြန်ထိုးစစ်မှာလည်းစခန်းတခုမှမသိမ်းနိုင်ဘဲ AA ကစခန်း​တွေပြန်သိမ်း​နေပါတယ်။ တစ်လကျော်အတွင်းစစ်တပ်က ပြည်သူ​တွေကို ဗုံးကြဲသတ်ဖြတ်ခဲ့တဲ့အ​ခြေအ​နေကို People’s Spring ကအင်ဖိုဂရပ်နဲ့​ဖော်ပြ​ပေးထားပါတယ်။

Public Service Announcement