Connect with us

Hi, what are you looking for?

LuduNwayOo

သတင်း

အာဏာရူးနဲ့ အဓမ္မကို​ရွေးမလား၊ ပြည်သူနဲ့ဓမ္မကို​ရွေးမလား

နောက် ၅ ရက်ကြာတဲ့အခါ( သြဂုတ် ၂၈ရက်​နေ့)မှာ လည်းပြည်သူ့ရင်ခွင်ခိုလုံမယ့် တပ်မ​​တော်သားနဲ့ ရဲ​တွေဟာ ပြည်သူ​တွေကို သတ်ဖြတ် ၊ဖမ်းဆီးနှိပ်စက်တာ၊ပြည်သူ့လူထုပိုင်ပစ္စည်း​တွေကို လုယက်ဖျက်ဆီးတာ​တွေမလုပ်ဖို့ ၊ပြည်သူ့ကာကွယ်​ရေးတပ်မ​တော် (PDF)နဲ့မဟာမိတ်​တွေကို တိုက်ခိုက်၊​နှောက်ယှက်တာ​တွေမလုပ်ဖို့ ထပ်မံသတိပေးထားပါ​သေးတယ်။

(ချင်းပြည်နယ် မင်းတပ်မြို့နယ်ရှိ စစ်သားနဲ့ရဲတပ်ဖွဲ့ဝင်များစု​ပေါင်းတပ်ထိုင်​သော မကွီအိမ်နူးစခန်းမှ တပ်ဖွဲ့ဝင်များက ချင်း​ဒေသကာကွယ်ရေးတပ်ဖွဲ့ (CDF)သို့ လက်နက်များအပ်နှံ၍ ပြည်သူနှင့်ပူး​ပေါင်းခဲ့ကြသည်၊ဓါတ်ပုံ - CDF)

“အဘကိုကာကွယ်မလား၊
ဘဝကိုကာကွယ်မလား”
အာဏာသိမ်းအကြမ်းဖက်စစ်​ကောင်စီ​အောက်က စစ်သား​တွေကို ​မေးတဲ့​မေးခွန်းပါ။

“အာဏာရူးအဘ​တွေကို အသက်​ပေးကာကွယ်ရင်း တစ်မိသားစုလုံးဖက်ထိပ်အခိုင်းခံ​​နေရတဲ့ ဘဝကို​ရွေးမလား။ အာဏာရူးအဘ​တွေကျူးလွန်​နေတဲ့ ရက်စက်ကြမ်း ကြုတ်မှု​တွေမှာ အမှုတွဲခံမလား။ပြည်သူ လူထုနဲ့ဓမ္မဘက်ကိုရဲရဲရပ်တဲ့ပြည်သူ့စစ်သားဘဝကို​ရွေးမလား။စဥ်းစားဆုံးဖြတ်ဖို့ အချိန်သိပ်မကျန်​တော့ပါဘူး” လို့ပြည်သူ့ရင်ခွင်ကို ခိုလှုံလာတဲ့ ပြည်သူ့တပ်မ​တော်သား​တွေ စုဖွဲ့ထားတဲ့ “ပြည်သူ့ရင်ခွင် “အဖွဲ့က ဘဝတူစစ်သား​တွေကို စဥ်းစားဆုံးဖြတ်ဖို့​ ဆက်လက်တိုက်တွန်းထားပါတယ်။ ပြည်သူ့ရင်ခွင်အဖွဲ့က အကြမ်းဖက်စစ်​ကောင်စီ​အောက်မှတာဝန်မထမ်း​ဆောင်လို​တော့ဘဲ ပြည်သူ့ရင်ခွင်ခိုလှုံလာတဲ့တပ်မ​​တော်သား​တွေကို ကူညီ​ပေး​နေတဲ့အဖွဲ့ဖြစ်ပါတယ်။

အမှားနဲ့အမှန် ၊ဓမ္မနဲ့ အဓမ္မကိုသိရင် အမှန်တရား၊ဓမ္မ ဘက်ကရပ်တည်ချင်တဲ့ စစ်သား​တွေအ​နေနဲ့ ပြည်သူ့ရင်ခွင်ကို ခိုလှုံဖိုအ​ကောင်ဆုံးအချိန်က ဒီအချိန်ပါပဲ ။ လက်ကျန်ဘဝအချိန်​တွေမှာ နာမည်​ကောင်းချန်ရစ်ခဲ့ဖို့အတွက်ဆိုရင် ၊မိသားစု​ဆွေစဥ်မျိုးစဥ်နာမည်​ကောင်း ၊ပုံရိပ်​ကောင်းချန်ခဲ့ချင်တယ်ဆိုရင် ပြည်သူ​တွေကို​​သေနတ်နဲ့ ချိန်ထားတဲ့အ​ခြေအ​နေက​နေ ပြည်သူရင်ခွင်ခိုလှုံတာက အ​ကောင်းဆုံးဖြစ်ပါတယ်။ ပြည်သူ့ရင်ခွင်ခိုလှုံဖို့ဒီထက်​ကောင်းတဲ့အချိန်မရှိ​တော့ပါဘူး။

အမျိုးသားညီညွတ်​ရေးအစိုးရ (NUG)က သြဂုတ် ၂၃ ရက်မှာ ယာယီသမ္မတဒူဝါလရှီးလ လက်မှတ်ထိုးပြီးအလွန်ထူးခြားတဲ့ကြေညာချက်တစ်​စောင်ကိုထုတ်ပြန်ခဲ့ပါတယ်။ အကြမ်းဖက်စစ်​ကောင်စီရဲ့လက်ကိုင်တုတ်အ​နေနဲ့မရပ်တည်​တော့ဘဲ ပြည်သူ​တွေဘက်ရပ်တည်ပြီး ပြည်သူ့ရင်ခွင် ခိုလှုံလာမယ်ဆိုရင် “ပြည်သူ့သား​ကောင်းများ”အ​ဖြစ်အသိအမှတ်ပြုမယ့်အပြင် ၊ အဲဒီတပ်မ​​တော်သား၊ ပြည်သူ့ရဲ​တွေရဲ့ အသက်လုံခြုံ​ရေး ၊လုပ်သက်၊ပင်စင်၊ရာထူး​တွေကို NUG ကတာဝန်ယူမှာဖြစ်ပါတယ် ။ မိသားစု​တွေရဲ့ ဘဝလုံခြုံမှု ၊ရပ်တည်​ရေး တို့ကိုလည်းကူညီမယ်လို့ဆိုပါတယ်။ ဒါအပြင်ပြည်သူရင်ခွင် ခုံလှုံလာတဲ့ တပ်မ​တော်သားနဲ့ ရဲ​တွေအ​နေနဲ့ အနာဂါတ်မှာ တည်​ထောင်မယ့် ဖက်ဒရယ်တပ်မ​တော်နဲ့ ရဲတပ်ဖွဲ့မှာတာဝန်ထမ်း​ဆောင်​ချင်တယ်ဆိုရင်လည်း ပါဝင်နိုင်​အောင်​ဆောင်ရွက်​ပေးမယ်လို့ ကတိပြုထားပါတယ်။

နောက် ၅ ရက်ကြာတဲ့အခါ( သြဂုတ် ၂၈ရက်​နေ့)မှာ လည်းပြည်သူ့ရင်ခွင်ခိုလုံမယ့် တပ်မ​​တော်သားနဲ့ ရဲ​တွေဟာ ပြည်သူ​တွေကို သတ်ဖြတ် ၊ဖမ်းဆီးနှိပ်စက်တာ၊ပြည်သူ့လူထုပိုင်ပစ္စည်း​တွေကို လုယက်ဖျက်ဆီးတာ​တွေမလုပ်ဖို့ ၊ပြည်သူ့ကာကွယ်​ရေးတပ်မ​တော် (PDF)နဲ့မဟာမိတ်​တွေကို တိုက်ခိုက်၊​နှောက်ယှက်တာ​တွေမလုပ်ဖို့ ထပ်မံသတိပေးထားပါ​သေးတယ်။ ပြည်သူ့ရင်ခွင်ခိုလှုံမယ့်သူ​တွေကို NUG ကကြိုဆိုပြီး ​စောင့်​ရှောက်​ပေးသွားမှာဖြစ်လို့ အမြန်စာရင်း​ပေးကြဖို့လည်း ထပ်မံတိုက်တွန်းထားပါတယ်။ ဒါ​ပေမယ့် ပြည်သူ့ရင်ခွင်မခိုလှုံဘဲ ကိုယ် ကျိုးစီးပွားအတွက် တိုင်းပြည်အာဏာလုယူပြီး ၊တပ်မ​တော်ကိုသာမကနိုင်ငံကိုပါအလုံးစုံပျက်စီး​အောင်လုပ်​နေတဲ့အာဏာသိမ်းစစ်​ခေါင်း​ဆောင်​တွေရဲ့အမိန့်​တွေကို ဆက်နာခံ​နေရင် ၊အကြမ်း ဖက်စစ်တပ်ရဲ့ လက်ကိုင်တုတ် အ​နေနဲ့ပါဝင်​နေရင်​တော့ ပြည်သူ့ကာကွယ်​ရေးတပ်မ​တော်(PDF)နဲ့ မဟာမိတ်တပ်ဖွဲ့​တွေက ပြင်းပြင်းထန်းထန်အ​ရေးယူ သွားမယ်လို့လည်းသတိပေးထားပါတယ်။

NUG မတိုင်ခင် ချင်း​ဒေသကာကွယ်​ရေးအဖွဲ့ (CDF)၊ ကရင်နီ​အမျိုးသားကာကွယ်​ရေးတပ် (KNDF) တို့ကလည်း အကြမ်းဖက်စစ်တပ်ကို စွန့်ခွာပြီး ပြည်သူနဲ့ပူး​ပေါင်လာရင် ၊လက်နက်ခဲယမ်း​တွေပါယူလာရင် လုံခြုံ​ရေးကိုတာဝန်ယူတဲ့အပြင် ဂုဏ်ပြု​ငွေ ကျပ်သိန်း ၅၀ပါ ချီးမြှင့်မယ်လို့လည်း ကမ်းလှမ်းထားပါတယ်။

အခုဆိုရင် အာဏာသိမ်းအကြမ်းဖက်​ခေါင်း​ဆောင်မင်း​အောင်လှိုင်နဲ့အ​ပေါင်းအပါ​တွေရဲ့ အကျိုးစီးပွားတစ်ခုတည်းအတွက် ပြည်သူကို ​သေဖြတ် ၊ဖမ်းဆီး
ညှင်းပန်းနှိပ်စက်ရတဲ့အလုပ်​တွေကို စက်ဆုတ်လို့ အမိန့်မနာခံ​တော့ဘဲ ဓမ္မဘက်ကရပ်တည်ပြီး ပြည်သူရင်ခွင် ခိုလှုံလာတဲ့ ပြည်သူ့တပ်မ​တော်သား ၁,၅၀၀​ကျော်နဲ့ ၂,၀၀၀ အတွင်း ရှိ​နေပြီလို့ ပြည်သူ့ရင်ခွင်အဖွဲ့ က ထုတ်ပြန်ထားပါတယ်။ အလာတူးပြည်သူရင်ခွင်ခိုလှုံလာတဲ့ ရဲတပ်ဖွဲ့ဝင်​တွေကလည်း ၁,၀၀၀ ​ကျော်ရှိ​နေပြီလို့ CDM Myanmar Police Channel ကပြုစုထားတဲ့စာရင်း​တွေအရသိရပါတယ်။ ဒါ​ကြောင့် ပြည်သူ့ဘက်​တော်သားတပ်မ​​တော်သားနဲ့ ရဲတပ်ဖွဲ့ဝင် ၂,၅၀၀ ​ကျော်​နေပြီဖြစ်ပါတယ်။ ဒါ့အပြင် ဒီတစ်ပါတ်ထဲမှာပဲ ပြည်သူ့ရင်ခွင်ခိုလှုံလာတဲ့ တပ်မ​​တော်သား​တွေအလွန်များ​နေတဲ့အတွက် သူတို့အတွက် အဆင်​ပြေ​အောင်စီစဥ်​ပေး​နေရတာ​ကြောင့် အလွန်အလုပ်များ​နေတယ်လို့ ပြည်သူ့ရင်ခွင်အဖွဲ့က ဗိုလ်ကြီးလင်းထက်​အောင်က​ ပြောပါတယ်။

အခု​နေမှာ တပ်ထဲကထွက်လာဖို့ မိသားစုလုံခြုံ​ရေးအတွက်အဆင်မ​ပြေ​သေးလို့ အတွင်းက​နေပဲ ​တော်လှန်​ရေးအတွက် အ​ရေးကြီးတဲ့သတင်း​တွေ​ပေးပြီး တက်နိုင်တဲ့ဘက်ကကူညီ​နေတဲ့ ပြည်သူ့တပ်မ​တော်သား​တွေလည်းရှိ​နေပါ​သေးတယ်။

အကြမ်းဖက်စစ်​ခေါင်း​ဆောင်​တွေက အရာအားလုံးကိုဖျက်ဆီးသလို ၊အာဏာရဖို့အတွက်ဘာမဆိုလုပ်ခဲ့ကြတယ်။စိတ်မကျန်းမာတဲ့ စစ်​ခေါင်း​ဆောင်​တွေက ​ပြည်သူ​တွေရဲ့ဘဝ ၊တိုင်းပြည်ရဲ့အနာဂတ်ကိုသာဖျက်ဆီးတာမဟုတ်ပါဘူး။ပထမဆုံးဖျက်ဆီးခံရတာ တပ်မ​တော်ပါ။ပြည်သူကိုကာကွယ်ရမယ့် တပ်မ​တော်က ပြည်သူကိုအညှာအတာကင်းကင်းသတ်ဖြတ် ၊လုယက်၊ ဓါးပြတိုက် ၊နှိပ်စက်ညှင်းပန်းမှု​တွေလုပ်ခဲ့တာ​ကြောင့် စစ်တပ်ကိုပြည်သူ​တွေက ခါးခါးသီးသီးမုန်းတီး၊စက်ဆုတ်သွားပါပြီ။

အကြမ်းဖက်စစ်တပ်ရဲ့ ပင်ကိုယ်ရုပ်လုံးလုံး​ပေါ်လာတာလည်းဖြစ်ပါတယ်။ဒီစစ်အာဏာရှင်လက်​အောက်မှာဆိုရင် စစ်တပ်ဟာဘယ်လိုမှ​ကောင်းလာစရာလည်းမရှိ​တော့ပါဘူး။ တစစ်တပ်ကို အလုံးစုံပျက်စီး​စေတာက အာဏာရူးစစ်​ခေါင်း​ဆောင်​တွေဖြစ်ပါတယ်။ ဒါ့ကြောင့် တပ်မ​​တော်ကို ချစ်တဲ့ စစ်သား​တွေအ​နေနဲ့ပြည်သူ့ရင်ခွင်ခိုလှုံလာပြီး ဖက်ဒရယ်တပ်မ​တော်မှာ တာဝန်ထမ်းဖို့အခွင့်အ​ရေးလက်မလွှတ်သင့်ပါဘူး။

အာဏာသိမ်းချင်တဲ့အတွက်​ရွေး​ကောက်ပွဲကိုရမယ်ရှာပြီး အာဏာလုခဲ့တဲ့ ​ဒေါ်လာဘီလီယံချီသူ​ဌေးဗိုလ်ချုပ်​တွေရဲ့လုပ်ရပ်ကို မကြိုက်တဲ့စစ်သား​တွေ ၊ဘယ်ဘက်က သာမလဲ​စောင့်ကြည့်​နေတဲ့ စစ်သား​တွေအ​နေနဲ့ ဥာဏ်ပညာရှိရှိနဲ့ဆုံးဖြတ်ပြီး ပြည်သူနဲ့အမြန် ပူး​ပေါင်းကြဖို့လိုပါတယ်။ အာဏာရူးအဘ​တွေရဲ့ ဝါဒမှိုင်းတိုက်မှု​အောက်မှာ ​ပျော်​မွှေ​နေတဲ့ အကြမ်းဖက်အဖွဲ့ဝင်​တွေအ​နေနဲ့က​တော့ မကြာခင်မှာ ​​တော်လှန်​ရေးတပ်ဖွဲ့ဝင်​တွေနဲ့ ပြည်သူ​တွေရဲ့ ​ချေမှုန်း၊ဒဏ်ခပ်မှုကိုခံရ​တော့မှာဖြစ်ပါတယ်။ ​ဆွေစဥ်မျိုးဆက်လည်းအကြမ်းဖက်သမား​တွေရဲ့ အနွယ်​တွေအဖြစ် လူ​တောမတိုး​တောပဲ လူညွှန့်တုံးကြ​တော့မှာဖြစ်ပါတယ်။

​ခေတ်အဆက်ဆက် တိုင်းရင်းသားလက်နက်ကိုင်အဖွဲ့ တစ်ဖွဲ့ချင်းကိုသာ​သွေးခွဲတိုက်တက်တဲ့ အကြမ်းဖက်စစ်တပ်ဟာ အခုဆိုရင်ဘယ်တုန်းကမှမကြုံဘူးတဲ့ တိုင်းရင်းသားလက်နက်ကိုင်အဖွဲ့​ပေါင်းစုံ ၊နိုင်ငံတစ်ဝန်းက PDF ​တွေရယ်၊​ဒေသခံကာကွယ်​ရေးတပ်​တွေရယ် ၊ဘယ်လိုစွန့်လွတ်မှုမျိုးကိုမဆိုး​ပေးဆပ်ဖို့၊ တိုက်ပွဲဝင်ဖို့ အသင့်ဖြစ်​နေတဲ့ပြည်သူ​တွေရဲ့ ခုခံကာကွယ် ၊​​တော်လှန်တဲ့စစ်ပွဲကြီး​တွေကို မကြာခင်​​ကြုံလာ​တော့မှာဖြစ်ပါတယ်။ဓမ္မနဲ့ အဓမ္မ ၊ အာဏာရူးနဲ့ ပြည်သူ ဘယ်ဘက်ရပ်မလဲ ဆိုတာ​တော့ သင်တို့ကိုယ်တိုင်​ရွေးချယ်ရမယ့် ၊သင့်တို့သမိုင်းကို ဆုံးဖြတ်မယ့် လုပ်ရပ်ဖြစ်လာပါလိမ့်မယ်။ ။

(ချင်းပြည်နယ် မင်းတပ်မြို့နယ်ရှိ စစ်သားနဲ့ရဲတပ်ဖွဲ့ဝင်များစု​ပေါင်းတပ်ထိုင်​သော မကွီအိမ်နူးစခန်းမှ တပ်ဖွဲ့ဝင်များက ချင်း​ဒေသကာကွယ်ရေးတပ်ဖွဲ့ (CDF)သို့ လက်နက်များအပ်နှံ၍ ပြည်သူနှင့်ပူး​ပေါင်းခဲ့ကြသည်၊ဓါတ်ပုံ – CDF)

You May Also Like

သတင်း

ကံတော်ရာတောင်‌ပေါ်၌ တပ်စွဲထားလျက်ရှိသောစစ်ကောင်စီတပ်သည် ဒီဇင်ဘာ ၁ ရက်တွင် အင်အားအများအပြားဖြည့်တင်းပြီး စစ်ရေးလှုပ်ရှားမှုများပြုလုပ်ခဲ့သည်ဟု ဆိုသည်။

သတင်း

တမူးမြို့နယ်ပြည်သူ့ကာကွယ်ရေးတပ်မတော်မှ တပ်ဖွဲ့ဝင်တစ်ဦးနှင့် မဟာမိတ်တပ်ဖွဲ့တစ်ခုမှ ရဲဘော်နှစ်ဦးသည် ယမန်နေ့(ဒီဇင်ဘာ၁ရက်) ညနေတွင် အထက်ပါအတိုင်း မိုင်းရှင်းလင်းရေးလုပ်ဆောင်စဥ် ပေါက်ကွဲမှုဖြစ်ပြီး ကျဆုံးခဲ့ရ​​​ခြင်းဖြစ်သည်။

သတင်း

စစ်ကောင်စီတပ်သည် ဂန့်ဂေါမြို့နယ်အတွင်း နိုဝင်ဘာ ၃ဝရက်က စတင်စစ်ကြောင်းထိုးလာပြီး ဒီဇင်ဘာ ၁ရက်တွင် ဂန့်ဂေါမြို့နယ်မြောက်ပိုင်းရှိ ကျေးရွာများကို တိုက်ပွဲများဖြစ်ပွားခြင်းမရှိဘဲ လက်နက်ကြီးဖြင့် ပစ်ခတ်ခဲ့သည်။

သတင်း

ဒီးမော့ဆိုမြို့နယ်၊ နန်းမယ်ခုံမြို့တစ်ကျောတွင် စစ်ရေးတင်းမာနေမှုကြောင့် ပြည်သူများအနေဖြင့် အသွားအလာမပြုလုပ်ကြရန် ကရင်နီအမျိုးသားများကာကွယ်ရေးတပ်(KNDF)က ယနေ့(နိုဝင်ဘာ ၃၀ ရက်)သတိပေးထုတ်ပြန်သည်။ မိုးဗြဲမြို့နှင့် ဒီးမော့ဆိုမြို့နယ်ကြား၌ တည်ရှိသော နန်းမယ်ခုံသည် စစ်ရေးအရ ဗျူဟာကျပြီး ယခုနှစ်ဆန်းပိုင်းတွင် စစ်ကောင်စီတပ်က အင်အားအလွန်အကျွံအသုံးပြု၍ ထိုးစစ်ဆင်တပ်စွဲထားခဲ့ခြင်းဖြစ်သည်။ “ပြီးခဲ့တဲ့ တစ်ပတ်လောက်ကတည်းက နန်းမယ်ခုံတစ်ဝိုက်မှာ တိုက်ပွဲနေ့စဥ်နီးပါးဖြစ်နေတာ။ စကစဘက်က...