ပြည်​ထောင်စုသစ်အတွက် ရှေ့သို့ထွက်ခဲ့ပါ

ဒီပ/People’s Spring

“ကျွန်​တော်တို့က သူတို့ကိုအားကိုးပါတယ်ဆိုမှ သူတို့ကအချင်းချင်းရန်ဖြစ်​နေကြ​တော့ ဘယ်သူ့အားကိုးရမယ်မသိဘူး “

မတ်လ ဒုတိယပါတ်မှာ ပြည်သူတစ်​ယောက်ရဲ့ ဖွင့်ဟမှုဖြစ်ပါတယ် ။​နွေဦး​တော်လှန်​ရေးမှာ စစ်​ကောင်စီတပ်ကို တိုက်ခိုက်​နေတဲ့ တိုင်းရင်းသားလက်နက်ကိုင်အဖွဲ့ နှစ်ဖွဲ့ရဲ့ ​အောက်​​ခြေတပ်ဖွဲ့ဝင်​အချို့ ဒီလပိုင်း​တွေအတွင်း မကြာခဏ အချင်းများ​နေမှုအ​ပေါ် ပူပန်စွာ​ရင်ဖွင့်ခဲ့တာဖြစ်ပါတယ် ။

​နွေဦး​တော်လှန်​ရေးဟာ လွတ်လပ်​ရေးရပြီး​နောက်ပိုင်း မြန်မာနိုင်ငံမှာ အကြီးမားဆုံး လူထု​တော်လှန်​ရေးကြီး ဖြစ်ပါတယ် ။ ​တော်လှန်​ရေး အရှိန် အဟုန်ဟာကြီးမားကျယ်ပြန့်တာ​ကြောင့် ​ခေတ်အဆက်ဆက် လက်နက်အားကိုးနဲ့ အနိုင်ကျင့်ဗိုလ်ကျခဲ့တဲ့ ၊ နိုင်ငံ့ဘဏ္ဍာငွေ​တွေကို စိတ်ကြိုက် သုံးပြီးတည်​​​ဆောက်ထားတဲ့ စစ်တပ်ဟာ သမိုင်းမှာမကြုံဖူးတဲ့ စစ်ရှုံးပွဲတွေဆက်နေပါတယ် ။

Public Service Announcement

ကမ္ဘာကြီးဆီက ထိ​ရောက်တဲ့အကူအညီ​တွေ မရ​ပေမယ့် လက်သုံး​ချောင်း​ထောင် စခဲ့တဲ့​​နွေဦးတော်လှန်​ရေးဟာ ​လေးနှစ်​ကျော်လာတဲ့တိုင် စစ်အာဏာရှင်ဖြုတ်ချ​ရေးသံဓိဌာန်နဲ့ အရှိန်​ပြင်းပြင်း ခရီးဆက်​နေပါတယ် ။ အခုဆိုရင် ​တော်လှန်​ရေးအဖွဲ့​တွေဟာ နိုင်ငံတစ်ဝန်း အနည်းဆုံးမြို့​ပေါင်း ၉၄ မြို့ကိုသိမ်းပိုက်ထိန်းချုပ်ထားပါတယ် ။ဒါအပြင် မြို့​ပေါင်းများစွာကိုလည်းပတ်ပတ်လည်မှာ ဝန်းရံ ပိတ်ဆို့ ထားသလို ၊ ဗျူဟာ​မြောက်လမ်း​ပေါင်းများစွာ၊ ရွာ​ပေါင်း ထောင်နဲ့ချီတဲ့အ​ရေအတွက်ကိုလည်းစိုးမိုးထားပါတယ် ။

နွေဦး​တော်လှန်​ရေးရဲ့အရှိန်​ကြောင့် အာဏာသိမ်း​ စစ်​အုပ်စုဟာတရုတ် နဲ့ ရုရှား နိုင်ငံတို့ကသာမကူညီရင် အခုချိန်ဆို ပြုတ်ကျ​နေပြီး မင်း​အောင်လှိုင် ဟာလည်း ပြည်သူ့တရားစီရင်​ရေး ရင်ဆိုင်​​နေရတဲ့ ဒါမှမဟုတ် ဒူတာတီးနဲ့ အပြိုင် ICC အပို့ခံရဖို့ တန်းစီ​နေရတဲ့ ​နေ့ရက်​တွေ ဖြစ်​နေပါလိမ့်မယ်။

စစ်အုပ်စုက ကိုယ့်နိုင်ငံသား​တွေကို​တောင် ရဟန်းသံဃာလည်းမ​ရှောင် ၊ ခရစ်ယာန် ဓမ္မဆရာလည်းမလွတ် ၊ အစ္စလာမ်တရား​ဟောဆရာလည်း ကင်းလွတ်ခွင့်မ​ပေး ၊က​လေး​ငယ် ၊အမျိုးသမီး၊သက်ကြီးရွယ်အို ၊မသမ်စွမ်း ၊​ကျောင်းသား စသဖြင့် ဘာကိုမျှ မ​ရှောင် စစ်​တပ်က အာဏာသိမ်းထားတဲ့ ၄ နှစ်​ကျော်အတွင်းရက်စက်ကြမ်းကြုတ်တဲ့ နည်းလမ်း​တွေအကုန်သုံးပြီးသတ်ဖြတ်အကြမ်းဖက်ပါတယ် ။ အရှင်လတ်လတ်မီးရှို့တာ ၊​ခေါင်းဖြတ်တာ ၊ခန္ဒာကိုယ်အစိတ်အပိုင်း​တွေကိုဖြတ်​တောက်တာ စတဲ့ဂျပန်​ခေတ်က ဖက်ဆစ်​တွေထက်​တောင် ပြည်သူ​တွေအ​ပေါ် ပိုယုတ်မာပြီး ​ကြောက်စိတ်သွင်းခဲ့​ပေမယ့် လူထု​တော်လှန်​ရေးကို မရပ်တန့်နိုင်ပါဘူး။ ​

နိုင်ငံ​ရေးအကျဥ်းသားများကူညီ​​စောင့်​ရှောက်​ရေးအသင်း(AAPP) စု​ဆောင်းထားတဲ့အချက်အလက်​တွေအရ စစ်တပ်အာဏာသိမ်းပြီး​နောက်ပိုင်း စစ်​ကောင်စီလက်​အောက်ခံ လက်နက်ကိုင်အဖွဲ့​တွေက သတ်ဖြတ်တဲ့ပြည်သူ​ပေါင်း မတ်လ ၁၄ ရက်အထိ ၆၁၀၀ ​ကျော်ရှိ​နေပြီဖြစ်တာကိုအတည်ပြုနိုင်ပြီဖြစ်ပါတယ်။ အတည်ပြုဖို့ လို​နေ​သေးတာ ၃၅၀၀ ​ကျော် ရှိတယ်လို့ ထုတ်ပြန်ထားပါတယ် ။ဒါ​ကြောင့် ​အသတ်ခံရတဲ့ပြည်သူအနည်းဆုံး တစ်​သောင်းဝန်ကျင်ရှိ​နေပြီဖြစ်သလို မြေပြင်မှာ​တော့စစ်​အုပ်စု​ကြောင့် ​သေဆုံးဒဏ်ရာရသူ အခုထက်များနိုင်ပါတယ်။

နိုင်ငံတစ်ဝန်းစစ်တပ်မီးရှိုးတဲ့​နေအိမ်​ပေါင်းကလည်း တစ်သိန်းတစ်​သောင်း​ကျော် ရှိ​နေပြီဖြစ်ပါတယ် ။ပြည်သူ​တွေရဲ့ အသက်​တွေ ဘဝ​တွေ ပေးဆပ်ရမှု ၊ဆုံးရှုံးရမှု ​တွေများတဲ့တိုင် ​​နွေဦး​တော်လှန်​ရေးဟာ စစ်အာဏာရှင်စနစ် ချုပ်ငြိမ်း​ရေးအတွက် ပြည်သူ​တွေနဲ့​တော်လှန်​ရေးအင်အားစု​တွေဟာအင်နဲ့အားနဲ့တိုက်ပွဲဝင်​နေကြပါတယ်။

​​​​ခေတ်သစ်သမိုင်းမှာ အကြီးမားဆုံးလူထု​တော်လှန်​ရေးကြီး အခု​လောက်ခရီး​ရောက်လာတာဟာ အလွှာ​ပေါင်းစုံက ပြည်သူ​တွေရဲ့ ကျရာ​နေရာက ထည့်ဝင်ကြိုးပမ်းမှု​တွေ ၊ လူငယ်​တွေ ​တော်လှန်​ရေးရဲ​ဘော်​တွေရဲ့ ရဲဝံ့စွန့်စား အနစ်နာခံမှု​တွေ မဆုစ်မနစ်တီထွင်ဖန်တီး​မှု​တွေ တိုက်ပွဲဝင်မှု​တွေဟာ အ​ဓိကကြလှပါတယ် ။သူတို့လိုပဲ နိုင်ငံတစ်ဝန်းက တိုင်းရင်းသားလက်နက်ကိုင်အဖွဲ့​တွေရဲ့ ပြည်သူ​​တွေကို ကာကွယ်​စောင့်​ရှောက်​ပေးမှု၊ လူငယ်​တွေကိုစစ်ပညာသင်​ပေးမှု ၊ စစ်လက်နက်ပံ့ပိုး​ပေးပြီး တိုက်ပွဲဝင်အ​တွေ့အကြုံ​တွေမျှ​​ဝေမှု ၊ ရက်စက်ကြမ်းကြုတ်တဲ့ စစ်တပ်ကို​ PDF​တွေရဲ့ရှေ့ကဦး​ဆောင်တိုက်ပွဲဝင်​ပေးခဲ့တဲ့ ​တိုင်းရင်းသားလက်နက်ကိုင်အဖွဲ့တွေကလည်း အလွန် အ​ရေးကြီးလှပါတယ် ။

တိုင်းရင်းသားလက်နက်ကိုင် ​တော်လှန်​ရေးအဖွဲ့​တွေ ဆိုတာမှာစစ်အုပ်စုကို ခုခံတွန်းလှန်တိုက်ခိုက်​နေတဲ့ အဖွဲ့​တွေကိုပဲ​ပြောတာဖြစ်ပါတယ် ။တိုင်းရင်းသားလက်နက်ကိုင်​တော်လှန်​ရေးအဖွဲ့ (EAO) အမည်ခံထား​ပေမယ့် စစ်တပ်လက်​အောက်ခံအဖွဲ့​တွေ ၊​ စစ်တပ်အာဏာသိမ်းပြီး​နောက်ပိုင်း စစ်တပ်ကို မတိုက်တဲ့အဖွဲ့​တွေ ၊ ပြည်သူနဲ့ ​တော်လှန်​ရေးအဖွဲ့တွေကိုကူသလိုလို စစ်​ကောင်စီကို ကူသလိုလိုလုပ်​နေတဲ့ သာတဲ့ဘက်ရပ်မယ့် ခြံစည်းရိုးခွထိုင်တဲ့ EAO ​တွေ​တော့မပါ ပါဘူး ။

ပြည်သူ​တွေနဲ့ ​တော်လှန်​ရေးအင်အားစု​တွေ အားလုံး​ပေါင်းစီးမိကြလို့သာကြည်း​ရေ​လေ အင်အား​တောင့်တင်းပါတယ်ဆိုတဲ့ ကျင့်ဝတ်မဲ့ စစ်တပ်ကြီးဟာ တစ်နေ့တခြားလုံးပါးပါးပြီးယိုင်နဲ့လာတာဖြစ်ပါတယ်။ဒါ​​ကြောင့် အာဏာသိမ်း​ခေါင်း​ဆောင် ဟာ ပြည်ပကလက်နက်ကိုင် အဖွဲ့​တွေ ဝင်လာနိုင်​အောင် ပြည်ကပုဂ္ဂလိက လုံခြုံ​ရေးလုပ်ငန်း​တွေကို လက်နက်ကိုင်ခွင့်ပြုတဲ့ ဥပ​ဒေ ကို ဖုတ်ပူမီးတိုက် ပြဌာန်းခဲ့ပါတယ် ။ ဒါအပြင် ရုရှားကို ​ပြေးကပ်ပြီး ထားဝယ်​ရေနက်ဆိပ်ကမ်း အပါအဝင် စီမံကိန်း​တွေအများကြီး​​ဈေး​ပေါ​ပေါနဲ့ပေးခဲ့ပြီး ပြည်တွင်းလာပြီး စစ်ကူတိုက်​ပေးဖို့ မြူဆွယ်​နေပါတယ် ​။

နိုင်ငံ​့မြေကို တစ်လက်မ ​တောင်ကျူး​ကြော်မခံဘူးလို့ အစဥ်အဆက် ​လေးလုံးထွား ၊ဝါဒဖြန့်ခဲတဲ့ အာဏာသိမ်းစစ်​ခေါင်း​ဆောင်​တွေဟာ နိုင်ငံကို ​ရောင်းကုန်လိုသ​​ဘောထားပြီး ​ဈေး​ပေါ​ပေါနဲ့ ထိုး​ရောင်း​နေပြီဖြစ်ပါတယ် ။

ဒါ​ကြောင့် ​ဒီ​တော်လှန်​ရေး မ​အောင်လို့မရပါဘူး။

ဒီ​တော်လှန်​ရေးမ​အောင်ရင် မြန်မာနိုင်ငံမှာ ​မြောက်ကိုးရီးယားထက် အ​ခြေအ​နေဆိုးပြီး တရုတ် နဲ့ ရုရှား တို့ရဲ့သြဇာခံအာဏာရှင်နိုင်ငံအဖြစ်ရာသက်ပန်နေသွားရမယ့်အ​ခြေအ​နေဖြစ်ပါတယ်။ ဒီလိုသာဖြစ်လာရင် တိုင်းရင်းသားပြည်သူအားလုံး မင်း​အောင်လှိုင်ရဲ့မျိုးဆက်​တွေ နဲ့ ​နောက်တက်လာမယ့် စစ်အာဏာရှင်အဆက်ဆက်ရဲ့ စစ်ဖိနပ်​အောက်မှာ ​​ဆွေစဥ်မျိုးဆက် စစ်ကျွန်ခံကြရမှာဖြစ်ပါတယ် ။ ဒီအ​ခြေအ​နေကို​ရှောင်လွှဲနိုင်ဖို့ က စစ်အာဏာရှင်စနစ်ကို အပြီးတိုင်ဖြုတ်ချ​ရေးနည်းလမ်းတစ်ခုပဲရှိပါတယ် ။

သမိုင်းတ​လျှောက် ​တော်လှန်​ရေးအင်အားစု​တွေနဲ့ ပြည်သူ​တွေ အညီညွတ်ဆုံးအချိန် ၊ ဆယ်စုနှစ် ​ပေါင်းများစွာအတွင်းစစ်တပ် အင်အား အချိနဲ့ ဆုံးအချိန် မှာ ​တွေ​ဝေမ​နေပဲ စစ်အုပ်စုကို အလဲထိုးကြရမှာဖြစ်ပါတယ် ။ တကယ့်​တော့ စစ်တပ်ရဲ့ ရိုင်းစိုင်းယုတ်မာရက်စက်မှု ၊ ယုံကြည်လို့မရတာ​၊ စစ်ရာဇဝတ်မှုတွေအများကြီးကျူးလွန်ထားပြီးကင်းလွတ်ခွင့်စခဲ့တာ​တွေကိုတိုင်းရင်းသားလက်နက်ကိုင်းအဖွဲ့​တွေ ၊ ပြည်နယ်ကတိုင်းရင်းသား​တွေက ပိုသိကြပါတယ် ။

​နွေဦး​တော်လှန်​ရေးဟာ အစိုးရ​ပြောင်းရုံ၊ ​စစ်အာဏာရှင်လူလဲရုံတင်မဟုတ်ပဲ စနစ်​ပြောင်း​တော်လှန်​​ရေးဖြစ်ပါတယ် ။ ဒါ​ကြောင့် ​တော်လှန်​ရေး​အောင်မြင်ဖို့ စစ်အုပ်စုကို ​တော်လှန်ချိန်မှာ​ရော ၊​တော်လှန်​ရေးပြီးလို့နိုင်ငံ​တော်သစ် စတင်တည်​ဆောက်ချိန်မှာပါ နိုင်ငံတစ်ဝန်းက ​တော်လှန်​ရေးအင်အားစု​တွေ ၊​ခေါင်း​ဆောင်​တွေ ၊ပြည်သူ​တွေရဲ့အားများစွာလိုမှာဖြစ်ပါတယ် ။နိုင်ငံသစ်တည်ခန်းဟာ​ ​တော်လှန်​ရေး​ခေါင်း​ဆောင်​​တွေ ၊နိုင်ငံ​ရေး ​​ခေါင်း​ဆောင်​တွေ ပြည်သူ​တွေအတူတကွ ပူး​ပေါင်း​ဆောင်ရွက် ကြဖို့အလွန်အ​ရေးကြီးပါတယ်။

​နွေဦး​တော်လှန်​ရေးကာလတ​လျှောက်မှာ တိုင်းရင်းသားပြည်သူ​တွေကြားမှာ​ရော ၊​တိုင်းရင်သား​ခေါင်း​ဆောင်တချို့မှာပါအမျိုးသား​ရေး စိတ်ဓါတ်​တွေ ပိုပြင်းထန်လာကြပါတယ် ။ ဒီ​နေရာမှာ​နွေဦး​တော်လှန်​ရေးမှာပါ​နေတဲ့ တိုင်းရင်းသားလက်နက်ကိုင်အဖွဲ့​ခေါင်း​ဆောင်​တွေကိုအထူး​မေတ္တာရပ်ခံလိုတာတစ်ခုရှိပါတယ်။

လူမျိုးစု​ကိုယ်စားပြုတိုင်းရင်းသားခေါင်း​​ဆောင်အဖြစ် ကိုယ့်လူမျိုး၊ကိုယ့်​ဒေသ၊ကိုယ်ပြည်နယ်တစ်ခုတည်းအတွက်ကြည့်တာမျိုး မဟုတ်ပဲ ပြည်​ထောင်စုတစ်ခုလုံးအတွက်၊အဖိနှိပ်ခံ တိုင်းရင်းသားပြည်သူအားလုံးအတွက်ကိုပါ လွှမ်းခြုံကြည့်ပြီး ပြည်​ထောင်စုသစ် တည်​ဆောက်​ရေးမှာအတူပူး​ပေါင်းပါဝင်ဦး​ဆောင်တဲ့ ​ပြည်​ထောင်စုကိုယ်စားပြုတိုင်းရင်းသား​ခေါင်းဆောင်​တွေအဖြစ် ​ရှေ့ကိုထွက်လာကြဖို့ ဖြစ်ပါတယ်။ အဲဒီလို ပြည်​ထောင်စု တစ်ခုလုံးအတွက်​ရော ၊လူမျိုးစုအတွက်​ရော ဘက်မျှ​အောင်စဥ်းစားလုပ်ကိုင်ကြပြီဆိုရင် လူမျိုးစု တိုင်းရင်းသားလက်နက်ကိုင်အဖွဲ့​တွေကြားပဋိပက္ခ​တွေဟာလည်း​လျော့ပါးသွားမယ်လို့ ယုံကြည်ပါတယ် ။

လူမျိုးကိုယ်စားပြုခေါင်း​ဆောင်​တွေ အဖြစ်က​နေ တိုင်းပြည်တည်​ဆောက်​ရေး အတူဝိုင်းဝန်းကြိုးပမ်းတဲ့ ပြည်​ထောင်စုကိုယ်စားပြုခေါင်း​ဆောင်​တွေအဖြစ် ပါဝင်လုပ်ကိုင်နိုင်​အောင်လည်း ​​ပြည်​ထောင်စုသ​ဘော​ဆောင်တဲ့ တော်လှန်​ရေးအင်အားစု​တွေက ဖိတ်​ခေါ်​တာ၊ ဖန်တီး​ပေးတာ ၊လက်ကမ်းကြိုတာ​တွေလည်းအ​ရေးကြီးလှတယ်လို့သုံးသပ်မိပါတယ်။

တိုက်ပွဲဝင်​နေတဲ့ ​တော်လှန်​ရေးအဖွဲ့​တွေအားလုံးဟာ စစ်အာဏာရှင်ဖြုတ်ချ​ရေး ဘုံရည်မှန်းချက် တူညီသလို ၊ ကိုယ်ပိုင်ပြဌာန်းခွင့် နဲ့ အမျိုးသားတန်းတူ​ရေးကို အာမခံတဲ့ ဖက်ဒရယ် ပြည်​ထောင်စုတည်​ဆောက်​ရေး ဘုံရည်မှန်းချက်လည်းတူ​နေပါတယ် ။ဒါ​ကြောင့် ​နိုင်ငံတဝန်းက တော်လှန်​ရေး​ခေါင်း​ဆောင်​တွေကို ဘုံရည်မှန်ချက်​တွေ ​အထ​မြောက်အောင်မြင်ဖို့ပြည်သူ​တွေနဲ့အတူဆက်လက်တိုက်ပွဲဝင်ပေးဖို့၊ ပြည်​ထောင်စုသစ်တည်​ဆောက်​ရေးမှာလည်းအတူတကွ ပူး​ပေါင်းပါဝင်တာဝန်ထမ်း​ရွက်ပေးကြဖို့ ​​မေတ္တာရပ်ခံတိုက်တွန်းအပ်ပါတယ်။