ဇူလိုင် – ၂၅၊ ၂၀၂၅/People’s Spring
လက်ရှိဖြစ်ပွားနေတဲ့ စစ်ရေးပဋိပက္ခ ကြီးထွားမလာခင် ချက်ချင်းအပစ်ရပ်ကြဖို့ ထိုင်းနဲ့ ကမ္ဘောဒီးယား အစိုးရအဖွဲ့ ခေါင်းဆောင်တွေကို ဖုန်းနဲ့ဆက်သွယ်ပြောဆို ပန်ကြားခဲ့တယ်လို့ အာဆီယံအလှည့်ကျဥက္ကဋ္ဌဖြစ်သူ မလေးရှားဝန်ကြီးချုပ် အန်ဝါအီဘရာဟင်မ် က သူရဲ့လူမှုကွန်ရက် X မှာ ရေးသားအသိပေးထားပါတယ်။
အိမ်နီးချင်းနှစ်နိုင်ငံကြား တိုက်ပွဲ စဖြစ်တဲ့ ဇူလိုင်လ ၂၄ ရက် ညနေပိုင်းမှာပဲ ကမ္ဘောဒီးယားဝန်ကြီးချုပ်ဟွန်မာနတ်နဲ့ထိုင်းအစိုးရအဖွဲ့ရဲ့ ယာယီ ဝန်ကြီးချုပ် ဝီချာရာချိုင်တို့ဆီမလေးရှားဝန်ကြီးချုပ် အန်ဝါအီဘရာဟင်မ် က ဆက်သွယ် ပြောဆိုခဲ့တာပါ။
မလေးရှား အနေနဲ့ ထိုင်းနဲ့ကမ္ဘောဒီးယား နှစ်နိုင်ငံကြား နယ်စပ်အရေး ပဋိ ပက္ခကို စိုးရိမ်နေသလို အာဆီယံအဖွဲ့ကြီးရဲ့ အလှည့်ကျဥက္ကဋ္ဌ အနေနဲ့တော့ လက်ရှိ စစ်ရေးပဋိပက္ခ ပိုမိုကြီးမထွားလာခင် ချက်ချင်းအပစ်ရပ်ကြဖို့ ၊သံတမန်လမ်းကြောင်းအရ တွေ့ဆုံဆွေးနွေးနိုင်မယ့် အခင်းအကျင်းဖန်တီးကြဖို့ ပန်ကြားလိုက်တယ််လို့ အန်ဝါအီဘရာဟင်မ်ကဆိုပါတယ်။
Public Service Announcement
အဲဒီပန်ကြားချက်ကို နှစ်ဖက်လုံးကလည်းအပြုသဘောဆောင်တဲ့ လိုလားမှု ပြသတာကိုလည်း ကြိုဆိုတယ်လို့ အန်ဝါအီဘရာဟင်မ်က ပြောထားပါတယ်။
အာဆီယံအဖွဲ့ကြီး ဟာ ညီညွှတ်မှုရှိ သလို ငြိမ်းချမ်းရေးဟာလည်း အဖွဲ့ကြီးရဲ့ စုစည်းမှုနဲ့ မမှိတ်မသုန် ရွေးချယ်ရမယ့် အရာဖြစ်တယ်လို့ မလေးရှားဝန်ကြီးချုပ်က ရေးသားထားပါတယ်။
