ထိုင်းနဲ့ကမ္ဘောဒီးယားခေါင်းဆောင်နှစ်ဦး မျက်နှာချင်းဆိုင်တွေ့ဆုံဆွေးနွေး

ဇူလိုင် – ၂၈ ၊၂၀၂၅ /People’s Spring

နယ်စပ်မှာတိုက်ပွဲဖြစ်ပြီး ငါးရက်မြောက်နေ့ မှာ ထိုင်းနဲ့ ကမ္ဘောဒီးယားအစိုးရအဖွဲ့ ခေါင်းဆောင်တွေဟာ ဒီနေ့ (ဇူလိုင် ၂၈ ရက် ) မလေးရှားနိုင်ငံ ၊ကွာလာလမ်ပူမြို့မှာ မျက်နှာချင်းဆိုင်တွေ့ဆုံဆွေးနွေးနေကြပါပြီ။

ဆွေးနွေးပွဲကို ထိုင်းဖက်က ယာယီဝန်ကြီးချုပ်ဖုန်သမ်ဝီချာရာချိုင်နဲ့ကမ္ဘောဒီးယားဖက်ကဝန်ကြီးချုပ်ဟွန်မာနတ်တို့ဦးဆောင် ကြတာပါ။

ထိုင်းရော၊ ကမ္ဘောဒီးယားပါ အဖွဲ့ဝင်အဖြစ် ပါဝင်နေတဲ့ အရှေ့တောင်အာရှ နိုင်ငံများ အစည်းအရုံး (အာဆီယံ)ရဲ့ အလှည့်ကျ ဥက္ကဋ္ဌဖြစ်သူ မလေးရှား ဝန်ကြီးချုပ် အန်ဝါ အီဘရာဟင်ကိုလည်း ဆွေးနွေးပွဲမှာ တွေ့ရပါတယ်။

Public Service Announcement

ဒါအပြင် အမေရိကန်နဲ့ တရုတ်ကိုယ်စားလှယ်တွေလည်းဆွေးနွေးပွဲတက်ရောက်ကြပါတယ်။

ဒီနေ့တွေ့ဆုံဆွေးနွေးပွဲကနေလက်ရှိ ဖြစ်ပွားနေတဲ့ နှစ်နိုင်ငံနယ်စပ်စစ်ရေး ပဋိပက္ခအတွက် ပြေလည်တဲ့ အဖြေတစ်ခု ရှာဖွေနိုင်ဖို့ ရည်ရွယ် တွေ့ဆုံမှာလို့ အန်ဝါက ကြိုတင်ပြောကြားထားပါတယ်။