ဖယ်ခုံတိုက်ပွဲ စစ်ကောင်စီတပ်ဘက်မှ အနည်းဆုံး ၂ ဦး​သေ၊ ဒဏ်ရာရသူများလည်းရှိ

ဖယ်ခုံမြို့နယ်တွင် ယနေ့ညနေ ၂ နာရီခွဲခန့်က ကရင်နီတပ်မတော်(KA)နှင့် ကရင်နီအမျိုးသားကာကွယ်ရေးတပ်(KNDF)ပူးပေါင်းတပ်နှင့် စစ်ကောင်စီတပ်များ ၂ နာရီကျော်ကြ တိုက်ပွဲဖြစ်ပွားခဲ့ရာ စစ်​ကောင်စီတပ်မှ အနည်းဆုံး ၂ ဦး​သေဆုံးကြောင်း KNDF က သတင်းထုတ်ပြန်သည်။

စစ်ကောင်စီတပ်မှ တပ်ဖွဲ့ဝင်အင်အား ၁၀၀ ​ကျော်ဖြင့်ဖယ်ခုံမြို့နယ် ခေါင်းအိကျေးရွာအနီး ထိုးစစ်ဆင်လာခြင်းဖြစ်ပြီး KA နှင့် KNDF ပူးပေါင်းတပ်များကခေါင်းအိကျေးရွာ အရှေ့ဖက် တစ်ဖါလုံခွဲခန့် တောင်ကြောပေါ်တွင် ပြန်လည်ခုခံတိုက်ခိုက်ခဲ့ရာ စစ်ကောင်စီတပ်မှ အနည်းဆုံးနှစ်ဦး​သေဆုံးပြီး ထိခိုက်ဒဏ်ရာရရှိသူများလည်းရှိသည်ဟုဆိုသည်။ KA/KNDFပူးပေါင်းတပ်ဖွဲ့ဝင်များမှာထိခိုက်ဒဏ်ရာရရှိခြင်းမရှိခဲ့ဟု ထုတ်ပြန်ချက်တွင်ပါရှိသည်။

ထို​နောက် စစ်​ကောင်စီတပ်မှ ညပိုင်းအချိန်အထိ လက်နက်ကြီး လက်နက်ငယ်များဖြင့် အဆက်မပြတ် ရမ်းသမ်းပစ်ခတ်နေ​ကြောင်းလည်းသိ့ရသည်။

အဆိုပါတိုက်ပွဲတွင် အကြမ်းဖက်စစ်ကောင်စီတပ်များက ဖယ်ခုံမြို့နယ်၊ ကုန်းဆုံရွာရှိ အရဟံဘုရားတောင်ဘက်မှ စစ်ကြောင်းတစ်ကြောင်း ‌ရွှေပြည်အေးကျေးရွာဘက်မှ စစ်ကြောင်းတစ်ကြောင်းဖြင့် စစ်ကြောင်းနှစ်ကြောင်းဖြန့်ကာ ခေါင်းအိကျေးရွာဘက်သို့ ထိုးစစ်ဆင်လျက်ရှိကြောင်း KNDF ၏ထုတ်ပြန်ချက်တွင် ဖော်ပြသည်။

Public Service Announcement

စစ်ကောင်စီ၏ လက်ပါးစေ ပျူစောထီးအဖွဲ့များသည် လည်း ဖယ်ခုံမြို့အတွင်း လှုပ်ရှားလျက်ရှိပြီး ပြည်သူများကို ချိန်းခြောက်လျက်ရှိသည်ဟု ထုတ်ပြန်ချက်က ဆိုသည်။

ထိုအပြင် ယ​နေ့ည ​နောက်ဆုံးရရှိ​သော သတင်းအရ လွှိင်​ကော်မြို့အနီးရှိ စစ်​ကောင်စီတပ်ရင် တစ်ခုကို ယ​နေည ၁၀ နာရီ​ကျော်အချိန်တွင် KA/ KNDF ပူး​ပေါင်းအဖွဲ့က သွား​ရောက် တိုက်ခိုက်ခဲ့​ကြောင်းလည်း​ဒေသခံအချို့က​ပြောသည်။

ဗီဒီယို – ပြည်သူ့ကာကွယ်ရေးတပ် – ဒီးမော့ဆိုမြို့နယ်