စစ်အာဏာသိမ်းတစ်နှစ်ပြည့်မြောက်ပြီဖြစ်ပေမယ့် အကြမ်းဖက်စစ်ကောင်စီကို ဆန့်ကျင်ကြောင်း ဒီကနေ့ ဖေဖော်ဝါရီ ၁ ရက်မှာ ပြည်သူတွေဟာ Silent Strike နဲ့ စစ်အာဏာရှင်ကိုလက်မခံကြောင်းဆက်လက်ပြသနေကြပါတယ်။
အကြမ်းဖက်စစ်ကောင်စီက Silent Strike ပြုလုပ်မယ့်ဆိုင်တွေကို အတင်းအကျပ် ဖိအားပေးခဲ့တာကြောင့် ရန်ကုန်မြို့အတွင်းက ဆိုင်တွေဖွင့်ထားကြပေမယ့် ဝယ်သူတော့မရှိပါဘူး။
အရင်က လူစည်ကားရာနေရာတစ်ခုဖြစ်တဲ့ ရန်ကုန်မြို့လယ်မှာ ဖွင့်ထားတဲ့ဆိုင်တွေက လွဲလို့ လူအသွားအလာအလွန်နည်းပါးနေပါတယ်။မီးပွိုင့်မိတိုင်း ကားတန်းရှည်ကြီးဖြစ်သွားတတ်တဲ့ ဆူးလေမီးပွိုင့်မှာလည်း ကားအချို့ကိုပဲတွေ့ရပါတယ်။လိုင်းကားတွေတစ်စီးပြီးတစ်စီးထွက်နေပေမယ့် ကားပေါ်မှာ ခရီးသည်အချို့ကိုပဲတွေ့ရပါတယ်။
Silent Strike ကို ဒီနေ့ နံနက် ၁၀ နာရီကနေ ညနေ ၄ နာရီအထိပြုလုပ်မှာဖြစ်ပါတယ်။ Silent Strike နေ့မှာ ရန်ကုန်မြို့လယ်မှာ စစ်ကောင်စီထောက်ခံပွဲတစ်ခုပြုလုပ်သွားတာတော့ရှိပါတယ်။
Public Service Announcement
