Connect with us

Hi, what are you looking for?

LuduNwayOo

ဗီဒီယို

ထိုင်ဝမ်ကို လက်နက်တွေ ရောင်းချဖို့ အမေရိကန် သဘောတူ၊ တရုတ် ဒေါသထွက်

ထိုင်ဝမ်က ဒေါ်လာ ၁.၁ ဘီလီယံနဲ့ ဝယ်ယူဖို့ အဆိုပြုထားတဲ့ လက်နက်တွေထဲမှာ ကျွန်းနိုင်ငံဆီ ဦးတည်လာတဲ့ တိုက်ခိုက်မှုတွေကို ကြိုတင် ခြေရာခံ ထောက်လှမ်းနိုင်တဲ့ ရေဒါစနစ် တစ်ခုနဲ့ လေကြောင်း၊ ရေကြောင်း ကာကွယ်ရေး ဒုံးကျည်တွေ ပါဝင်နေပါတယ်။

ထိုင်ဝမ်ကို ဒေါ်လာ ၁ ဘီလီယံကျော်ဖိုး စစ်လက်နက်တွေ ရောင်းချဖို့ အမေရိကန်က သဘောတူလိုက်တဲ့အပေါ် တရုတ်က ခါးခါးသီးသီး တုံ့ပြန်ခဲ့ပါတယ်။

ထိုင်ဝမ်က ဒေါ်လာ ၁.၁ ဘီလီယံနဲ့ ဝယ်ယူဖို့ အဆိုပြုထားတဲ့ လက်နက်တွေထဲမှာ ကျွန်းနိုင်ငံဆီ ဦးတည်လာတဲ့ တိုက်ခိုက်မှုတွေကို ကြိုတင် ခြေရာခံ ထောက်လှမ်းနိုင်တဲ့ ရေဒါစနစ် တစ်ခုနဲ့ လေကြောင်း၊ ရေကြောင်း ကာကွယ်ရေး ဒုံးကျည်တွေ ပါဝင်နေပါတယ်။

တရုတ်ဟာ ထိုင်ဝမ်ကို ပိုင်နက်နယ်မြေ တစ်ခုအဖြစ် သိမ်းသွင်း သတ်မှတ်ထားချင်တာကြောင့် အမေရိကန်က အခုလို စစ်လက်နက်တွေ ရောင်းချမယ့်အပေါ် အကြီးအကျယ် ဒေါသထွက်နေခဲ့ပါတယ်။ မကြာသေးခင်ကလည်း အမေရိကန် အောက်လွှတ်တော် ဥက္ကဋ္ဌ နန်စီ ပလော့စီက ထိုင်ဝမ်ကို သွားရောက်ခဲ့တဲ့ ကိစ္စနဲ့ ပတ်သက်ပြီး ဒေသတွင်းမှာ တင်းမာမှုတွေ မြင့်တက်ခဲ့ပါသေးတယ်။

ထိုင်ဝမ်ကို စစ်လက်နက်တွေ ရောင်းချမယ့် သဘောတူညီမှုကို ပြန်မရုပ်သိမ်းရင် အမေရိကန် အစိုးရ အနေနဲ့ ပြင်းထန်တဲ့ တုံ့ပြန်မှုတွေ ကြုံလာရစေမယ်လို့ ဝါရှင်တန် အခြေစိုက် တရုတ်သံရုံးက သဘောထား ထုတ်ပြန်ခဲ့ပါတယ်။ သံရုံး ပြောရေးဆိုခွင့်ရ အရာရှိ လျူပန်ယုက အမေရိကန် အစိုးရရဲ့ လုပ်ဆောင်မှုတွေကြောင့် နှစ်နိုင်ငံ ဆက်ဆံရေးကို ဆိုးဆိုးရွားရွား သက်ရောက် ထိခိုက်စေလိမ့်မယ်လို့လည်း သတိပေးခဲ့ပါတယ်။

ထိုင်ဝမ်ကို အမေရိကန်က စစ်လက်နက်တွေ ရောင်းပေးတာနဲ့ ပတ်သက်လို့ တရုတ်ဖက်က တရားဝင် နည်းလမ်းတွေနဲ့ လိုအပ်သလို တုံ့ပြန် စီမံသွားမယ်လို့လည်း သူက ဆိုပါတယ်။ အမေရိကန်က ရောင်းချပေးမယ့်ထဲမှာ ဒေါ်လာ ၆၅၅ သန်းတန် ကြိုတင် ထောက်လှမ်း အချက်ပေး ရေဒါစနစ် တစ်ခုနဲ့ ဒေါ်လာ ၃၅၅ သန်းတန် Harpoon ဒုံးကျည် အစင်း ၆၀ တို့ ပါဝင်ပါတယ်။ အဲဒီ ဒုံးကျည်တွေဟာ ထိုင်ဝမ် ရေလက်ကြားတဝိုက် ချဉ်းကပ်လာမယ့် ရန်သူ့ သင်္ဘောတွေကို တိုက်ခိုက် နှစ်မြှုပ်ပစ်နိုင်စွမ်း ရှိနေပါတယ်။

အမေရိကန်က ပေးပို့မယ့် လက်နက်တွေထဲမှာ မြေပြင်ကနေ ဝေဟင်ကိုရော၊ ဝေဟင်ကနေ ဝေဟင်ကိုပါ ပစ်ခတ်နိုင်မယ့် ဒေါ်လာ ၈၅.၆ သန်းတန် Sidewinder ဒုံးကျည်တွေလည်း ပါဝင်လိမ့်မယ်လို့ ပင်တဂွန် စစ်ဦးစီး ဌာနချုပ်က ထုတ်ပြန်ပါတယ်။ အမေရိကန် နိုင်ငံခြားရေး ဝန်ကြီးဌာနက အဲဒီ လက်နက် အရောင်းအဝယ် သဘောတူညီမှုဟာ ထိုင်ဝမ်ရဲ့ လုံခြုံရေးအတွက အရေးပါတဲ့ ခြေလှမ်းတစ်ရပ် ဖြစ်လာမယ်လို့ မှတ်ချက် ပေးသွားခဲ့ပါတယ်။

You May Also Like

သတင်း

ယနေ့ (နိုဝင်ဘာ၂၃ ရက်) နံနက် ၁၀နာရီခန့်က မြိုင်(ပကဖ) တပ်ရင်း(၁)ထံသို့ ကံလှကျေးရွာနေ ဖိုးချစ်၊ မရွေးကုန်းရွာနေ ခိုင်ဇော်ဝင်းတို့ ပျူနှစ်ဦးက လက်နက်နှင့်ကျည်များဖြင့် အလင်းဝင်လာခဲ့ကြခြင်းဖြစ်သည်။

နိုင်ငံတကာ

လူမှုကွန်ရက်ပေါ် ရောက်ရှိလာတဲ့ ဓာတ်ပုံတွေ၊ ဗီဒီယိုတွေထဲမှာတော့ အခင်းဖြစ်ရာ နေရာတဝိုက်မှာ ရဲအင်အား အမြောက်အမြား ဖြန့်ကျက်ထားတာ တွေ့ရပါတယ်။

နိုင်ငံတကာ

ကင်မ်ယိုဂျောင်ဟာ မြောက်ကိုရီးယား နိုင်ငံရေး နယ်ပယ်မှာ ဩဇာအကြီးမားဆုံး အမျိုးသမီးအဖြစ် သတ်မှတ် ခံထားရသလို အစ်ကိုဖြစ်သူအပေါ် အထူးတလည် သစ္စာစောင့်သိသူလို့လည်း လူသိများပါတယ်။

နိုင်ငံတကာ

ကုလသမဂ္ဂ အတွင်းရေးမှူးချုပ်ရဲ့ စိတ်ပျက်စရာ သဘောထားကို သိမြင်လာရတဲ့အတွက် စိတ်မကောင်း ဖြစ်မိကြောင်း၊ အခုအခါမှာ ဂူတာရက်စ်ဟာ အိမ်ဖြူတော်၊ ဒါမှမဟုတ် အမေရိကန် နိုင်ငံခြားရေး ဝန်ကြီးဌာနရဲ့ အရာရှိ တစ်ဦးနဲ့တောင် ပိုပြီး ဆင်တူလာကြောင်း ချိုက ဆိုပါတယ်။