Connect with us

Hi, what are you looking for?

LuduNwayOo

နိုင်ငံတကာ

ကာကွယ်ဆေး ထိုးပြီးသူတွေ နှာခေါင်းစည်း မပါဘဲ သွားလာဖို့ အမေရိကန် အစိုးရ ခွင့်ပြု

အမေရိကန်မှာ ကာကွယ်ဆေး ထိုးနှံပြီးသူတွေ အနေနဲ့ နေရာ အတော်များများမှာ နှာခေါင်းစည်း မဝတ်ဘဲ သွားလာခွင့် ပြုလိုက်တဲ့အပေါ် သမ္မတ ဂျိုးဘိုင်ဒန်က ချီးကျူး ကြိုဆိုလိုက်ပါတယ်။

မေလ ၁၃ ရက်မှာ သမ္မတ ဘိုင်ဒန်က အိမ်ဖြူတော်ရဲ့ ဘဲဥပုံ ရုံးခန်းထဲ ရှိနေတုန်း သူဝတ်ဆင်ထားတဲ့ နှာခေါင်းစည်းကို ကိုယ်တိုင် ဖယ်ရှားလိုက်ပါတယ်။ ရီပတ်ဘလစ်ကန် ပါတီဝင် အမတ်တွေနဲ့ သမ္မတတို့ကြား ဆွေးနွေးမှု အစီအစဉ်မှာ ဘိုင်ဒန်က နှာခေါင်းစည်းကို ချွတ်လိုက်ပြီး အမေရိကန်အတွက် ထူးခြားတဲ့ နေ့တစ်နေ့ကို ရောက်ရှိလာပြီလို့ ညွှန်းဆိုသွားခဲ့ပါတယ်။

အမေရိကန် အစိုးရရဲ့ ကပ်ရောဂါ ထိန်းချုပ်ရေးဆိုင်ရာ ညွှန်ကြားချက် အသစ်အရ Covid-19 ကာကွယ်ဆေး ထိုးနှံပြီးသူတွေ အနေနဲ့ လေဟာပြင် ဧရိယာတွေမှာရော၊ အများပိုင် အဆောက်အအုံတွေထဲမှာ နှာခေါင်းစည်း မတပ်ဘဲ သွားလာခွင့် ရှိလာတော့မှာပါ။ ဒါပေမဲ့ အရမ်းလူကျပ်တဲ့ အလုံပိတ် ဧရိယာတွေ၊ အထူးသဖြင့် ဘတ်စ်ကား၊ လေယာဉ်ပျံနဲ့ ဆေးရုံလို နေရာတွေမှာတော့ ကာကွယ်ဆေး ထိုးထားသူတွေလည်း ဆက်ပြီး နှာခေါင်းစည်း တပ်ဖို့ အကြံပြုထားပါတယ်။

ဘိုင်ဒန် ကိုယ်တိုင်ကလည်း ကာကွယ်ဆေးအပေါ် ပြည်သူလူထု ယုံကြည်မှု ရှိစေဖို့အတွက် စောစောစီးစီး ဆေးအထိုး ခံပြထားပြီးသား ဖြစ်ပါတယ်။ ဘိုင်ဒန် သမ္မတ ဖြစ်လာချိန်ကစလို့ အမေရိကန်ကို Covid-19 ကပ်ရောဂါ ဖိစီးတဲ့ ကာလမတိုင်ခင် အခြေအနေမျိုးဆီ အမြန်ဆုံး ပြန်သွားနိုင်ဖို့ အစွမ်းကုန် တွန်းအားပေး လုပ်ဆောင်နေပါတယ်။

လတ်တလောမှာတော့ အမေရိကန်မှာ အရွယ်ရောက်ပြီးသူတွေကို ကာကွယ်ဆေး ထိုးနှံပေးဖို့ အရှိန်မြှင့် ဆောင်ရွက်နေသလို အသက် ၁၂ နှစ်ကနေ ၁၅ နှစ်ကြား ကလေးတွေကိုလည်း Pfizer ကုမ္ပဏီထုတ် ကာကွယ်ဆေး ထိုးပေးဖို့ ခွင့်ပြုချက် ပေးထားပါပြီ။ နိုင်ငံအနှံ့မှာလည်း ကျောင်းတွေ ပြန်ဖွင့်ဖို့ ပြင်ဆင်နေပါပြီ။

အမေရိကန်ဟာ ကမ္ဘာပေါ်မှာ Covid-19 ရောဂါ ကူးစက်မှုရော၊ အသေအပျောက်ပါ အများဆုံး နိုင်ငံအဖြစ် ရပ်တည်နေပေမယ့် လက်ရှိ အနေအထားအရ ကူးစက်နှုန်း သိသိသာသာ ကျဆင်းလာနေတာကို တွေ့ရပါတယ်။

ဘိုင်ဒန်က ကာကွယ်ဆေး မထိုးရသေးတဲ့ အမေရိကန် နိုင်ငံသားတွေ အနေနဲ့တော့ အပြင်ထွက် သွားလာတဲ့အခါ နှာခေါင်းစည်း မပျက်မကွက် ဆက်ပြီး တပ်ဆင်ကြဖို့ တိုက်တွန်းသွားပါတယ်။ အမေရိကန် သမ္မတဟာ နိုင်ငံသားတွေကို ကာကွယ်ဆေး ထိုးကြဖို့၊ ဒါမှမဟုတ် မဖြစ်မနေ နှာခေါင်းစည်း တပ်ရမယ်လို့ အမိန့်ပေးပိုင်ခွင့် မရှိကြောင်း၊ ဒါပေမဲ့ အများကောင်းကျိုးအတွက် ဖြစ်သင့်တာတွေကို ပြည်သူတွေက လေးစား လိုက်နာ ကူညီပေးကြဖို့ တိုက်တွန်းလိုကြောင်း ဘိုင်ဒန်က Twitterမှာ ရေးသားထားပါတယ်။

ဘိုင်ဒန်က အမေရိကန် လွတ်လပ်ရေးနေ့ဖြစ်တဲ့ ဇူလိုင် ၄ ရက် မတိုင်ခင်မှာ နိုင်ငံသား ဦးရေ စုစုပေါင်းရဲ့ ၇၀ ရာခိုင်နှုန်းထိ အနည်းဆုံး ကာကွယ်ဆေး တစ်ကြိမ် ထိုးပြီးဖို့ ရည်ရွယ်ထားပါတယ်။ လောလောဆယ်ထိ အမေရိကန်မှာ လူပေါင်း သန်း ၂၅၀ လောက် ကာကွယ်ဆေး ထိုးပြီးနေပါပြီ။

အမေရိကန်မှာ Covid-19 ရောဂါ ကူးစက်သူ ၃၃.၆ သန်းကျော် ရှိနေပြီး သေဆုံးသူက ၆ သိန်းနား နီးကပ်လာပြီ ဖြစ်ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

ကမ္ဘာပေါ်မှာ ပျမ်းမျှ တစ်နှစ်ကို ငှက်ဖျားရောဂါ ဖြစ်ပွားသူ သန်း ၂၃၀ လောက်ထိ များပြားလေ့ရှိပြီး အဲဒီထဲက ၉၄ ရာခိုင်နှုန်းဟာ အာဖရိကတိုက်မှာပါ။ ငှက်ဖျားကြောင့် ကမ္ဘာအနှံ့မှာ တစ်နှစ်ကို လူပေါင်း ၄ သိန်း ၁ သောင်းဝန်းကျင်လောက် သေဆုံးလေ့ ရှိတယ်လို့လည်း သိရပါတယ်။

နိုင်ငံတကာ

တရုတ်မှာ ကိုဗစ်ကူးစက်မှု မြင့်တက်လာတဲ့ နေရာတွေကို တင်းတင်းကျပ်ကျပ် Lockdown ချတာမျိုး၊ နှာခေါင်းစည်းတွေ တပ်ဆင်စေတာမျိုး၊ အသွားအလာ ကန့်သတ်ပစ်တာမျိုး နည်းလမ်းတွေ ဆက်လက် ကျင့်သုံးနေဆဲ ဖြစ်ပါတယ်။

သတင်း

စစ်ကောင်စီကနေတဆင့်ဖြတ်သန်းသွားမယ့် အာဆီယံ လူသားချင်းစာနာထောက်ထားမှု အစီအစဉ်ဟာ စစ်ကောင်စီကို တရားဝင်အသိအမှတ်ပြုတာနဲ့ စစ်ကောင်စီနယ်မြေစိုးမိုးမှု ပိုရအောင် အားပေးရာရောက်တယ်လို့ဝေဖန်တာတွေလည်းရှိနေပါတယ်။

နိုင်ငံတကာ

လောလောဆယ် တီထွင်နေတဲ့ ဖျန်းဆေးဟာ နှာခေါင်းကနေတဆင့် ဗိုင်းရပ်စ် ဝင်ရောက်မှုကို တားဆီးပေးဖို့ ဒီဇိုင်းထုတ်ထားတာ ဖြစ်ပါတယ်။ နှာခေါင်းပေါက်ဟာ အသက်ရှူ လမ်းကြောင်းထဲ ကိုရိုနာဗိုင်းရပ်စ် ရောက်ရှိမှုမှာ အဓိက အကျဆုံး ဝင်ပေါက်လည်း ဖြစ်ပါတယ်။