Connect with us

Hi, what are you looking for?

LuduNwayOo

နိုင်ငံတကာ

မိုးကြိုးပစ်ခံရလို့ အိန္ဒိယ တောဆင်ရိုင်း ၁၈ ကောင် သေဆုံး

အိန္ဒိယ နိုင်ငံမှာ မိုးကြိုးပစ်ခဲ့ရလို့ တောဆင်ရိုင်း ၁၈ ကောင် အစုလိုက် သေဆုံးခဲ့တယ်လို့ သိရပါတယ်။

အိန္ဒိယနိုင်ငံ အရှေ့မြောက်ပိုင်းက အာသံပြည်နယ်မှာ ဆင်တွေ အစုလိုက် သေဆုံးနေတာကို တောခေါင်း အရာရှိတွေက ရှာတွေ့ခဲ့ပါတယ်။ သေမှုသေခင်း စစ်ဆေးမှုတွေ ဆက်လက် လုပ်ဆောင်နေပေမယ့် အခင်းဖြစ်ရာ နေရာက အထောက်အထားတွေအရ ဆင်အုပ်ရှိတဲ့ နေရာတည့်တည့် မိုးကြိုး ပစ်ချလိုက်တာလို့ ယူဆရကြောင်း တာဝန်ရှိသူတွေက ပြောပါတယ်။

မေလ ၁၄ ရက်က အာသံမှာရှိတဲ့ ကွန်ဒိုလီ ဘေးမဲ့သစ်တော ဧရိယာထဲမှာ တောဆင်ရိုင်းတွေ သေနေတာကို ဒေသခံ ရွာသားတွေက တွေ့ရှိခဲ့ပါတယ်။ အာရှဆင် ၁၄ ကောင် သေဆုံးနေတာကို တောင်ကုန်းမြင့် တစ်နေရာမှာ တွေ့ရှိခဲ့ပြီး တောင်ကုန်း အောက်ဖက်မှာ နောက်ထပ် ၄ ကောင် ရှာတွေ့ခဲ့တာပါ။ အနီးတဝိုက်က သစ်ပင်တချို့လည်း မီးကျွမ်းထားတာ တွေ့ရပါတယ်။

အခုသီတင်းပတ်အတွင်း အဲဒီ သစ်တော ဧရိယာမှာ မိုးကြိုးမုန်တိုင်းတွေ ဖြစ်ပေါ်ခဲ့တယ်လို့ ဒေသခံတွေက ပြောပါတယ်။ တစ်ဖက်မှာလည်း ဆင်တွေ သေဆုံးမှု အကြောင်းရင်းကို အတိအကျ မပြောနိုင်သေးဘဲ အဆိပ်မိ သေဆုံးတာမျိုး ဖြစ်နိုင်တယ်ဆိုတဲ့ အယူအဆ တချို့လည်း ရှိနေပါတယ်။ ဒီသံသယကို အတည်ပြုဖို့တော့ သေမှုသေခင်း စစ်ဆေးတဲ့ ရလဒ်တွေကို စောင့်ရဦးမှာပါ။

အိန္ဒိယမှာ ဆင်ကောင်ရေ ၃ သောင်းနီးပါး နေထိုင်ပြီး ၆၀ ရာခိုင်နှုန်းလောက်က အာရှ တောဆင်ရိုင်းတွေပါ။ အာသံမှာတော့ ဆင်ရိုင်းကောင်ရေ ၆၀၀၀ လောက် ရှိမယ်လို့ ခန့်မှန်းရပါတယ်။ သစ်တောမြေ လျော့ပါးလာပြီး လူနေ ဧရိယာတွေနဲ့ ဆင်တွေရဲ့ စားကျက်မြေတွေ ပိုမို နီးကပ်လာခြင်းကြောင့် အိန္ဒိယမှာ လူနဲ့ ဆင်ရိုင်းတွေကြား ပဋိပက္ခတွေလည်း ပိုမို များပြားလာနေတယ်လို့ သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

အအေးမိနဲ့ ချောင်းဆိုး ရောဂါတွေအတွက် ထုတ်လုပ်ထားတဲ့ အဲဒီဆေးတွေမှာ ပါဝင်တဲ့ ဓာတ်ပစ္စည်းတွေက ကလေးတွေရဲ့ ကျောက်ကပ်ကို ထိခိုက်စေပြီး အသက်သေဆုံးတဲ့ထိ ဆိုးကျိုးတွေ ကြုံတွေ့တယ်လို့ ယုံကြည်ရကြောင်း WHO အကြီးအကဲ ဒေါက်တာ တက်ဒ်ရော့စ် အက်ဒ်ဟာနွမ် ဂျီဘရီယီးဆက်စ်က ပြောပါတယ်။

နိုင်ငံတကာ

နယ်စပ်မှာ တပ်တွေ လျှော့ချနေကြောင်း အိန္ဒိယဖက်က ကြေညာပေမယ့် နယူးဒေလီ အခြေစိုက် တရုတ်သံရုံးကတော့ ဒီကိစ္စအပေါ် ဘာမှတ်ချက်မပေးသေးပါဘူး။ အိန္ဒိယနဲ့ တရုတ်တို့ဟာ ကီလိုမိတာ ၃၈၀၀ လောက် ရှည်လျားတဲ့ နယ်စပ်ကို မျှဝေထားပါတယ်။

နိုင်ငံတကာ

ဓာတ်ငွေ့ တာဘိုင် ၄ လုံးနဲ့ လည်ပတ်တဲ့ သင်္ဘောကြီးဟာ အမြင့်ဆုံးမြန်နှုန်း တစ်နာရီ ၃၂ မိုင်နှုန်းနဲ့ တစ်ကြိမ် လောင်စာဖြည့်ပြီးတိုင် မိုင်ပေါင်း ၈၆၀၀ လောက်ထိ ခရီးပေါက်အောင် ခုတ်မောင်းနိုင်မယ်လို့ ယုံကြည်ရပါတယ်။

ဗီဒီယို

အုပ်စုဖွဲ့ မုဒိမ်းကျင့်သူတွေကို ပြန်လွှတ်ပေးမယ့် လုပ်ရပ်ကို မကျေနပ်တဲ့အတွက် ဩဂုတ် ၂၇ ရက်က ဒေလီမြို့တော်မှာ လူတွေ ရာနဲ့ချီ စုဝေးပြီး ဆန္ဒပြခဲ့ကြပါတယ်။ အိန္ဒိယက တခြားပြည်နယ် တချို့မှာလည်း အလားတူ စုဝေးပြီး ဆန္ဒပြတာတွေ ဖြစ်လာကြပါတယ်။