Connect with us

Hi, what are you looking for?

LuduNwayOo

နိုင်ငံတကာ

ဂင်္ဂါမြစ်ထဲ ရုပ်အလောင်းတွေ နေ့တိုင်း မျောလာတဲ့ ပြဿနာ ပိုဆိုးလာနေ

အိန္ဒိယနိုင်ငံ၊ ဂင်္ဂါမြစ်ထဲမှာ နေ့စဉ် မျောပါလာတဲ့ ရုပ်အလောင်းတွေ ပိုမို ထူထပ် များပြားလာနေကြောင်း သိရပါတယ်။

Covid-19 ကပ်ရောဂါဒဏ်ကို အဆိုးရွားဆုံး ကြုံတွေ့ ခံစားနေရတဲ့ အိန္ဒိယ နိုင်ငံမှာ ရောဂါကြောင့် သေဆုံးသူ အရေအတွက် တရိပ်ရိပ် မြင့်တက်လာနေတဲ့နည်းတူ ဂင်္ဂါမြစ်ထဲက အလောင်းတွေကို နေ့စဉ် တွေ့လာရပါတယ်။ ဒီအလောင်းတွေဟာ မြစ်အထက်ပိုင်း ဒေသတွေကနေ မျှောလိုက်တာလို့ ယုံကြည်ရပြီး ယူတာပရာဒက်ရှ် ပြည်နယ်မှာ လာရောက် သောင်တင်လေ့ ရှိပါတယ်။

ဂင်္ဂါမြစ်ဟာ အိန္ဒိယရဲ့ ဘာသာရေး ယုံကြည်မှုအရ အထွဋ်အမြတ် အထားဆုံး မြစ်ကြီး တစ်စင်းလည်း ဖြစ်ပါတယ်။ အိန္ဒိယဟာ Covid-19 ကပ်ရောဂါရဲ့ ကြောက်ခမန်းလိလိ ဆိုးရွားပြင်းထန်တဲ့ ဒုတိယလှိုင်း ကူးစက်မှုတွေနဲ့ ရင်ဆိုင်နေရပြီး မြစ်ထဲ မျောလာတဲ့ အလောင်းတွေဟာလည်း Covid-19 ရောဂါကြောင့် သေဆုံးသူတွေ ဖြစ်နေမှာကို ဒေသခံတွေက စိုးရိမ်နေပါတယ်။ အာဏာပိုင်တွေကတော့ ဒီအလောင်းတွေထဲမှာ Covid-19 ရောဂါသည်တွေ ဘယ်လောက် ပါဝင်နေသလဲ ဆိုတာကို စိစစ် စုံစမ်းနေဆဲ ဖြစ်ပါတယ်။

တာဝန်ရှိသူတွေက ရေမျောကမ်းတင် အလောင်းတွေကို စုစည်းကောက်ယူပြီး မြစ်ကမ်းနံဘေးမှာပဲ မီးသင်္ဂြိုဟ်စေပါတယ်။ အခုဆိုရင် မြစ်ရိုးတလျှောက် မျောပါလာတဲ့ အလောင်း အရေအတွက်က ရာချီ များပြားလာနေပါပြီ။ မေလ ၁၀ ရက်က မြစ်ကမ်းတလျှောက် သောင်တင်နေတဲ့ အလောင်း ၇၀ ကျော်ထိ ရှာတွေ့ခဲ့ပါတယ်။

မြစ်ကမ်းနံဘေးမှာ မီးသင်္ဂြိုဟ်ဖို့ စီစဉ်ထားတဲ့ အလောင်းတွေကို မြစ်ထဲ အလွယ်တကူ စွန့်ပစ်သူတွေကြောင့် ဒီပြဿနာ အစပြုလာတယ်လို့ ရဲတွေက ယူဆနေပါတယ်။ အခုဆိုရင် ဂင်္ဂါမြစ်ထဲမှာ ပိုက်တွေတားပြီး အလောင်းတွေ မျောလာတာကို ကြားဖြတ် တားဆီးဖို့လည်း လုပ်ဆောင်နေပါတယ်။

အိန္ဒိယမှာ Covid-19 ရောဂါ ကူးစက်ခံရသူ ၂၅ သန်းခွဲနီးပါး ရှိလာပြီး သေဆုံးသူ အရေအတွက်က ၂ သိန်း ၃ သောင်း ကျော်လွန်သွားပြီ ဖြစ်ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ထီးလင်းမြို့တွင် မြို့ပြင်နေရာများကို ပြည်သူ့ကာကွယ်ရေးတပ်များက ထိန်းချုပ်ထားနိုင် သော်လည်း မြို့အတွင်းကို စစ်ကောင်စီက ထိန်းချုပ်ထားသည်။

သတင်း

အလောင်းများတွေ့ရှိပြီးသည်နောက် KNDF B-06 ရဲဘော်များ နှင့် ရွာသူရွာသားများမှ ကောင်းမွန်စွာ သဂြိုလ်ပေးခဲ့ကြောင်း အသိပေးသည်။

နိုင်ငံတကာ

နယ်စပ်မှာ တပ်တွေ လျှော့ချနေကြောင်း အိန္ဒိယဖက်က ကြေညာပေမယ့် နယူးဒေလီ အခြေစိုက် တရုတ်သံရုံးကတော့ ဒီကိစ္စအပေါ် ဘာမှတ်ချက်မပေးသေးပါဘူး။ အိန္ဒိယနဲ့ တရုတ်တို့ဟာ ကီလိုမိတာ ၃၈၀၀ လောက် ရှည်လျားတဲ့ နယ်စပ်ကို မျှဝေထားပါတယ်။

နိုင်ငံတကာ

ဓာတ်ငွေ့ တာဘိုင် ၄ လုံးနဲ့ လည်ပတ်တဲ့ သင်္ဘောကြီးဟာ အမြင့်ဆုံးမြန်နှုန်း တစ်နာရီ ၃၂ မိုင်နှုန်းနဲ့ တစ်ကြိမ် လောင်စာဖြည့်ပြီးတိုင် မိုင်ပေါင်း ၈၆၀၀ လောက်ထိ ခရီးပေါက်အောင် ခုတ်မောင်းနိုင်မယ်လို့ ယုံကြည်ရပါတယ်။