Connect with us

Hi, what are you looking for?

LuduNwayOo

နိုင်ငံတကာ

လေမှုတ် ကစားကွင်း ပေါက်ကွဲမှုကြောင့် ရုရှားမှာ ကလေးနှစ်ဦး အပြင်းအထန် ဒဏ်ရာရ

ရုရှားနိုင်ငံမှာ လေမှုတ် ပျော့ပျော့အိအိ ကစားကွင်း ပေါက်ကွဲမှုကြောင့် ကလေးငယ်နှစ်ယောက် ပြင်းပြင်းထန်ထန် ထိခိုက် ဒဏ်ရာရသွားခဲ့ပါတယ်။

မေ ၃၁ ရက်က ရုရှားနိုင်ငံ၊ ဘာနောလ်မြို့မှာ မတော်တဆမှု ဖြစ်ခဲ့တာပါ။ လေမှုတ် ပျော့ပျော့အိအိ ကစားကွင်းကြီးမှာ ကျယ်လောင်တဲ့ ပေါက်ကွဲသံ ကြားလိုက်ရပြီး အသက် ၃ နှစ်နဲ့ ၄ နှစ်အရွယ် ကလေးမလေး နှစ်ဦးဟာ ၂၅ ပေလောက်ထိ လွင့်စဉ်ထွက်သွားခဲ့ကြောင်း မျက်မြင်တွေက ပြောပါတယ်။

အဲဒီ ကလေးနှစ်ယောက်ရဲ့ ဒဏ်ရာ အခြေအနေက ပြင်းထန်ပြီး နောက်ထပ် လွင့်စဉ်သွားတဲ့ ကလေး ၃ ယောက်ကတော့ ပွန်းပဲ့ရုံလောက်သာ ဒဏ်ရာရခဲ့ကြပါတယ်။ ဒဏ်ရာပြင်းတဲ့ ကလေးနှစ်ယောက်က အရှိန်နဲ့ လွင့်သွားပြီး သတ္တုစည်းရိုး တစ်ခုနဲ့ပါ ဆောင့်မိခဲ့ကြပါတယ်။ ကလေးမလေး တစ်ယောက်က လောလောဆယ် အသက်ရှူ အထောက်အပံ့ ကိရိယာ Ventilatorပါ တပ်ထားရတယ်လို့ ဒေသခံ မီဒီယာတွေက ဖော်ပြပါတယ်။

ကလေးတွေ ကစားတဲ့ နေရာမှာ အခုလို ဆိုးဆိုးရွားရွား အခြေအနေ ကြုံခဲ့တာနဲ့ ပတ်သက်လို့ တာဝန်ရှိသူတွေက စုံစမ်းစစ်ဆေးမှုတွေ စတင် လုပ်ဆောင်နေပါတယ်။ လေမှုတ် ပျော့ပျော့အိအိ ကစားကွင်းကြီး ဘာကြောင့် ပေါက်ကွဲခဲ့သလဲ ဆိုတာကို လောလောဆယ် မသိရသေးပါဘူး။

ကစားကွင်းထဲ လေထိုးထည့်တာ အရမ်းများသွားလို့ ဖိအားဒဏ် မခံနိုင်ဘဲ ပေါက်ကွဲထွက်သွားတာ ဖြစ်နိုင်တယ်လို့ ကနဦး ယူဆထားသလို ချည်ထားတဲ့ ကြိုးတွေ မခိုင်တာကိုလည်း တွေ့ရှိထားကြောင်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

ပူတင်ကတော့ အမြဲတမ်း တပ်ဖွဲ့ဝင် မဟုတ်တဲ့ လူငယ်လူရွယ်တွေကို စစ်ထဲဆွဲသွင်းမယ့် သူ့ရဲ့ အမိန့်ကို ကာကွယ်ပြောကြားခဲ့သလို ယူကရိန်းအပေါ် ဆင်နွှဲတဲ့ စစ်ပွဲကလည်း ကျူးကျော်မှု ရည်ရွယ်ချက် မပါဘူးလို့ တွင်တွင် ငြင်းဆိုထားဆဲ ဖြစ်ပါတယ်။

နိုင်ငံတကာ

လောလောဆယ် စွဲချက်တင်ခံထားရတဲ့ ဆရာဝန် လင်မယားရဲ့ ရှေ့နေကတော့ အမှုနဲ့ ပတ်သက်ပြီး မှတ်ချက် မပေးလိုကြောင်း ပြောပါတယ်။ ရုရှားဖက်ကလည်း ဒီကိစ္စနဲ့ ပတ်သက်ပြီး နှုတ်ဆိတ်နေပါတယ်။

နိုင်ငံတကာ

အီရန်ဟာ ရုရှားကို လက်နက် ထောက်ပံ့ ရောင်းချမှုတွေ မရှိကြောင်း ပြောဆိုထားပေမယ့် ယူကရိန်းမှာ အီရန်ဒရုန်းတွေ အမြောက်အမြား တွေ့မြင်လာရတဲ့ အခြေအနေတွေနဲ့ ပတ်သက်လို့တော့ ဘာမှ မဖြေရှင်းဘဲ နှုတ်ဆိတ်နေဆဲ ဖြစ်ပါတယ်။

နိုင်ငံတကာ

ဒိန်းမတ် စွမ်းအင်ဝန်ကြီးဌာန တာဝန်ရှိသူတွေက ယိုစိမ့်မှု ဖြစ်ပွားရာ ဧရိယာ တဝိုက်မှာ မီးလောင်လွယ်တဲ့ ဓာတ်ငွေ့တွေ ပျံ့နှံ့နေနိုင်တာကြောင့် ရေယာဉ်တွေ ရှောင်ကွင်း သွားလာကြဖို့ နှိုးဆော်ထားပါတယ်။