Connect with us

Hi, what are you looking for?

LuduNwayOo

နိုင်ငံတကာ

ရုရှားနဲ့ ဆက်ဆံရေး ပိုဆိုးအောင် ပြဿနာ ရှာမှာ မဟုတ်ဘူးလို့ ဘိုင်ဒန်ပြော

အမေရိကန်ဟာ ရုရှားနဲ့ ဆက်ဆံရေး ဆိုးသထက်ဆိုးအောင် ပြဿနာ ရှာနေမှာ မဟုတ်ဘူးလို့ အမေရိကန် သမ္မတ ဂျိုးဘိုင်ဒန်က ပြောကြားခဲ့ပါတယ်။

မကြာသေးခင်က NBCနဲ့ အင်တာဗျူးမှာ ရုရှား သမ္မတ ဗလာဒီမာ ပူတင်က ရုရှား-အမေရိကန် ဆက်ဆံရေး အနိမ့်ဆုံးအဆင့်ထိ ကျဆင်းနေတယ်လို့ မှတ်ချက် ပြုခဲ့တဲ့အပေါ် ဘိုင်ဒန်က ထောက်ခံခဲ့ပါတယ်။ ဒါပေမဲ့ အမေရိကန်ဟာ ရုရှားကို ရည်ရွယ်ချက်ရှိရှိ ရန်လိုပြီး ပြဿနာတွေ ဖန်တီးနေဖို့တော့ ဆန္ဒ မရှိဘူးလို့ ဘိုင်ဒန်က ဆိုပါတယ်။

ဘိုင်ဒန်ဟာ အခု သီတင်းပတ်ထဲမှာ ပူတင်နဲ့ လူချင်း တွေ့ဆုံသွားမှာ ဖြစ်ပါတယ်။ ဇွန်လ ၁၃ ရက်က G7 ညီလာခံမှာ ရုရှားနဲ့ ပတ်သက်တဲ့ အခင်းအကျင်းတွေကို ဆွေးနွေးပြီးတဲ့နောက် သတင်းစာ ရှင်းလင်းပွဲမှာ ဘိုင်ဒန်က အခုလို ပြောကြားခဲ့ပါတယ်။ သူက ပူတင်နဲ့ လူချင်း တွေ့ဆုံချိန်မှာ စစ်အေးခေတ် ပြိုင်ဘက်ဟောင်းတွေရဲ့ ဆက်ဆံရေးနဲ့ ပတ်သက်လို့ ပွင့်ပွင့်လင်းလင်း ညှိနှိုင်း အဖြေရှာနိုင်ဖို့ မျှော်လင့်ထားကြောင်းလည်း ဆိုပါတယ်။

“ကျွန်တော်နဲ့သူ လူချင်း တွေ့ဆုံခြင်းကသာ ဒီကိစ္စတွေကို အကျေအလည် ညှိနှိုင်းဖို့ အကောင်းဆုံး နည်းလမ်း ဖြစ်မယ် ထင်ပါတယ်။ ဆွေးနွေးပွဲ ရလဒ်တွေနဲ့ ပတ်သက်လို့လည်း ရှင်းရှင်းလင်းလင်း ပြန်ပြောပြမှာပါ။ ကျွန်တော်တို့ကတော့ ရုရှားနဲ့ ပဋိပက္ခတွေဖြစ်အောင် ပြဿနာ လိုက်ရှာနေမှာ မဟုတ်ပါဘူး။ လက်ရှိ ပြဿနာတွေကိုလည်း နိုင်ငံတကာ စံနှုန်းတွေနဲ့အညီ ကိုင်တွယ် ဖြေရှင်းဖို့ ကြိုးစားနေမှာပါ”လို့ ဘိုင်ဒန်က သတင်းထောက်တွေဆီ ပြောကြားသွားပါတယ်။

သတင်းတွေအရ ရုရှားနဲ့ အမေရိကန်တို့ဟာ ဆိုက်ဘာ ရာဇဝတ်မှု စွဲချက်နဲ့ ဖမ်းဆီးထားသူတွေ အချင်းချင်း ပြန်လဲလှယ်ရေး အပါအဝင် ကိစ္စ တော်တော်များများကို ညှိနှိုင်းနိုင်ဖို့ မျှော်လင့်ထားကြောင်းလည်း သိရပါတယ်။

Public Service Announcement

Public Service Announcement

ဆက်စပ်သတင်းများ

နိုင်ငံတကာ

ရုရှား အစိုးရ ပြောရေးဆိုခွင့်ရ အရာရှိ ဒစ်မစ်ထရီ ပက်စ်ကော့ဗ်ကတော့ အခုဆုံးဖြတ်ချက်ဟာ အမေရိကန်ကို ကြွယ်ဝသထက် ကြွယ်ဝစေပြီး ယူကရိန်း အတွက်တော့ နောက်ထပ် အသက်တွေ စတေးရင်း တွင်းဆုံးကျစေမယ့် ကိစ္စမျိုးလို့ တုံ့ပြန်သွားပါတယ်။

နိုင်ငံတကာ

အမေရိကန်က အဲဒီအဆိုကို ဗီတိုအာဏာသုံးပြီး ပယ်ချခဲ့မေယ့် အမေရိကန်ရဲ့ အနီးစပ်ဆုံး မဟာမိတ်တွေထဲက ပြင်သစ်၊ ဂျပန်နဲ့ တောင်ကိုရီးယားတို့ကလည်း ပါလက်စတိုင်းနိုင်ငံ ထူထောင်ရေး အဆိုကို ထောက်ခံခဲ့ကြောင်း သိရပါတယ်။

နိုင်ငံတကာ

BBCရဲ့ အဆိုအရ စစ်ပွဲမှာ ရုရှား စစ်သည် ၅၀၀၀၀ ကျော် သေဆုံးခဲ့ပြီးဖြစ်ကြောင်း၊ ဒါဟာ ၂၀၂၂ ခုနှစ်၊ စက်တင်ဘာလတုန်းက နောက်ဆုံးအကြိမ်အဖြစ် တရားဝင် ထုတ်ပြန်ခဲ့တဲ့ အသေအပျောက် စာရင်းထက် ၈ ဆ ပိုများနေတာဖြစ်ကြောင်း သိရပါတယ်။

နိုင်ငံတကာ

ကုလသမဂ္ဂဆိုင်ရာ အီရန် သံတမန် အဖွဲ့က အီရန်ရဲ့ တိုက်ခိုက်မှုဟာ တရားမျှတပြီး အမေရိကန် အနေနဲ့ ကြားမဝင်ဖို့ လိုတယ်လို့ သတိပေးလိုက်တာ ဖြစ်ပါတယ်။