Connect with us

Hi, what are you looking for?

LuduNwayOo

နိုင်ငံတကာ

အမေရိကန်မှာ ဓာတုပစ္စည်းစက်ရုံ ပေါက်ကွဲမှုကြောင့် လူပေါင်း ရာနဲ့ချီ အရေးပေါ် ရွှေ့ပြောင်းခဲ့ရ

ပေါက်ကွဲမှု ဖြစ်ပွားရတဲ့ အကြောင်းရင်းကိုတော့ မကြေညာသေးပါဘူး။ အခုဖြစ်ရပ်ကြောင့် သဘာဝ ပတ်ဝန်းကျင် ထိန်းသိမ်းရေး ကဏ္ဍမှာလည်း ဆိုးကျိုးရိုက်ခတ်မှုတွေ ရှိလာနိုင်တယ်လို့ ဆိုပါတယ်။

အမေရိကန် နိုင်ငံမှာ ဓာတုပစ္စည်း စက်ရုံတစ်ခု ပေါက်ကွဲ မီးလောင်မှု ဖြစ်ပွားခဲ့ပြီး လူပေါင်း ရာနဲ့ချီ အရေးပေါ် ပြောင်းရွှေ့ခဲ့ရပါတယ်။

ဇွန်လ ၁၄ ရက်က ချီကာဂိုမြို့ အရှေ့မြောက်ဖက်မှာ တည်ရှိတဲ့ ရော့ခ်တန် ရွာထဲက စက်ရုံမှာ ပေါက်ကွဲမှု ဖြစ်ခဲ့တာပါ။ စက်ရုံဖက်က ဆက်တိုက် ပေါက်ကွဲသံတချို့ ကြားရတဲ့နောက် မီးစလောင်ခဲ့ကြောင်း၊ ပြီးတော့ အနက်ရောင် မီးခိုးလုံးကြီးတွေက ကောင်းကင်ကို ဖုံးလွှမ်းသွားခဲ့ကြောင်း ရွာခံတွေက ပြောပါတယ်။

ဒီဖြစ်စဉ်မှာ အနည်းဆုံး လူ ၁ ဦး ဒဏ်ရာရခဲ့ပြီး အသေအပျောက် သတင်းတော့ မကြားရပါဘူး။ ဓာတု ပစ္စည်းတွေ လောင်ကျွမ်းရာက ထွက်ပေါ်လာတဲ့ မီးခိုးလုံးတွေရဲ့ ခြိမ်းခြောက်မှုကြောင့် စက်ရုံနဲ့ တစ်မိုင်ပတ်လည် အတွင်းက အိမ်တွေ၊ စီးပွားရေး လုပ်ငန်းတွေမှာ ရှိနေသူတွေကို ချက်ချင်း ပြောင်းရွှေ့စေခဲ့ရပါတယ်။

ပေါက်ကွဲမှု ဖြစ်ပွားရတဲ့ အကြောင်းရင်းကိုတော့ မကြေညာသေးပါဘူး။ အခုဖြစ်ရပ်ကြောင့် သဘာဝ ပတ်ဝန်းကျင် ထိန်းသိမ်းရေး ကဏ္ဍမှာလည်း ဆိုးကျိုးရိုက်ခတ်မှုတွေ ရှိလာနိုင်တယ်လို့ ဆိုပါတယ်။

ကျန်းမာရေး ပညာရှင်တွေက စက်ရုံ အနီးတဝိုက်မှာ ရက်ပိုင်းလောက် လူတွေ မနေဖို့ တိုက်တွန်းထားပြီး မဖြစ်မနေ ဆက်နေရမယ် ဆိုရင်လည်း နှာခေါင်းစည်းတွေ ဝတ်ဆင်ထားဖို့ အကြံပြု ပြောကြားထားပါတယ်။

You May Also Like

သတင်း

ထိုသို့ မြန်မာနိုင်ငံ၏ ပုံမှန်မဟုတ်သည့်၊ သာမာန်ထက်လွန်ကဲသော ခြိမ်းခြောက်မှုများကြောင့် အမေရိကန်သမ္မတ လက်မှတ်ရေးထိုးထုတ်ပြန်သော အမျိုးသားဆိုင်ရာအရေးပေါ်ကြေညာချက်ကို ဂျိုးဘိုင်ဒန်က ဒုတိယအကြိမ်ဆက်လက်သက်တမ်းတိုးခဲ့ခြင်းဖြစ်သည်။

နိုင်ငံတကာ

အမေရိကန်ရဲ့ ပင်တဂွန် စစ်ဌာနချုပ်က လက်တင် အမေရိက ဒေသမှာ ပျံဝဲနေတဲ့ နောက်ထပ် တရုတ် မိုးပျံပူဖောင်း တစ်လုံးရဲ့ လားရာကိုလည်း စောင့်ကြည့်နေတယ်လို့ ပြောပါတယ်။ ဒါပေမဲ့ ဘယ်နေရာမှာ၊ ဘယ်နိုင်ငံမှာ ရှိနေတာလဲ ဆိုတာကိုတော့ တိတိကျကျ မထုတ်ပြန်ပါဘူး။

နိုင်ငံတကာ

အဲဒီနောက် ရုရှားပိုင် ယူရယ်လ် ဒေသမှာ အခြေစိုက်တဲ့ ရုရှား စီးပွားရေး ကုမ္ပဏီ တစ်ခုက ရုရှား စစ်သားတွေသာ စစ်မြေပြင်ရောက် Abramsနဲ့ Leopard 2 တင့်ကားတွေကို ဖျက်ဆီးနိုင်ရင်၊ ဒါမှမဟုတ် သိမ်းပိုက်နိုင်ရင် ရက်ရက်ရောရော ဆုကြေးငွေ ပေးအပ်သွားမယ်လို့ ကတိပြုခဲ့ပါတယ်။

နိုင်ငံတကာ

နာမည် ဖော်ပြမထားတဲ့ အမေရိကန် ထိပ်တန်း စစ်ဗိုလ်ချုပ်ကြီး တစ်ဦးက ဗြိတိန် ကာကွယ်ရေးဝန်ကြီး ဘန်ဝေါလေ့စ်နဲ့ တွေ့ဆုံချိန်မှာ မဟာမိတ် နိုင်ငံရဲ့ တိုက်ခိုက်ရေးစွမ်းရည် ကျဆင်းလာမှုကို ပွင့်ပွင့်လင်းလင်း သတိပေးခဲ့တာလို့ Sky Newsက ဖော်ပြခဲ့ပါတယ်။