Connect with us

Hi, what are you looking for?

LuduNwayOo

နိုင်ငံတကာ

ကမ္ဘာ့စံချိန်တင် စတန့်ပြကွက်အတွက် ပြင်ဆင်ရင်း ကွယ်လွန်ခဲ့ရှာတဲ့ လူစွန့်စား ဆိုင်ကယ်သမား

ပြေးလမ်းအတိုင်း အရှိန်နဲ့မောင်းပြီး ၃၅၁ ပေ အကွာအဝေးထိ ရောက်အောင် ခုန်ဖို့ ကြိုးစားရင်း မြေသား တောင်ကုန်းပေါ်ကို ဆိုင်ကယ်ရော၊ လူပါ ဟန်ချက်ပျက် ပြုတ်ကျခဲ့ကြောင်း၊ ဟာဗဲလ်ရဲ့ ဆိုင်ကယ်စီး ခေါင်းဆောင်း ကျွတ်ထွက်သွားပြီး ဆိုးဆိုးရွားရွား ဒဏ်ရာရသွားကြောင်း ဂရန့်ကောင်တီ လေယာဉ်ကွင်းက တာဝန်ရှိသူ တစ်ဦးက ပြောပါတယ်။

အမေရိကန် နိုင်ငံက လူစွန့်စား တစ်ဦးဟာ ကမ္ဘာ့စံချိန်တင် ဆိုင်ကယ်စတန့် ပြကွက်တစ်ခုအတွက် ပြင်ဆင်နေရင်း မတော်တဆမှု ဖြစ်ပြီး ကွယ်လွန်ခဲ့ရှာပါတယ်။

အသက် ၂၈ နှစ်အရွယ် လူစွန့်စား အဲလက်စ် ဟာဗဲလ်ဟာ ဆိုင်ကယ်စီးပြီး အဝေးဆုံး အကွာအဝေးထိ ခုန်နိုင်မယ့် ကမ္ဘာ့စံချိန်သစ် တင်ဖို့ ကြိုးစားနေသူပါ။ သူဟာ ဇွန်လ ၁၇ ရက်က ဆိုင်ကယ်နဲ့ အစမ်းမောင်းနှင်ကြည့်ရင်း အကျမတော်ရာက ပြင်းပြင်းထန်ထန် ဒဏ်ရာရသွားခဲ့ပါတယ်။

ပြေးလမ်းအတိုင်း အရှိန်နဲ့မောင်းပြီး ၃၅၁ ပေ အကွာအဝေးထိ ရောက်အောင် ခုန်ဖို့ ကြိုးစားရင်း မြေသား တောင်ကုန်းပေါ်ကို ဆိုင်ကယ်ရော၊ လူပါ ဟန်ချက်ပျက် ပြုတ်ကျခဲ့ကြောင်း၊ ဟာဗဲလ်ရဲ့ ဆိုင်ကယ်စီး ခေါင်းဆောင်း ကျွတ်ထွက်သွားပြီး ဆိုးဆိုးရွားရွား ဒဏ်ရာရသွားကြောင်း ဂရန့်ကောင်တီ လေယာဉ်ကွင်းက တာဝန်ရှိသူ တစ်ဦးက ပြောပါတယ်။ ဝါရှင်တန် ပြည်နယ်မှာရှိတဲ့ အဲဒီ လေယာဉ်ကွင်းမှာ ကျင်းပမယ့် မော့ဆက်လိတ်ခ် လေကြောင်းပြပွဲအတွင်း ပရိသတ်တွေ ရှေ့မှောက်မှာ ကမ္ဘာ့စံချိန်သစ် တင်ပြဖို့ ဟာဗဲလ်က ရည်ရွယ်ထားတာပါ။

ဟာဗဲလ်ကို ချက်ချင်း ဆေးရုံ တင်ပို့ခဲ့ကြပေမယ့် သူ့အသက်ကို မမီခဲ့ပါဘူး။ ဟာဗဲလ်ရဲ့ ဇနီးဟာ သားတွေနဲ့အတူ လေကြောင်းပြပွဲမှာ ရှိနေခဲ့တယ်လို့ ဆိုပါတယ်။ လေကြောင်းပြပွဲ တာဝန်ရှိသူတွေက ဟာဗဲလ်ရဲ့ မိသားစုတွေ၊ မိတ်ဆွေတွေနဲ့ထပ်တူ အထူးတလည် ဝမ်းနည်းမိကြောင်း ထုတ်ပြန်ပါတယ်။

ဟာဗဲလ်ဟာ ပရော်ဖက်ရှင်နယ် ဆိုင်ကယ်ပြိုင်ပွဲဝင် တစ်ဦးဖြစ်ပြီး အရင်က ဆိုင်ကယ်နဲ့ အမြင့်ခုန် စံချိန်နှစ်ခု ပိုင်ဆိုင်ထားဖူးပါတယ်။ သူ့ရဲ့ ဇနီးဖြစ်သူ ဂျက်ဆီကာဟာ ဒုတိယမြောက် သားငယ်လေးကို မကြာသေးခင်ကမှ မွေးဖွားထားခဲ့တာလည်း ဖြစ်ပါတယ်။

You May Also Like

သတင်း

အဲဒီနောက် ရုရှားပိုင် ယူရယ်လ် ဒေသမှာ အခြေစိုက်တဲ့ ရုရှား စီးပွားရေး ကုမ္ပဏီ တစ်ခုက ရုရှား စစ်သားတွေသာ စစ်မြေပြင်ရောက် Abramsနဲ့ Leopard 2 တင့်ကားတွေကို ဖျက်ဆီးနိုင်ရင်၊ ဒါမှမဟုတ် သိမ်းပိုက်နိုင်ရင် ရက်ရက်ရောရော ဆုကြေးငွေ ပေးအပ်သွားမယ်လို့ ကတိပြုခဲ့ပါတယ်။

နိုင်ငံတကာ

နာမည် ဖော်ပြမထားတဲ့ အမေရိကန် ထိပ်တန်း စစ်ဗိုလ်ချုပ်ကြီး တစ်ဦးက ဗြိတိန် ကာကွယ်ရေးဝန်ကြီး ဘန်ဝေါလေ့စ်နဲ့ တွေ့ဆုံချိန်မှာ မဟာမိတ် နိုင်ငံရဲ့ တိုက်ခိုက်ရေးစွမ်းရည် ကျဆင်းလာမှုကို ပွင့်ပွင့်လင်းလင်း သတိပေးခဲ့တာလို့ Sky Newsက ဖော်ပြခဲ့ပါတယ်။

သတင်း

မြန်မာနိုင်ငံရဲ့ စီးပွားရေး မြို့တော်ဖြစ်တဲ့ ရန်ကုန်မှာ ဂျပန် အစိုးရ ငွေကြေးထောက်ပံ့တဲ့ တံတားတည်ဆောက်မှု ပရောဂျက် တစ်ခုအတွက် အဲဒီလို ငွေကြေး လွှဲပြောင်း ပေးချေမှာ ဖြစ်တယ်လို့ ဆိုပါတယ်။

နိုင်ငံတကာ

တစ်ဖက်မှာလည်း အမေရိကန် အစိုးရက မြောက်ကိုရီးယားဟာ ရုရှားအတွက် လက်နက်ကြီး ကျည်ဆန်တွေနဲ့ တခြား ခဲယမ်းမီးကျောက်တွေ ပေးပို့နေကြောင်း စွပ်စွဲထားပြီး မြောက်ကိုရီးယားကတော့ ငြင်းဆိုထားပါတယ်။