Connect with us

Hi, what are you looking for?

LuduNwayOo

နိုင်ငံတကာ

အမေရိကန်မှာ ကွန်ဒိုတိုက် ပြိုကျပြီး လူ ၁၀၀ နီးပါး ပျောက်ဆုံးနေ

အမေရိကန် နိုင်ငံမှာ ကွန်ဒို တိုက်ကြီးတစ်လုံး ပြိုကျမှုကြောင့် လူ ၁၀၀ လောက် ပျောက်ဆုံးနေကြောင်း သိရပါတယ်။

ဖလော်ရီဒါ ပြည်နယ်တောင်ပိုင်း၊ မီယာမီမြို့မှာ ရှိတဲ့ တိုက်ကြီးတစ်လုံး ဇွန်လ ၂၄ ရက်က ပြိုကျခဲ့တာ ဖြစ်ပါတယ်။ မီယာမီ မြို့တော်ဝန် ဒန်နီရယ်လ် လီဗင်းကာဗာက လူ ၉၉ ဦး ပျောက်ဆုံးနေပြီး အနည်းဆုံး ၁ ဦး သေဆုံးကြောင်း၊ အသက်ရှင်လျက် ရှာတွေ့ထားသူ ၁၀၂ ဦး ရှိထားပြီဖြစ်ကြောင်း ပြောပါတယ်။

၁၉၈၀ ပြည့်နှစ်လောက်က တည်ဆောက်ထားတဲ့ တိုက်ကြီးရဲ့ တစ်ခြမ်းလောက်က လုံးဝ ပြိုကျသွားခဲ့တာလို့ ဒေသခံတွေက ပြောပါတယ်။ တိုက်တစ်တိုက်လုံးမှာ လူနေအိမ်ခန်း ၁၃၀ လောက်နဲ့ ဖွဲ့စည်းထားတာ ဖြစ်ပါတယ်။ တိုက်ပြိုကျပြီး ပျောက်ဆုံးနေသူတွေထဲမှာ လက်တင် အမေရိက အနွယ်ဝင်တွေ တော်တော်များများ ပါဝင်နေပြီး ပါရာဂွေး သမ္မတ ကတော်ရဲ့ ဆွေမျိုးတချို့ပါ ပါနေတယ်လို့လည်း ဆိုပါတယ်။

ကွန်ဒိုတိုက်ကြီး ပြိုကျမှုအပြီး မီးလောင်ကျွမ်းမှု အသေးစားတချို့ ဖြစ်ခဲ့ပေမယ့် မိနစ် ၂၀ အတွင်း ငြှိမ်းသတ်နိုင်ခဲ့ကြောင်း မီယာမီ မီးသတ်ဌာနက ထုတ်ပြန်ပါတယ်။ ကယ်ဆယ်ရေး အဖွဲ့တွေဟာ ဆိုနာ ကိရိယာတွေ၊ နည်းပညာမြင့် ကင်မရာတွေ၊ လေ့ကျင့်ပေးထားတဲ့ ခွေးတွေကို အသုံးပြုပြီး အပျက်အစီးပုံအောက် ပိတ်မိနေသူတွေကို လိုက်လံ ရှာဖွေနေပါတယ်။

အခင်းဖြစ်တဲ့ နေရာကို ကိုယ်တိုင် သွားရောက်ခဲ့တဲ့ ဖလော်ရီဒါ ပြည်နယ် အုပ်ချုပ်ရေးမှူး ရွန်ဒီဆန်တစ်က လက်ရှိ အချိန်ထိ ကယ်ဆယ်ရေး လုပ်ငန်းတွေ အရှိန်လုံးဝ မလျှော့သေးကြောင်းနဲ့ အသက်ရှင် ကျန်ရစ်သူတွေ ရှိဦးမယ်လို့ ယုံကြည်ထားကြောင်း ပြောပါတယ်။

Public Service Announcement

Public Service Announcement

အဆောက်အအုံ ပြိုကျတဲ့ အကြောင်းရင်းကိုတော့ တိတိကျကျ မသိရသေးပါဘူး။ အမေရိကန်မှာတော့ လူနေ အဆောက်အအုံတွေ အခုလို ပြိုကျတာမျိုးက ဖြစ်တောင့်ဖြစ်ခဲ အခြေအနေမျိုးလို့လည်း သိရပါတယ်။

ဆက်စပ်သတင်းများ

နိုင်ငံတကာ

ရုရှား အစိုးရ ပြောရေးဆိုခွင့်ရ အရာရှိ ဒစ်မစ်ထရီ ပက်စ်ကော့ဗ်ကတော့ အခုဆုံးဖြတ်ချက်ဟာ အမေရိကန်ကို ကြွယ်ဝသထက် ကြွယ်ဝစေပြီး ယူကရိန်း အတွက်တော့ နောက်ထပ် အသက်တွေ စတေးရင်း တွင်းဆုံးကျစေမယ့် ကိစ္စမျိုးလို့ တုံ့ပြန်သွားပါတယ်။

နိုင်ငံတကာ

အမေရိကန်က အဲဒီအဆိုကို ဗီတိုအာဏာသုံးပြီး ပယ်ချခဲ့မေယ့် အမေရိကန်ရဲ့ အနီးစပ်ဆုံး မဟာမိတ်တွေထဲက ပြင်သစ်၊ ဂျပန်နဲ့ တောင်ကိုရီးယားတို့ကလည်း ပါလက်စတိုင်းနိုင်ငံ ထူထောင်ရေး အဆိုကို ထောက်ခံခဲ့ကြောင်း သိရပါတယ်။

နိုင်ငံတကာ

ကုလသမဂ္ဂဆိုင်ရာ အီရန် သံတမန် အဖွဲ့က အီရန်ရဲ့ တိုက်ခိုက်မှုဟာ တရားမျှတပြီး အမေရိကန် အနေနဲ့ ကြားမဝင်ဖို့ လိုတယ်လို့ သတိပေးလိုက်တာ ဖြစ်ပါတယ်။

နိုင်ငံတကာ

အမေရိကန် လေတပ်ဟာ CCAလို့ နာမည်ပေးထားတဲ့ ပရောဂျက်ကို အကောင်အထည်ဖော် စမ်းသပ်နေတာ နှစ်နဲ့ချီ ကြာမြင့်ခဲ့ပြီ ဖြစ်ပြီး ရှိရင်းစွဲ တိုက်လေယာဉ်တွေကို လေယာဉ်မှူးတွေအစား AIက ဆုံးဖြတ် ပျံသန်းတာမျိုး ခိုင်းစေနေတာ ဖြစ်ပါတယ်။