Connect with us

Hi, what are you looking for?

LuduNwayOo

နိုင်ငံတကာ

ဂျော့ဖလွိုက်ဒ် သေဆုံးမှုမှာ အဓိက တာဝန်ရှိတဲ့ ရဲအရာရှိ ထောင်ဒဏ် နှဏ် ၂၀ ကျော် ချမှတ်ခံရ

လူမည်း အမျိုးသား ဂျော့ဂျ်ဖလွိုက်ဒ်ကို အသက်ဆုံးရှုံးစေတဲ့ထိ အကြမ်းပတမ်း ဖမ်းဆီး ချုပ်နှောင်ခဲ့တဲ့ ရဲအရာရှိကို အမေရိကန် တရားရုံး တစ်ခုက ထောင်ဒဏ် နှစ်ပေါင်း ၂၀ ကျော် စီရင် ချမှတ်လိုက်ပါတယ်။

မင်နီယာပိုလစ်မြို့ တရားသူကြီးက အသက် ၄၅ နှစ်အရွယ် ဒါရက်ခ် ချော်ဗင်းဟာ ထောင်ဒဏ် ၂၂ နှစ်နဲ့ ၆ လ ချမှတ် ခံရမယ်ဆိုတဲ့ စီရင်ချက်ကို ဖတ်ကြား ကြေညာခဲ့ပါတယ်။ တရားသူကြီးက ချော်ဗင်းဟာ ပြည်သူလူထု ယုံကြည် အပ်နှံထားတဲ့ အခွင့်အာဏာကို အလွဲသုံးစား ပြုခဲ့တယ်လို့လည်း ဝေဖန် ပြောကြားသွားပါတယ်။

ပြီးခဲ့တဲ့နှစ်၊ မေလက ဖြစ်စဉ်မှာ ဖလွိုက်ဒ်ဟာ ချော်ဗင်းရဲ့ အကြမ်းနည်းနဲ့ ဖမ်းဆီးမှုကြောင့် သေဆုံးခဲ့ရပါတယ်။ အသက် ၄၈ နှစ်အရွယ် ဖလွိုက်ဒ်ဟာ လက်ထိတ်ခတ်ပြီး မှောက်လျက်သား လဲကျနေတဲ့ အနေအထားမှာ လည်ပင်းပေါ် ချော်ဗင်းရဲ့ ဒူးနဲ့ ၉ မိနစ်ကြာ တက်ဖိတာ ခံထားရတဲ့နောက် သေဆုံးသွားခဲ့တာပါ။

ဒီဖြစ်ရပ်ကို လူသတ်မှုနဲ့ တရားစွဲဆိုခဲ့သလို ကမ္ဘာအနှံ့မှာလည်း လူမည်းတွေရဲ့ အခွင့်အရေးကို တောင်းဆိုတဲ့ Black Lives Matter ဆန္ဒပြပွဲတွေ အင်အားကောင်းကောင်းနဲ့ ပေါ်ပေါက်လာခဲ့ပါတယ်။ ချော်ဗင်းဟာ ဒုတိယဒီဂရီ လူသတ်မှုအတွက် ပြစ်မှုထင်ရှားကြောင်း ပြီးခဲ့တဲ့လက ဝန်ခံခဲ့ပါတယ်။ သူ့ရဲ့ ရှေ့နေတွေကတော့ ချော်ဗင်းဟာ ရည်ရွယ်ချက် ကောင်းမွန်ပေမယ့် အမှားတစ်ခု ကျူးလွန်မိခဲ့တာ ဖြစ်တယ်လို့ ခုခံ လျှောက်လဲခဲ့ပါတယ်။

ချော်ဗင်းဟာ ထောင်က လွတ်ခဲ့ရင်တောင် အန္တရာယ် ပေးနိုင်သူဆိုတဲ့ သတိပေးမှုနဲ့ ရှိနေမှာဖြစ်ပြီး ရာသက်ပန် လက်နက် ကိုင်ဆောင်ခွင့် ပိတ်ပင် ခံခဲ့ရပါတယ်။ ဖလွိုက်ဒ်ရဲ့ မိသားစုနဲ့ ရှေ့နေတွေကတော့ အခု စီရင်ချက်ကို ကြိုဆိုကြောင်း ကြေညာခဲ့ပါတယ်။ ဖလွိုက်ဒ်ရဲ့ ရှေ့နေတွေဟာ ချော်ဗင်းကို ထောင်ဒဏ် နှစ်ပေါင်း ၄၀ ထိ အမြင့်ဆုံး စီရင်ချက်ပြစ်ဒဏ် ချမှတ်ပေးဖို့ တရားခွင်မှာ တောင်းဆိုခဲ့ပါသေးတယ်။

ဖလွိုက်ဒ်သေဆုံးမှု အပြီးမှာ မင်နီယာပိုလစ်ကစလို့ အမေရိကန် တနံတလျားက မြို့ကြီးတွေဆီ Black Lives Matter ဆန္ဒပြပွဲတွေ ပျံ့နှံ့သွားခဲ့ပြီး တခြား ကမ္ဘာ့နိုင်ငံကြီးတွေဆီကိုလည်း ရောက်ရှိခဲ့ပါတယ်။ ဖလွိုက်ဒ်ကို အကြမ်းနည်းနဲ့ ဖမ်းဆီးနေတဲ့ ဖြစ်စဉ်ကို ဗီဒီယို မှတ်တမ်းတင်ထားတဲ့ ဆယ်ကျော်သက် မိန်းကလေး တစ်ဦးကတော့ အခုလဆန်းပိုင်းမှာ သတင်းမီဒီယာနဲ့ ပတ်သက်တဲ့ အထူး ပူလစ်ဇာ ဂုဏ်ပြုဆုတစ်ခု ချီးမြှင့် ခံခဲ့ရကြောင်း သိရပါတယ်။

You May Also Like

သတင်း

အထက်ပါတိုက်ခိုက်မှုတွင် ပြည်သူ့ကာကွယ်ရေးတပ်ဖွဲ့ဝင်ရဲဘော်များက လက်ပစ်ဗုံးနှစ်ဖြင့် ပစ်ခတ်ဖောက်ခွဲခဲ့သော်လည်း တစ်လုံးသာပေါက်ကွဲသွားခဲ့ကြောင်း နေပြည်တော်(ပ.က.ဖ)က People's Spring သို့ ဖြေ ကြားထားသည်။

သတင်း

ကချင်ပြည်နယ်တွင် KIA နှင့် PDF ပူး​ပေါင်းအဖွဲ့အား​ကောင်းသည်။ ပြီးခဲ့သည့် နိုဝင်ဘာ (၂၇)ရက်ညတွင် KIAနှင့် PDFပူးပေါင်းအဖွဲ့က မိုးညှင်းမြို့ တက္ကသိုလ်ဝင်းအတွင်းတပ်စွဲထားသည့် စစ်ကောင်စီတပ်ကို တိုက်ခိုက်ခဲ့သည်။

ဗီဒီယို

အဲဒီ အမျိုးသားဟာ နိုဝင်ဘာ ၁၁ ရက်က သေဆုံးမသွားခင် တစ်ရက်အလိုမှာ ယွန်ဆန် ရဲစခန်းမှာရှိတဲ့ လုပ်ဖော်ကိုင်ဖက်တွေကို ကိုယ့်ကိုယ်ကိုယ် သတ်သေမယ့်အကြောင်း ပြောဆိုခဲ့တယ်လို့ သိရပါတယ်။

သတင်း

ပစ်ခတ်ခံရမှုကြောင့် သေဆုံးသူ စာရင်းဟာ ထပ်တိုးနေပြီး လက်ရှိအချိန်ထိ သေဆုံးသူ ၃၆ ဦးရှိလာပြီဖြစ်ကာ ကလေးငယ် ၂၄ ဦးပါဝင်တယ်လို့သိရပါတယ်။