Connect with us

Hi, what are you looking for?

LuduNwayOo

နိုင်ငံတကာ

အမေရိကန်မှာ Covid-19ကြောင့် ဆေးရုံတက်ရတဲ့ ကလေးဦးရေ စံချိန်တင် များပြားလာ

Covid-19 ကပ်ရောဂါကြောင့် ကလေးတွေ ဆေးရုံတက်ရတဲ့ အရေအတွက်ဟာ အမေရိကန်မှာ စံချိန်တင် မြင့်တက်လာကြောင်း သိရပါတယ်။

ဩဂုတ်လ ၄ ရက်ကနေ ၁၀ ရက်အတွင်းမှာ တစ်နေ့ကို ပျမ်းမျှ ကလေး ၂၄၆ ဦးလောက် ဒီရောဂါကြောင့် ဆေးရုံ ရောက်ခဲ့တယ်လို့ အမေရိကန် ရောဂါကာကွယ်ထိန်းချုပ်ရေးဌာန (CDC)ရဲ့ ထုတ်ပြန်ချက်မှာ ဖော်ပြထားပါတယ်။ ဒါဟာ ပြီးခဲ့တဲ့ တစ်ပတ်တာ ကူးစက်နှုန်း အမြင့်ဆုံး စံချိန်ဟောင်းနဲ့ ယှဉ်လိုက်ရင် အရေအတွက် ၂၇ ရာခိုင်နှုန်းထိ တိုးပွားလာခြင်း ဖြစ်ပါတယ်။

ဇန်နဝါရီလတုန်းက စံချိန်ဟောင်းအရ တစ်ပတ်အတွင်း ပျမ်းမျှ တစ်နေ့ကို ကလေးတွေ ဆေးရုံတက်ရတဲ့ အရေအတွက် ၂၁၇ ဦးထိ ရောက်ရှိခဲ့ဖူးပါတယ်။ ကလေးတွေမှာ ရောဂါလက္ခဏာ အရမ်းပြင်းထန်တဲ့ အဆင့်ထိ ရောက်တဲ့ အချိုးအစားကလည်း ဇူလိုင်လကစပြီး မြင့်တက်လာတယ်လို့ CDCက ဆိုပါတယ်။ ဒါဟာ အမေရိကန် နိုင်ငံအနှံ့မှာ Deltaမျိုးကွဲ ကိုရိုနာဗိုင်းရပ်စ် ပျံ့နှံ့ ကူးစက်မှုတွေနဲ့လည်း တိုက်ရိုက် ဆက်စပ်နေပါတယ်။

ပုံမှန်ဆိုရင်တော့ အသက် ၁၈ နှစ်အောက် လူငယ်ပိုင်းတွေနဲ့ ကလေးတွေဟာ ရောဂါဒဏ်ကို သိပ်ပြီး ဆိုးဆိုးရွားရွား ခံစားရလေ့ မရှိပါဘူး။ ကလေးတွေမှာ Covid-19 ရောဂါ အရမ်းပြင်းထန်တာမျိုးက ကူးစက်ခံရသူ ဦးရေနဲ့ ယှဉ်ရင် အချိုးအစား အရမ်းနည်းပါတယ်။ ဩဂုတ် ၅ ရက်ထိ စာရင်းတွေအရ အမေရိကန်မှာ ရောဂါ ကူးစက်ခံရတဲ့ ကလေး အရေအတွက် ၄.၃ သန်းနီးပါးထိ ရှိခဲ့ပြီး ဆေးရုံတက်ရတဲ့ အရေအတွက်က ၁.၅ ကနေ ၃.၅ ရာခိုင်နှုန်းထိ ရှိခဲ့ပါတယ်။

ဖလော်ရီဒါနဲ့ တက္ကဆက်စ်တို့က လတ်တလော ကလေးတွေ ဆေးရုံတက်ရတာ အများဆုံး ပြည်နယ်တွေ ဖြစ်ပြီး ပျမ်းမျှ တစ်နေ့ကို ၄၀ ကျော်လောက် ဆေးရုံ ရောက်လာကြတယ်လို့ ဆိုပါတယ်။ CDCကတော့ Deltaမျိုးကွဲ ကိုရိုနာဗိုင်းရပ်စ် ကူးစက်မှုတွေ ခေါင်းထောင်လာချိန်မှာ ကာကွယ်ဆေး ထိုးခံထားရပြီးသူတွေ အပါအဝင် လူတိုင်း မိုးလုံလေလုံ ဧရိယာတွေမှာ နှာခေါင်းစည်း (Mask)တပ်ကြဖို့ ညွှန်ကြားထားပါတယ်။ ပြီးတော့ ကျောင်းတွေမှာလည်း ကလေးတွေကို အနည်းဆုံး ၃ ပေခြားပြီး နေရာချဖို့၊ ကိုယ်ပူချိန်တိုင်းဖို့၊ ကျောင်းခန်းတွေ လေဝင်လေထွက်ကောင်းအောင် စီစဉ်ဖို့ ညွှန်ကြားထားကြောင်းလည်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

အမေရိကန်ဟာ မြောက်ကိုရီးယားအပေါ် ရန်လိုမှုတွေကို ပိုပြီး ထင်ထင်ပေါ်ပေါ် ပြသလေလေ၊ အခြေအနေတွေက ပိုပြီး အန္တရာယ် ကြီးလာလာလေလေ ဆိုတာကို အရှိအတိုင်း နားလည်သင့်ကြောင်း သံအမတ်ကြီး ကင်မ်က ပြောပါတယ်။

ဗီဒီယို

လောလောဆယ်မှာတော့ ကိုရီးယားကျွန်းဆွယ် ကမ်းလွန်ရေပြင်မှာ အမေရိကန်နဲ့ တောင်ကိုရီးယား ရေတပ်သင်္ဘော စုစုပေါင်း အစီး ၂၀ လောက် ဖြန့်ကျက်ပြီး စစ်ရေး လေ့ကျင့်မှုတွေ လုပ်ဆောင်နေပါတယ်။

သတင်း

NUG အစိုးရ၏ ကျန်းမာရေးဝန်ကြီးဌာနကလည်း ​မြန် မာနိုင်ငံတွင် ရက်သတ္တနှစ်ပတ်အတွင်း ကိုဗစ်ရောဂါကူးစက်ပြန့်ပွားမှု နှစ်ဆတိုးလာသည်ကိုတွေ့ရကြောင်း ကမ္ဘာ့ကျန်းမာရေးအဖွဲ့(WHO)၏စာရင်းများကို ကိုးကားပြီး သတိပေးသည်။

သတင်း

စစ်​ကောင်စီလက်​အောက်တွင် ကျန်းမာ​ရေး​စောင့်​ရေး​စောင့်​ရှောက်မှုစနစ်ပျက်ယွင်း​နေပြီး ကိုဗစ်ကူးစက်မှုအ​ခြေအ​နေမှန်ကိုသိရှိရန်ခက်ခဲသည်။