Connect with us

Hi, what are you looking for?

နိုင်ငံတကာ

ကဘူးလ်လေဆိပ် ဗုံးခွဲမှုအတွက် လေကြောင်း တိုက်ခိုက်မှုနဲ့ လက်တုံ့ပြန်ခဲ့တဲ့ အမေရိကန်

ဩဂုတ် ၂၇ ရက်က နန်ဂါဟာ ဒေသမှာ ဒရုန်းနဲ့ လေကြောင်း တိုက်ခိုက်မှုတစ်ခု ပြုလုပ်ခဲ့ပြီး အိုင်အက်စ်ကေ အဖွဲ့ရဲ့ စစ်ဆင်ရေးမှူး တစ်ဦး သေဆုံးသွားကြောင်း အမေရိကန်ရဲ့ ပင်တဂွန် စစ်ဌာနချုပ်က ကြေညာပါတယ်။

အာဖဂန် နစ္စတန်က အိုင်အက်စ် အကြမ်းဖက် အဖွဲ့ရဲ့ အရေးကြီးတဲ့ ပစ်မှတ်တစ်ခုကို အမေရိကန်က လေကြောင်းကနေ တိုက်ခိုက်ခဲ့ကြောင်း သိရပါတယ်။

ဩဂုတ် ၂၇ ရက်က နန်ဂါဟာ ဒေသမှာ ဒရုန်းနဲ့ လေကြောင်း တိုက်ခိုက်မှုတစ်ခု ပြုလုပ်ခဲ့ပြီး အိုင်အက်စ်ကေ အဖွဲ့ရဲ့ စစ်ဆင်ရေးမှူး တစ်ဦး သေဆုံးသွားကြောင်း အမေရိကန်ရဲ့ ပင်တဂွန် စစ်ဌာနချုပ်က ကြေညာပါတယ်။ အိုင်အက်စ်ကေဟာ အိုင်အက်စ်တွေရဲ့ အာဖဂန် အခြေစိုက် အဖွဲ့ခွဲတစ်ခု ဖြစ်ပါတယ်။

ဩဂုတ် ၂၆ ရက် မနက်ပိုင်းက အာဖဂန်နိုင်ငံ၊ ကဘူးလ်မြို့တော် လေဆိပ် အပြင်ဖက်မှာ ဗုံးခွဲမှုတွေကြောင့် အမေရိကန် မရိန်း တပ်ဖွဲ့ဝင် ၁၃ ဦး အပါအဝင် လူပေါင်း ၁၇၀ ကျော် သေဆုံးခဲ့တဲ့ ဖြစ်စဉ်ကို လက်တုံ့ပြန်တဲ့ အနေနဲ့ အခု လေကြောင်းတိုက်ခိုက်မှုကို အကောင်အထည် ဖော်ခဲ့တာပါ။ လေဆိပ် ဗုံးခွဲမှုဟာ သူတို့လက်ချက် ဖြစ်တယ်လို့ အိုင်အက်စ်ကေက ကြေညာထားပါတယ်။

အမေရိကန် သမ္မတ ဂျိုးဘိုင်ဒန်က အမေရိကန် စစ်သည်တွေ အသက်ပေးလိုက်ရတဲ့ အကြမ်းဖက် တိုက်ခိုက်မှုအတွက် အစွမ်းကုန် လက်တုံ့ပြန်သွားမယ်လို့ ကတိပြုထားပါတယ်။ တစ်ဖက်မှာလည်း အခုလကုန် မတိုင်ခင် အာဖဂန်ရောက် အမေရိကန် နိုင်ငံသားတွေနဲ့ တခြား ခိုလှုံခွင့် ပြုထားသူတွေ အရေးပေါ် ရွှေ့ပြောင်းပေးရေး ကိစ္စကိုလည်း အရှိန်မြှင့် ဆောင်ရွက်နေပါတယ်။

Public Service Announcement

Public Service Announcement

ကဘူးလ်ကို တာလီဘန် စစ်သွေးကြွတွေက သိမ်းပိုက်လိုက်တဲ့နောက် အမေရိကန်က အခုလို အရေးပေါ် ရွှေ့ပြောင်းမှုတွေ လုပ်ဆောင်နေရတာပါ။ ကဘူးလ်လေဆိပ် ဗုံးပေါက်ကွဲမှုအပြီးမှာ နောက်ထပ် အကြမ်းဖက် တိုက်ခိုက်လာနိုင်တဲ့ အခြေအနေတွေ အတွက်လည်း လုံခြုံရေးအရ စိုးရိမ်နေရပါတယ်။

အမေရိကန်နဲ့ မဟာမိတ် နိုင်ငံတွေဟာ အခုလ မကုန်ခင် ကဘူးလ်ကနေ လူပေါင်း တစ်သိန်းကျော်ကို ရွှေ့ပြောင်းပေးရဖွယ် ရှိနေကြောင်းလည်း သတင်းတွေက ဖော်ပြထားပါတယ်။

ဆက်စပ်သတင်းများ

သတင်း

ကနီမြို့ရှိ ချင်းတွင်းမြစ်ဆ်ိပ်ကမ်းတနေရာကို စစ်ကောင်စီကဖေဖော်ဝါရီလ ၁၇ရက် နေ့လည်ပိုင်းတွင် ဂျက်ဖိုက်တာဖြင့် လေကြောင်းမှတိုက်ခိုက်ရာ ခရီးသွားသံဃာတော်တစ်ပါး နှင့် အရပ်သားတစ်ဦး ဒဏ်ရာရရှိခဲ့သည်။

သတင်း

မန္တလေးတိုင်း၊ မတ္တရာမြို့နယ် အရှေ့ခြမ်းမှာ မနေ့ကညနေပိုင်းက တော်လှန်ရေးတပ်တွေနဲ့ စစ်ကောင်စီတပ်တွေ တိုက်ပွဲဖြစ်ပွားခဲ့ပြီး ဒီနေ့(ဖေဖော်ဝါရီ ၁၇ရက်)မနက်မှာ စစ်ကောင်စီကလေကြောင်းတိုက်ခိုက်တာတွေပြုလုပ်ခဲ့တယ်လို့ တော်လှန်ရေးတပ်တွေက ပြောပါတယ်။

သတင်း

ရှမ်းပြည်နယ်မြောက်ပိုင်း၊ ကွတ်ခိုင်မြို့၌ ယနေ့(ဖေဖော်ဝါရီ ၁၆ရက်)ညပိုင်းတွင် လေ ကြောင်းတိုက်ခိုက်ခံရမည်ဟူသော သတင်းများထွက်ပေါ်နေ၍ မြို့ခံများမှာ ညတွင်းချင်း တိမ်းရှောင်နေကြသည်။

သတင်း

အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနအနေဖြင့် လေကြောင်းတိုက်ခိုက်မှုဘေးအန္တရာယ် ကြုံတွေ့ရချိန်တွင် ထိခိုက်မှုအနည်းဆုံးဖြစ်ရန် ကာကွယ်နေထိုင်ခြင်းနှင့်ပတ်သက်သည့် ဆောင်ရန် ၊ရှောင်ရန်အချက် များကို ယခုရက်ပိုင်းအတွင်း အပိုင်းလိုက် အသိပေးထုတ်ပြန်လျှက်ရှိရာ လေကြောင်း တိုက်ခိုက်ခံရစဉ် ရှောင်ရန်အချက်များနှင့် နေအိမ်များ စွန့်ခွာရပါက ဆောင်ရွက်သင့်သည့် အချက်များအကြောင်း ယမန်နေ့နှင့် ယနေ့(ဖေဖော်ဝါရီ ၁၆ရက်)တွင် အသိပေးထုတ်ပြန်သည်။